Mąątɛ̨nɛ̨ 103:18 - Yálá laawoo hɛɓɛ (dc)

¹⁸ A nuąi ti da nwɔ mįnɛ̨i pɔ yíi ɓo, di wɔ kiliŋąhiɛ ə ɓo nwɔ tɔ́n nwooiɠaai kɛ mɛ̨nį ɓa.

Yálá laawoo hɛɓɛ

¹⁸ A nuąi ti da nwɔ mįnɛ̨i pɔ yíi ɓo, di wɔ kiliŋąhiɛ ə ɓo nwɔ tɔ́n nwooiɠaai kɛ mɛ̨nį ɓa.

Bible

¹⁸ gɛ́ ƃò diai kélee mɛni ma da ŋɔkpanaŋ-wooi mɛi kâa, díkɛ sìa a ŋɔtɔ̂ŋ wóo a teniŋ ƃô-perei.

Mąątɛ̨nɛ̨ 103:18 Referans Kwoze

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Hanwon 3:1

Nón, mɛ̨nįi gáá ə́ kala ɉii la, 'hvó lɛ̨ą mą, ə́ kili ə́ lɛɛ nwɔ́ liɛwooɠaa hu.

Mąątɛ̨nɛ̨ 132:12

Ə́ lonnii da nwɔ́ mįnɛ̨i pɔ yíi ɓo, da dɔn nwooɠaai gáá pai nɛi diɛ, di lonnii kpɛli mąn, di kaa pai heei ə́ wɔ tɔɔkpəlin mɛ̨i ɲɛ̨n deei hvo mą.»

Mąątɛ̨nɛ̨ 25:10

Yai-Laa nwɔ pələɠaai kaa a tələnmolaa, da tɛ̨ą, nuąi da nwɔ mįnɛ̨i hu wooɠaa pɔ mɛ̨nį kɛ.

Lɛɛ gbɔwɔ ɓa 24:8

Moisə ə ɲąmą həɠə, ə daɠa nuą mɛ̨i, yɛ diɛ: «Mįnɛ̨i Yai-Laa ə naa gwa diɛni gu lɔwai, yaai ɉu woo ɓaa a nwooɠaai ŋɛ̨i kəlee, ɉəɠə ɲąmą ka.»

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Kɔlɔnikɔ Veerɛi 34:31

Tɔɔmun ə lɛɛ tɔɔni dɔɔi, ə nwoo kwɛlɛ Yai-Laa ɓa, yɛ gaa pai hvilɛn ɉii Yai-Laa pulu, ə ɲee kanąn nwɔ tíɓoɠaai da mąąpamą wooɠaa diɛ, da nwɔ tɔ́nŋąą diɛ, yɛ hvilɛn mįnɛ̨ hɛɓɛ́ hu wooɠaa pulu a nii kəlee, nwɔ yɛnɛ̨ɛ̨ kəlee yee mu.

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Lonon mo 15:40

Yili pɔ pələ ɓə, ka káá pai kɛi nwɔ tɔ́nŋąąi pɔ mɛ̨nį kɛi la, kaa kɛ a nu mąąhəɠɛɛɠaa ka wɔ Yálái ɲɛ̨i ɓa.

Dutɛrɔnome 7:12

Ɛlɛɛ, ka ka wəli tɔɔ nɔi hu yíi ɓo pələɠaa tii diɛ; ka di pɔ yíi ɓo, ka yee kanąnŋąą mą; mįnɛ̨i Yai-Laa ka wɔ Yálái da ka nąnni di ɉəɠə, a bɔ mɛ̨nį kɛ kaa, yɛ ka wɛlilakɛ.

Azaya 64:4

Nui gwəinɛ̨ɛ̨ mɛ̨nį ɓaa a təlimo yii ɓoɔ, da nuąi ə́ wɔ pələɠaai mɛ̨i, diɛ di kilitɔɔ yɛ́, da ka diɛni ka kwiɛn a Yɛ́. Ɓɛ kaa, Yáá ə́ líiholi, mąąhɔlɔɓo, kwaa həɠə bələ mɛ̨i, tɔwɔ tɔwɔ pələɠaai tii mɛ̨i ɓə, ku kaa pai ɓalo hɔlɔɓoi laa.