Mąątɛ̨nɛ̨ 103:13 - Yálá laawoo hɛɓɛ (dc)

¹³ Bələi lon gaa nąn a non ɉon na a wɛlikɛmąąlaa kɛnɛ̨, bələ lɔ ɓə Yai-Laa a nuąi da ɲɔw mą di hon na a liinɛ̨ɛ̨ gwəilaa.

Yálá laawoo hɛɓɛ

¹³ Bələi lon gaa nąn a non ɉon na a wɛlikɛmąąlaa kɛnɛ̨, bələ lɔ ɓə Yai-Laa a nuąi da ɲɔw mą di hon na a liinɛ̨ɛ̨ gwəilaa.

Bible

¹³ Berei nɔ́ ǹaŋ-nuu a ǹônii malôŋ kàa lai, bere nɔ́ ƃé Yâwɛɛ a diai malôŋ kàa la da ƃaa kɛ́-maa tɛ̂ɛ bɔ́i.

Mąątɛ̨nɛ̨ 103:13 Referans Kwoze

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

Hanwon 3:12

Mąąhɔlɔɓo, nui nwɛli kaa Yai-Laa ɓa, ya ɓə Yai-Laa a ɉu tɔɔ, yɛ bələi lon yii nwɛli kaa nąn ma, a gɛ la.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Mąątɛ̨nɛ̨ 147:11

Kɛlaa Yai-Laa a giliŋąhiɛ kpɔ a nɛlɛɛ, yɛ vilɛn, nuąi da ɲɔw mą diɛ a diɛi da di kilitɔɔ nwɔ kulɔ nwooɓa laa ɓa.

Maafîu 6:32

Nuąi di hvo Yálá kɔ́lɔn, diɛ ɓə mąąnɛ̨ɛ̨ di yiliɠaai niihɛlɛn ɉee. Ka Ną́n gaa yələi, ə ka kpaan mɛ̨nį kəlee kɔ́lɔn.

Mąątɛ̨nɛ̨ 103:11

Bələi lɔ yələkɔlɔn nwɔ heeɓolaa kaa la lɔi ɓa, bələ lɔ ɓə nwɔ wɛlikɛmąąlaa kɛ̨nɛ̨ la ɲɔw mąą nuą diɛ.

Gɛlaɠaa 13:26

«Nąn nonnii, káái a Abrahamə huwu, káái ɓɛ, káá ɲɔw Yálá ɓa, ká gu mąą mɛ̨nį ɓə di nu ɓalo woo ŋɛ̨i tɛɛ la.

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Maafîu 6:9

Bələi mąąnɛ̨ɛ̨ ka Yálá hvɛli la bələ ka, ka kɛ mą: «‹Ku Ną́n yɛ́i ə́ kaa yələkɔlɔn ɉu, Ə́ laa mąą ə həɠə.

Dutɛrɔnome 3:5

Gəlee di kɛ a taai hįį kpoloon dɔɔ mą. Ɉįį kpoloon ɲee muhəɠɛɛ, kpon veelɛ ə ɓo naaləi. Kwɛli hɔlɔɔn naa bulu; daa pɛlɛɛɠaa laa hvo kɛ ɉu.

Lonon mo 11:12

Akɛti, ɲą́ą́ ɓə mɔ̨ɔ̨ nuą ŋɛ̨i kəlee mąą koo həɠə? Ɲą́ą́ ɓə mɔ̨ɔ̨ di kaa a lon diɛ kɛ yɛnɛ̨ɛ̨? Yaai ə́ kaa kɛi mą́ą́: ‹Di laa ə́ yee kɔ́nwɔ̨n ɉu, yɛ bələi kɔ̨nwɔ̨lee a non ɉon na, ə́ bɛlɛ ə́ lii pɔ.› Yɛ́ kɛ diɛ, di lɛɛ tii ɲə́i ə lɛɛ ɉu kwəli ɓɛi ə́ nąą laakwɛlanmo di nąnni diɛ.

Levetekɔ 26:44

Di mą kɛ di yowoɠaa di wɔ lɔi hu, və́ pai di pilii, di wɛli hvo pai kpɛɛi mą́ą́, gɛ́ di huwu pu, ɛlɛɛ mįnɛ̨i kwa diɛni ku ɉəɠə, hva ɉəɠə mą, mąąhɔlɔɓo, ɲą́ą́ Yai-Laa, di wɔ Yálá ɓaa Ɲą́ą́.