Mąątɛ̨nɛ̨ 103:1 - Yálá laawoo hɛɓɛ (dc)

¹ Davidə nwɔ wələ woo. Nį́i! Yai-Laa mąąwiɛ, gɛ́ níí ə Naa mąąhəɠɛɛ mąąwiɛ.

Yálá laawoo hɛɓɛ

¹ Davidə nwɔ wələ woo. Nį́i! Yai-Laa mąąwiɛ, gɛ́ níí ə Naa mąąhəɠɛɛ mąąwiɛ.

Bible

¹ Ŋa pâi Yâwɛɛ láa maa tɛ̂i a ńii kélee. Ŋa pâi ǹáa maa waai maa tɛ̂i a ŋ́gbono kélee.

Mąątɛ̨nɛ̨ 103:1 Referans Kwoze

Ɉaan 4:24

Yálá kaa a Kili. Ya ɓə gɛi, nuąi da kwɛli hvilɛn mą, da vilɛn mą a nwɔ Kilii da tɛ̨ą.»

Korɛntə dɔlɔɔ 14:15

Ŋą́ gɛ pələ kɛ ləi kani? Ŋą́ Yálá hvɛli a gíli da nwɔ́ mɛ̨nį kɔlɔnŋąą, ŋą́ wələ too a gíli da nwɔ́ mɛ̨nį kɔlɔnŋąą.

Mąątɛ̨nɛ̨ 111:1

'Kánikookwəi! Gáá Yai-Laa laa tɛi a níi kəlee, Tələnmolonnii lɔwai, ɲąąkpɔn gɛnɛ̨ɛ̨ hu.

Mąątɛ̨nɛ̨ 103:22

'Ka Yai-Laa laa mąąwiɛ, kaai a nwɔ pɛli hɛnŋąą kəlee, kɛɛnąą kəlee ɓɛi kpɔ ŋą Heeɓolaa nwɔ kələn nwoo ə li laa. Nį́i, Yai-Laa mąąwiɛ.

Mąątɛ̨nɛ̨ 99:3

Gəlee di ə laa mąąwiɛ kan, a Ə́ laa gɛnɛ̨ɛ̨, Mąąɲɔwuɔ, Mąąhəɠɛɛ.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Mąątɛ̨nɛ̨ 63:5

Yili ɓa, ŋą́ ə́ laa tɛ́, nwɔ́ yɛnɛ̨ɛ̨ kəlee yee mu, gɛ́ ɲéé tɛ yələi, gɛ́ ə́ laa tɛ.

Mąątɛ̨nɛ̨ 47:7

'Ka wələ too Yálá ɓa, 'ka doo! 'Ka hvɛli kɛ gu wɔ tɔɔmun ɓa, 'ka gɛ kpɔ!

Filipə 1:9

Yii ŋą́ vɛli, ká mąą mɛ̨nį ɓa ya ka: Gɛ́ ka wɔ wɛlikɛmąąlaa hu yɛ kɛnɛ̨ lɔ a yələ kəlee, da yɛ pɛlɛ mą mɛ̨nį kɔ́lɔnŋąą hu,

Mąątɛ̨nɛ̨ 138:1

Davidə nwɔ wələ woo. Gáá ə́ laa tɛi a níi kəlee, gáá ə́ laa tooi a wələ haliɠaa ɲɛ̨i ɓa.

Azaya 6:3

Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»

Mąątɛ̨nɛ̨ 104:1

Nį́i, Yai-Laa mąąwiɛ, Yai-Laa nwɔ́ Yálá! Ə́ kɛnɛ̨ɛ̨i tai! Ə́ mąąyiliɛ a lɛlɛ da ɲɛ̨ipono.

Mąątɛ̨nɛ̨ 145:1

Davidə nwɔ Yálá mąątɛ̨nɛ̨ wələ. Nwɔ́ Yálá, nwɔ́ Tɔɔmun, gáá ə́ laa tɛi, gɛ́ ə́ laa mąąwiɛ, və́ ɲɛ̨n dee li.