Mąątɛ̨nɛ̨ 102:18 - Yálá laawoo hɛɓɛ (dc)

¹⁸ A ɲələi ti gaa pai ɲɛ̨i tinɛn ɉi la nuą daa too, di pɔ pələ, di wɔ hvɛli wooi pɔ pələi, gaa pai ɲee heei di wɔ hvɛli wooi mu, hvo kɛa pai di pilii.

Yálá laawoo hɛɓɛ

¹⁸ A ɲələi ti gaa pai ɲɛ̨i tinɛn ɉi la nuą daa too, di pɔ pələ, di wɔ hvɛli wooi pɔ pələi, gaa pai ɲee heei di wɔ hvɛli wooi mu, hvo kɛa pai di pilii.

Bible

¹⁸ Ka Yâwɛɛ kɛ́-mɛni-ŋai ŋí mɛni pɔ̃yɛ tínaa tuɛ-pere mɛni ma, a gɛɛ diai pâi kɛ̂i naai, da pɔ̂ri ǹáa maa tɛ̂i.

Mąątɛ̨nɛ̨ 102:18 Referans Kwoze

Lomaŋ 15:4

Yaan mɛ̨nįɠaai kpɔ bɛ̨ɛ̨ Yálá lawoo hɛɓɛ́ hu, di gəlee pɛ̨ɛ̨ gu mąąkwɛli mɛ̨nį ɓa. Ya ɓə a gɛ, liikpələ da hvaŋąlɔi Yálá lawoo a dɛɛ gu pɔ ɉaalai, gu kilitɔɔmąąlaa hɔlɔɓo.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Piɛrə veelɛ 1:15

Kɛlaa, gáá gɛ pələ kwɛli mą, ŋį́ kpaalə ta tɛɛ ka pɔ, ə gɛ, ɉáá pulu, kaa mɛ̨nįɠaa ŋɛ̨i kili too ka ŋą.

Korɛntə dɔlɔɔ 10:11

Mɛ̨nįɠaai kpɔ tii di gɛ, di yiliɠaai pɛ̨ɛ̨, ə gɛ, ə kɛ a mɛ̨nį kɔɔn mąą, di bɛ̨ɛ̨, gu mąąkwɛli mɛ̨nį ɓa, guɔi gu kaa lɛɠɛi ɲɛ̨nɛ̨ɛ̨ ɲąąkpɛɛi lɔwai ŋɛ̨i ɓa.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Danîa 9:2

nwɔ tɔɔlaa gwɛlan dɔlɔɔ hu, gwɛlan bow mɛ̨ihveelɛi ŋɛ̨i di vaa ɓo a Ɉerusalɛmə taa wolo kwɛlan, yii mąą mɛ̨nį pɛ̨ɛ̨ Yálá lawoo hɛɓɛ́ hu, yɛ pələi Yai-Laa yaa kpinį ə mo la gwəi mɛ̨nį hukulɔ mun Ɉeremi ɓa, ɲą́ą́ Daniɛlə ɲá hee, gɛ́ mukulaa kwɛli.

Azaya 43:7

Nuąi kpɔ tii náá kaa diɛ, a diɛi tii ŋį́ di pɛli, gɛ́ di kɛ yɛnɛ̨ɛ̨, gɛ́ di pɛli nwɔ́ mąąwiɛ mąą mɛ̨nį ɓa!

Mąątɛ̨nɛ̨ 71:18

Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Mąątɛ̨nɛ̨ 48:13

'Ka hiɛ Siɔn taa mąąkpɛ hįį kpoloonŋaa mɛ̨i, 'kaa mąąkpɛ pɛlɛ́ɠaa lono.

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Mąątɛ̨nɛ̨ 69:34

Mąąhɔlɔɓo, Yai-Laa a nwəli tɔɔ mąąwɛli nuą woo ɓa, hva lənə nwɔ nuąi diɛ, ɓɛlɔwai da di hon na kɔ́ hu.