Mąątɛ̨nɛ̨ 102:14 - Yálá laawoo hɛɓɛ (dc)

¹⁴ Ə́ kaa pai Ə́ muhəɠəi, Siɔn taa wɛli ɓa. Mąąwɛli kaa yələ aa həli, a tɛ̨ą, ɲələ aa ɉəli!

Yálá laawoo hɛɓɛ

¹⁴ Ə́ kaa pai Ə́ muhəɠəi, Siɔn taa wɛli ɓa. Mąąwɛli kaa yələ aa həli, a tɛ̨ą, ɲələ aa ɉəli!

Bible

¹⁴ Ínûai dí ŋ̀wɛ́lini, berei máŋ a too lai. Maloŋ kâa káa díyêei m̀ɛni ma, berei máŋ zu karâai lai.

Mąątɛ̨nɛ̨ 102:14 Referans Kwoze

Nehemi 4:2

Di kəlee di woo ə laa mą, diɛ pa kɔ́ pɛlɛi Ɉerusalɛmə ɓa, ə gə, di mąą mɛ̨nį hukala.

Mąątɛ̨nɛ̨ 79:1

Asafə nwɔ wələ woo. Ee Yálá! Hįi takpɛliɠaa daa lɔ ə́ kwɛlin nɔi hu, daa ə́ wɔ pɛ́lɛ́i mąąliɓi; daa Ɉerusalɛmə lɛɛ a taa kpoloon.

Nehemi 4:10

Kɛlaa, ə həɠə mąą yələ ɓa, nwɔ́ koló kɛ nuąi bələ tɔ̨nɔ̨ ə kɛi koló, kilɛnŋąą, ɓɔwa kwɛaɠaa da kpalaɠaa di ɓo bələ tɔ̨nɔ̨ yəi. Bɛlɛ nąmįną tɔɔi kɛ Ɉuda nuą pulu.

Nehemi 4:6

Ɉuifəɠaai kɛ di kwɛlɛ, di kɛi pa diɛ mo ku wɔ gee mɛ̨i pow-lee-pow; diɛ kɛ ku wɔ, di kaa pai woloi guɔ, diɛ həɠə gu kwɛlɛ nąą kəlee.

Nehemi 2:17

Ya ɓə ŋį́ kɛ diɛ: «Mɛ̨nį ɲąąnwąnąąi gu ɉu, ka káá gaai! Ɉerusalɛmə taa aa pu, gbonŋąą kələn ŋąą, ka gu pənə, ka gu Ɉerusalɛmə mąąkpɛ hįį tɔɔ. Gu hvo kɛa kɛ a nwunmɛ̨ lɔwɔ.»

Nehemi 2:3

Gɛ́ tɔɔmun ma: «Ə́ lamun yɛnɛ̨ɛ̨ Yálá ə kɛ! Lə mɛ̨nį ɓa, ɲį́nąą hva kɛ a ɲiliɛ! Daai ną́nni kámą kaa ɉu, aa lɛɛ a taa kpoloon, nwɔ̨n aa ɉįi kponŋąą kəlee kələn!»

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Ɛsdrasə 7:27

«Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Ɛsdrasə 1:5

Nąąlɔwai, bɛlɛ nąmįnąi di kaa Ɉuda nu huwu lɔwai, da Bɛnɉamɛn huwuhu nuą, ə mą kɛ, ɉaláá laa həli nuą da Levi huwuhu nuą, da nuąi kpɔ Yálá nwɔ pɛ́lɛ́i gaa Ɉerusalɛmə daai, dɔɔ mɛ̨nį niihɛlɛn gaa diɛ, gəlee di di muhəɠə diɛ li.

Danîa 9:16

Ną́mu Yálá, pənə ə́ ə́ wɔ mɛ̨inɛ̨ɛ̨ hu nwun, ə́ ə́ wɔ líiɲąnwąną ɲɛ̨i həɠə Ɉerusalɛmə taa ɓa, yii gaa a ə́ wɔ taalee da ɲee ŋɛ̨i ya kɛi kulɔi maə́ wɔ nu huwui ɓa pɔ̨nɔ̨ŋa. Kuwɔ túwɔ́ pələ ɲɔ̨n mąą mɛ̨nį ɓa, da ku kalaɓɔlɔni kɛ nɛ̨ŋɛ̨nŋaa mąą mɛ̨nį ɓa, ku kwɛlɛ lɔiɠaa kəlee da Ɉerusalɛmə taa lalan da ə́ wɔ nu huwuɠaai.

Rutə 1:6

Nąąlɔwai, Naomi da non nɛ̨ąni hveelɛi tii di həɠə Moabə lɔi hu diɛ li, mąąhɔlɔɓo, Naomi ə lɛɛ Moabə lɔi hu ə mɛ̨n diɛ mą: Yai-Laa aa ɲɛ̨i lɛlɛɛ hee nwɔ lɔi nuą diɛ, aa kɔ̨nɔ̨n dɛɛ di pɔ.

Mąątɛ̨nɛ̨ 119:126

Yai-Laa, ə́ kɛ́ mɛ̨nį kɛ yələ aa həli mą, daa ə́ wɔ tɔn mąąkalai.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.