Bib sou entènèt

Paj dakèy
Bib sou entènèt
Mąątɛ̨nɛ̨ 10:14

Mąątɛ̨nɛ̨ 10:14 - Yálá laawoo hɛɓɛ (dc)

¹⁴ Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Gade chapit la Kopi

Yálá laawoo hɛɓɛ

¹⁴ Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Gade chapit la Kopi

Bible

¹⁴ Kɛ́lɛ, ya mɔ̃lɛ-laa da mɛni kpɔ̂lu kàa, íkpîŋ kpɛtɛ a gɛɛ íkpɔŋ maa tɛɛ. Ǹyaŋ diai pɔ̂ri maa fé dîɛi, da díkpîŋ tɛ̀ɛ ípɔ. Ya kpɔŋ mâa tɛ̀ɛ dee-lôŋ-ŋai pɔ́.

Gade chapit la Kopi

tounen moute ⬆

Mąątɛ̨nɛ̨ 10:14
35 Referans Kwoze

Mąątɛ̨nɛ̨ 68:5

'Ka wələ too Yálá ɓa, 'ka naa tɛ a wələ woo nɛ̨ɛ̨! Nui tii tɛɛi nɔiɠaa hu, hoo mɛ̨i, 'ka naa tɛ. Naa ɓaa a Yai-Laa! 'Ka pili yələi níila, a kwəinɛ̨ɛ̨!

Mąątɛ̨nɛ̨ 146:9

Yai-Laa a nwɛ̨ąą mąąkɔ̨nwɔ̨, a ɲee hee təlilon da kalanin di mu. A mɛ̨nį ɲɔ̨n gɛmun dɛɛ kpaalə hu kala.

Osia 14:3

'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Ɉeremi 49:11

'Hvó ə́ liihɛlɛn ə́ wɔɔ təlilɛa mąą mɛ̨nį ɓa, ɲą́ą́ ɓə pai di kulɔi ɉu. Ə́ wɔɔ kalaninŋaa da pɛli di di kilitɔɔ mą́ą́.»

Mąątɛ̨nɛ̨ 55:22

Naa nɛ̨ɛ̨i mą yɛ kwɛ̨in nwulɔ, Kɛlaa, nii yɛ kɔ́ kɔ́. Vaa wooɠaa nɛ̨ɛ̨i na yɛ wulɔ, Kɛlaa ɓɔwa kwɛaɠaa ka tii.

Dutɛrɔnome 10:18

A təli lon da kalanen di wɔ tɛ̨ąą kulɔ pɔ̨nɔ̨ ŋą, a nwɛ̨ą wɛlila kɛ, yɛ kɔ̨nɔ̨n dɛɛ bɔ da həɠə.

Piɛrə dɔlɔɔ 5:7

'Ká ká kpąąn mɛ̨nįɠaa kəlee laa níila, gbala ə tɔɔ, a ká mąąkpąąn gbɛɛ.

Piɛrə dɔlɔɔ 4:19

Yili ɓa, nuąi di kaa mɔ̨nɔ̨ mįi yɛ bələi Yálá liiɓa kaa la, mąąnɛ̨ɛ̨ di di nįį kalihvaɓo hɛn gəlee pɛlimun, a kulɔ nwoo ɓa, mą, a mɛ̨nį lɛlɛɛ kɛɛ.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Ɉeremi 51:56

A tɛ̨ą, kɛɛ kalamun gaa pai, ə yili mą, ə yili Babilonə ɓa. Da nwɔ kɔkulaaɠaa hon, di wɔ kilɛnŋaai hu yali yali, Yai-Laa kaa a nwąną kulɔ Yálá; nwəlɛɛi kwələ kulɔi.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Hanwon 15:3

Yai-Laa ɲɛ̨i kaa kɛɛnąą kəlee, yɛ nwąnąlɔɔ nuą da nu lɛlɛɛɠaa mąąkpɛɛ.

Mąątɛ̨nɛ̨ 35:22

Ə́ kaa nąą kaai? Yai-Laa! 'Hvó ə́ wəli laa kpulu, Ną́mu Yálá, hvó ə́ mąą kwɛa mą́ą́.

Mąątɛ̨nɛ̨ 22:11

Nwɔ́ Yálá! Néé ə gáá lɔ, di náákwɛlanmo yɛ́! Ŋą́ kɛ ni néé kwəi, Ə́ ɓo a nwɔ́ Yálá!

Kɔlɔnikɔ Veerɛi 6:23

'Lɛɛ yələ kɔ́lɔn ɉu, ə́ ə́ wəli tɔɔ, ə́ ə́ kɛ mɛ̨nį kɛ ɉu, ə́ di lɔwai woo ɓo, nui ɉɔn gɛ, ə́ ɉutɔɔ a nwɔ nɛ̨ŋɛ̨n yɛɛ yá mo a nwun; ɛlɛɛ, ə́ tələnmomun ŋą tələnmolaa too pɔ̨nɔ̨ ŋą, ə́ ɉon, yɛ bələi dələnmoɔ la.

Tɔɔɓɛlaa veelɛ 9:26

Ŋą́ gaa kpɔ a nɛlɛɛ, Nabɔtə ɲąmą, da nonnii di wɛi mąą mɛ̨nį ɓa, nwooi Yai-Laa ə mo, ya ka: ‹Díi tɔ̨nɔ̨i ŋɛ̨i hu, gáá pai gwələ kulɔi yɛ́! Yai-Laa woo li›, yili ɓa, Yoramə powa həɠə ə́ bili díi hu, yɛ bələi Yai-Laa ə mo la.»

Nwun mąąɓo 1:7

Adoni-Bɛzɛkə yɛ diɛ: «Tɔɔɓɛlaa pow mɛ̨ihveelɛ, diɛi kɛ daa di yee kpuɔ da di kɔ́wɔ kpuɔ tee diɛ, di kɛi kɔ̨nɔ̨n bɛnɛ̨ yɛɠɛ ɲə́i daɓali mu. Mɛ́nii ŋį́ gɛ a nuą, Yálá aa gwələ kulɔ mą́ą́.» Də li a Adoni-Bɛzɛkə Ɉerusalɛmə daai, nąą ɓə ə haa laa.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Zooɛ 3:4

Hvoló hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Zɛnɛse 21:17

Yálá ə lɛɛ yələi ə nokoloi tii wɔlɔ woo mɛ̨n ə nwɔ malaka tɔ̨nɔ̨ tɔɔ, yili ə Hagarə təli, yɛ mą: «Hagarə, lə ɓə kɛ yɛ́? Hvo ɲɔw, Yálá aa nokoloi ŋɛ̨i wɔlɔ woo mɛ̨n.

Zɛnɛse 31:12

Yɛ nwɔ̨nɔ̨ mą́ą́: ‹Ə́ ɲɛ̨i hee daatɛlɛɛ hilɛɠaai tii tɛi diɛ, di pɛ̨ɛ̨, ɲɛ̨i pɛlɛɛ kaa ɉu, ɲɛ̨i kpɛa kpɛa ə ɓo ɉu. Ɲą́ą́ Yálá, ŋį́ yili kɛ tii, mąąhɔlɔɓo, pələi Laban kaa ə́ hon ɉii la, ŋą́ą́ nąą kaa.

Lɛɛ gbɔwɔ ɓa 2:25

Yálá ə ɲɛ̨i hee Israɛlə lonnii diɛ, di mąąwɛli ə ɉon.

Lɛɛ gbɔwɔ ɓa 22:22

Yá di hon a wea pələ, da wɔlɔ, ŋą́ di woo mɛ̨n,

Lɛɛ gbɔwɔ ɓa 22:26

Mąąhɔlɔɓo, ɲii həɠə lɔ ka tii; ɉəɠəi tii ɓə a gɔlɔ mąą kpulu la. Ya ɉəɠə ɲəi, lə ɓə a bɛlɛ mɛ̨i? A wɔlɔ mą́ą́, ŋą́ nwə́li tɔɔ nwɔlɔ woo ɓa, mąąhɔlɔɓo, nwɛ́i, ŋą́ nu ɲɛ̨imąąwɛli kaa.

Samia Veerɛi 16:12

Gbəli hu, Yai-Laa kaa pai ɲɛ̨́i mąąwɛli kaai, ə pənə ə nwún na nɛɛ, a háákələi nɛ̨ŋɛ̨n naa ŋɛ̨i maahvalən.»

Kɔlɔnikɔ Veerɛi 24:22

Tɔɔmun Ɉoasə hvo kpɛli giliŋąhiɛ, hvo vilɛn Zakaria nąn Yehoyada nwɔ mɛ̨inɛ̨ɛ̨ ɓa, ə Yehoyada lon Zakaria paa. Ɓɛlɔwai Zakaria ə kɛi pa haai la, ə nwoo tɛ Yálá ɓa, yɛ mą: «Yai-Laa! Ɓɛ kaa, Ə́ ku lɔwai mɛ̨nį hutɔɔ!»

Mąątɛ̨nɛ̨ 31:8

Gáá pai mąnąi a kwəinɛ̨ɛ̨, ə́ wɔ tələnmolaa mąą mɛ̨nį ɓa, mąąhɔlɔɓo yáá nwɔ́ mɔ̨nɔ̨i kaa, da mą́ą́wɛli pələ.

Mąątɛ̨nɛ̨ 68:6

Təlilɛa di Nąn ni, kalanįnŋaa di wɔ tɛ̨ą ɓomun ni, Yálá li! Bələ ɓə gaa la, nwɔ pɛlɛ́ mąąhəɠɛɛi mu.

Hanwon 15:25

Yai-Laa a kpɔwɔ ɲąą kɛnɛ̨ nuą di wɔ pɛ́lɛ́i pu, Kɛlaa, a kalanən nwɔ lɔi mąą kwəli kwɛnąn nwulu hu lɔ a nwalawalaa.

Woolaa 3:59

Yai-Laa! Mɛ̨ni daa naa mą́ą́, yɛ́ kpįnįi gbaɠala kaa yɛ́! Mą́ą́ mɛ̨ni hutɔɔ kani a ɉaŋąą kɛa wɛ!

Woolaa 3:60

Yɛ́ kpįnįi, yáá di wɔ kiliŋąhiɛ ɲɔ̨nwɔ̨ɔ̨ tii kaa yɛ hvilɛn na mą́ą́;

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Swiv nou:

Lyen patwone

Piblisite

Piblisite