Maafîu 9:4 - Yálá laawoo hɛɓɛ (dc)

⁴ Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Yálá laawoo hɛɓɛ

⁴ Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Bible

⁴ Zîsɛ è díkili-ŋa-siai kɔlɔŋ, é m̀ó dîa, ǹyɛɛi, “Ka mɛni nyɔ́mɔɔ kpɛtɛ̂i kálii su le-mɛni ma?

Maafîu 9:4 Referans Kwoze

Lukə 6:8

Kɛlaa, Jesus ə kɛ di wɔ kiliŋąhiɛ kɔ́lɔn. Ɉulɔnui tii kɛ ɲee kpalaa ma, Jesus ə mo mą yɛ mą: «'Pa ə́ tɔɔ ɓɛ nu kəlee ɲɛ̨i ɓa.» Ɉulɔnui tii ə muhəɠə ə tɔɔ nu kəlee di gaa.

Maafîu 12:25

Yii kɛa Jesus ə di wɔ kiliŋąhiɛi tii kaa, ə mo diɛ yɛ diɛ: «Lɔi lɔpee ɉu nuą da kɔ́ pɛlɛ di kee ɓa, mąą lɔi tii a gbɔwɔ nwun na pili. Taai lɔpee ɉu nuą, pɛlɛi lɔpee mu nuą, daa kɛi kɔ́ kɔ́ a di kee, mąą taai a wóló, ə mą kɛ, mąą pɛlɛi a pu.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Ɉaan 16:30

Kwaa gɔlɔn gɛa, kuɔ, Ə́ mɛ̨nį kəlee kɔ́lɔn, nu ta nwɔ mąąni kɛ hvo kɛa yɛ́, yili ɓə gɛi kwaa laa na kuɔ ə́ həɠə Yálá pɔ.»

Lukə 11:17

Kɛlaa, Jesus ə di kwəi mɛ̨nį kɔ́lɔn, ə mo diɛ yɛ diɛ: «Tɔɔlaa lɔpee a lɔ gbɔwɔ kilii, mąą tɔɔlaai a pu, bɛlɛ́ɠaa diɛ pu di kee mɛ̨i.

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Mąątɛ̨nɛ̨ 44:21

Ə li kɛ kwaa kɛ lɛ̨ą ku wɔ Yálái ɓa, kuɔ ku yee hąŋąn nwɛ̨ą yálá pɔ pələ,

Gɛlaɠaa 5:9

Nąąlɔwai Piɛrə ə mo mą, yɛ mą: «Lə mɛ̨nį ɓa, ka nu hveelɛ ka pɛli mɛ̨nį tɔ̨nɔ̨ ɓa, ə gɛ, ka Kili-Mąąhəɠɛɛ hukɔɔn? Nɛ̨ɛ̨nu, 'ə́ wəli tɔɔ, nuąi li ə́ hilɛ looi, daa gbɛa həli ɓɛ, yɛ́ kpɛli, di kaa pai lii a yɛ́.»

Ɉaan 16:19

Yii kɛa Jesus ə gɔlɔn yɛ di kaa bɔ di mąąni kɛ, ə mo diɛ, yɛ diɛ: «Nwoo ŋɛ̨i ŋį́ mo ya ɓə ka káá mukulaa kwɛlii ka kee lɔwai? Yai ŋį́ kɛ mą: ‹Ɉu hvo kwɛa li gáá pai həɠəi ka pɔ, ɉu hva nwɔ̨nɔ̨ kwɛa ka pənə ka gáá.›

Ɉaan 6:64

Kɛlaa, nu taɠaa kaa ka lɔwai yiiɠaai di hvo laa li na. Mąąhɔlɔɓo, ə həɠə kpɔ gɔwɔ tɔɔi yələ ɓa, nuąi di hvo kɛi laa na, ɛlɛɛ, da nui kɛi pa nɔwɔtɔɔi, Jesus ə di kɔ́lɔn gɛ.»

Ɉaan 6:61

Kɛlaa, Jesus ə nwɔ kalan nɛai kiliŋąhiɛ pələ kaa yɛ diɛ «Akɛti, kaa kpɛli yili aa ka kwəi pili kaa?

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Lukə 5:22

Jesus ə di wɔ kiliŋąhiɛi tii kaa, ə mo diɛ yɛ diɛ: «Lə mɛ̨nį ɓa ka wɔ kiliŋąhiɛ kɛ pələ kaa tii?

Markə 12:15

Kɛlaa, Jesus ə gɔlɔn gɛ yɛ, tɛ̨ą kaa di kwəi, diɛ now mą. Ə mo diɛ, yɛ diɛ: «Lə mɛ̨nį ɓa ka káá bɔ ka ŋą́ą́hɛŋi? Ni kɔ́wi tii ka kɛ nįįhɔ̨nwɔ̨ kulɔi la, ka pa a da bɔ́ ŋį́ gaa.»

Markə 2:8

Ɲąąɓa, yii kɛa Jesus ə di wɔ kiliŋąhiɛ kaa tii, ə mo diɛ yɛ diɛ: «Lə mɛ̨nį ɓa giliŋąhiɛ ɲɔ̨nwɔ̨mąn ŋɛ̨i kaa kaa?

Lukə 7:40

Jesus ə mo Farisiɛ̨ tii ɓa, yɛ mą: «Simɔn, mɛ̨nį ta kaa gwə́i, gɛ́ ŋį́ mo yɛ́.» Simɔn ə nwoo pulu pənə yɛ mą: «Kalamɔ̨ɔ̨, mo.»

Izikiɛ 38:10

Mɛ̨nįi Yai-Laa kaa moi, ya ka: a mąą yələi tii, ə́ kaa pai mɛ̨nį tamąą mąą kili ɲąhiɛ kɛi, ə́ kaa pai kóló ɲɔ̨ŋɔ̨ɔ̨ mąą kili təɠəi ə́ kwəi.