Maafîu 9:12 - Yálá laawoo hɛɓɛ (dc)

¹² Jesus ə di woo mɛ̨n. Ə mo diɛ, yɛ diɛ: «Nuąi di kɔ́lɔi ponoɔ̨, di mąąkpaan və hali kɛmun ma. Hvo kɛ li ɲɔ̨n gɛ nuą ɓə di mąąkpaan gaa mą.

Yálá laawoo hɛɓɛ

¹² Jesus ə di woo mɛ̨n. Ə mo diɛ, yɛ diɛ: «Nuąi di kɔ́lɔi ponoɔ̨, di mąąkpaan və hali kɛmun ma. Hvo kɛ li ɲɔ̨n gɛ nuą ɓə di mąąkpaan gaa mą.

Bible

¹² Tãi è mɛ̀ni lai, è mò dîa, ǹyɛɛi, “Diai díkɔlɔ̂i ponoɔ̂i, dífa sále-kɛ-nuu wɛ́li kɛ́, fɛ̂ɛ diai díkaa kɔ́lɛ̂i.

Maafîu 9:12 Referans Kwoze

Lukə 5:31

Jesus ə di woo pulu pənə yɛ diɛ: «Nui gɔlɔi ponoɔ̨, mąą kpaan və yɔwɔtɔlɔ ɓa; hvo kɛ li nui ɲɔ̨n gaa mą, ya ɓə mąą kpaan gaa mą.»

Lukə 9:11

Kɛlaa, nu kpului tii kɛ laa, di gbaɠala kaa, di hvilɛn di pulu. Jesus ə ɲee hee di mu. Ə Yálá-taa tɔɔlaa mąą mɛ̨nį hukulɔ diɛ: ə lɛɛ, nuąi ɲɔ̨n ə kɛ diɛ, ə di kɔ́lɔi pono.

Markə 2:17

Jesus ə di woo mɛ̨n, ə mo diɛ yɛ diɛ: «Nuąi di kɔ́lɔi ponoɔ̨, di mąąkpaan və hali kɛmun mą. Hvo kɛli ɲɔ̨n gɛ nuą ɓə di mąąkpaan gaa hali kɛmun mą. Və́ kɛ pa li tələnmo nuą kwɛli mɛ̨nį ɓa, hvo kɛli túwɔ́ pələ nwɔn gɛ nuą.»

Ɉeremi 33:6

«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Ɉeremi 17:14

Yai-Laa, ɉálə kɛ, ŋį́ ɓalo, nwún mąąɓo, nwún gulɔ mɛ̨nįi; Mąąhɔlɔɓo, yɛ́ ɓə gílitɔɔ yɛ́.

Mąątɛ̨nɛ̨ 147:3

Nuąi di lii yalia di kwəi, a di ɓalo, yɛ di wɔ palaɠaai waa.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Lukə 8:43

Nɛ̨ɛ̨nu ta ə kɛ nu kpului tii lɔwai, ya hulɔ ɲɔ̨n yɛ ɓo mą, aa kwɛlan bow-kɔw-hveelɛ kɛ mą, yɛ mɔ̨nɔ̨ mį́į́ kpɔ la kɛnɛ̨. Nɛ̨ɛ̨nui tii, aa kɛ ɲəi hɛn gɔwɠaa kəlee kwɛlɛ, ɲɔ̨n ɉalə kɛ nuą diɛ, kɛlaa, da lɔpee hvo gɔlɔi pono.

Mąątɛ̨nɛ̨ 41:4

Ɓɛlɔwai a kɛ la laani ɲɔ̨n ɉaɠa ɓa, Yai-Laa a ɲee kɛ mą, ɓɛi gaa laa laani, yɛ nąą pɛli a nɛlɛɛ.

Mąątɛ̨nɛ̨ 6:2

Yai-Laa, 'hvo ɉútɔɔ a ə́ líiholiɛ ə́ kwəi, 'hvó hąŋąn mą́ą́, a ə́ líikələnŋąą ə́ kwəi.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Kolosə 4:14

Lukə ŋɛ̨i a ɲɔwɔtɔlɔ, a gu ɓɛlan nɛlɛɛ, yɛ ká túwɔ́ ɓo, ə mą kɛ, Demasə.

Maafîu 18:11

Mąąhɔlɔɓo, Nu Lon ə pa yiiɠaai di piliɛ, ə di kwɛli, ə di nwun mąąɓo.