Maafîu 8:9 - Yálá laawoo hɛɓɛ (dc)

⁹ Hvó gaai, ɲą́ą́ gbɛli, gáá nuą yeemu, əlɛɛ, holahiɠaa di ɓo ɲéému. Ŋą́ kɛ da ɓa: ‹'Li!›, a li. Ŋą́ kɛ dakpɛli ɓa: ‹'Pa!›, a pa. Ŋą́ kɛ nwɔ́ luwɔi ɓa: ‹'Yii kɛ!›, a gɛ.»

Yálá laawoo hɛɓɛ

⁹ Hvó gaai, ɲą́ą́ gbɛli, gáá nuą yeemu, əlɛɛ, holahiɠaa di ɓo ɲéému. Ŋą́ kɛ da ɓa: ‹'Li!›, a li. Ŋą́ kɛ dakpɛli ɓa: ‹'Pa!›, a pa. Ŋą́ kɛ nwɔ́ luwɔi ɓa: ‹'Yii kɛ!›, a gɛ.»

Bible

⁹ Kpɛ́ni fêi, ńyãa máŋ ŋ́gaa a ǹúui wala-wala-laa káa núu yêei ḿɛi. Ńyãa máŋ kɔluluƃa-ŋa díkaa ńyee mu. Ŋà mò dɔnɔ ma, ‘Lí,’ a lî. Ŋà mò da kpɛni ma, ‘Pá,’ a pâ. Ŋà kɛ̀ ŋáluɛi mâ, ‘Mɛnii ŋí kɛ́,’ a gɛ̀.”

Maafîu 8:9 Referans Kwoze

Taitɔ 2:9

Luwɔɠaa di lɛɛ di nąmįną woo ɲą mɛ̨nį kəlee hu, di tɔɔ a di nwąnąi, di di liihon, di hvo di laa hɛatoo,

Kolosə 3:22

Luwɔɠaa, ká nąmįnąi ɓɛ lɔi mɛ̨i, ká lɛɛ di woo mu mɛ̨nį kəlee hu. 'Ká hvo tí lɔ diɛ, mąąhɔlɔɓo, di ɲɛ̨i kaa káá; yɛ, ká kɛi ká wɛli too bələ kwɛli diɛ; kɛlaa, yɛ nuąi di liinɛ̨ɛ̨i di kwəi, diɛ tí gu Ną́mu ɓa a ɲɔw mąą laa.

Lukə 7:8

Ɲą́ą́ gbínii ŋɛ̨i, gáá nwun nąmįną yee mu, holahiɠaa kaa ɲą́ą́ gbɛli ɲéé mu; ŋą kɛ da ɓa: ‹Li ɓɛlii!›, a li. Ŋą́ kɛ da kpɛli ɓa: ‹Pa ɓɛ!›, a pa. Ŋą́ kɛ nwɔ́ koló kɛmun ɓa: ‹Mɛ̨ni yii kɛ!›, a gɛ.»

Lukə 4:39

Jesus ə lɛɠɛ mą, ə nwun ɉɛlɛn mɛ̨i, ə haŋą gɔlɔ kələn mąą tii ɓa, nɛ̨ɛ̨nui tii kɔ́lɔi ə pono. Ə muhəɠə yɛ di kɔ̨nɔ̨n gɛ.

Mąątɛ̨nɛ̨ 148:8

Nwɔ̨n da hanwon, luwú-luwú da nąląąn, tulɔ hvaŋą, kaai ka nwoo pɔ mɛ̨nį kɛ;

Mąątɛ̨nɛ̨ 119:91

Bələi lɔ ə́ mo la, bələ lɔ ɓə hɛn gəlee kaa nií la, aa lɛɛ ɉu, haa kəlee yələ aa həli. Mąąhɔlɔɓo, yɛnɛ̨ɛ̨ kəlee pilɛɛ geemɛ̨i, a tí yɛ́.

Maafîu 8:8

Kɛlaa, gɔ́kulaa nwun nąmui tii ə nwoo ɲąąpənə, yɛ mą: «Ną́mu, ɲą́ą́ mą́ą́ hvo nɛ̨ɛ̨li, a nui yá lɔ ɲei bɛlɛ́n. Kɛlaa, woo tɔ̨nɔ̨ ɓo lɔ, nwɔ́ kólo kɛmun kɔ́lɔi a pono.

Maafîu 8:10

Yii kɛa Jesus ə nwoo tii mɛ̨n, yili ə nii hon gbɔ kpąą. Nuą ŋɛ̨i kɛ bulu, ə mo diɛ, yɛ diɛ: «Gáá tɛ̨ą ɓoi kaa, və́ ni naa na laa huwui ŋɛ̨i ta kaa li Israɛlə lonnii lɔwai.

Markə 1:27

Nuą tii kɛ laa, di kəlee di kwəi ə pili diɛ; diɛ di kee ni mąąni kɛ, diɛ kɛ mą: «Yii mukulaa ɓaa a lə? Yii kaa a kalan nįnɛ̨ yii huwalawala kaa ɉu. Ɉulɔnu ŋɛ̨i a haŋą ɲinɛ̨nŋąą diɛ, əlɛɛ, diɛ nwoo hon.»

Lukə 9:1

Jesus ə nwɔ kalan nɛa pow kɔ́w hveelɛ ŋąąkpɔn, ə mąą laa tɛɛ di pɔ da huwalawala, diɛ ɲį́nɛ̨nŋąa kpɛ la nuą pulu, diɛ ɲɔ̨n gbɛɛ nuą diɛ.