Maafîu 7:21 - Yálá laawoo hɛɓɛ (dc)

²¹ «Nuąi da kɛ mą́ą́: ‹Ną́mu, Ną́mu›, gəlee hvo pai lɔi Yálá-taa tɔɔlaa hu. Hvɛɛ yiiɠaai da Ną́n gaa yələi, niiɓa kɛ, diɛ ɓə pai lɔi laa.

Yálá laawoo hɛɓɛ

²¹ «Nuąi da kɛ mą́ą́: ‹Ną́mu, Ną́mu›, gəlee hvo pai lɔi Yálá-taa tɔɔlaa hu. Hvɛɛ yiiɠaai da Ną́n gaa yələi, niiɓa kɛ, diɛ ɓə pai lɔi laa.

Bible

²¹ “Diai kélee da kɛ́ mâ, ‘Kúnuu-namui, Kúnuu-namui,’ díkelee dífe pâi liî Ŋ̀âla-taa kâloŋ-laai su, fɛ̂ɛ ǹúui a Ńâŋ nîa-mɛni kɛ̀ nyii gáa Ɣâla-taai.

Maafîu 7:21 Referans Kwoze

Lomaŋ 2:13

Nuąi da di wəli tɔɔ tɔn nwoo ɓa, diɛ lɔ hvəə di tələnmoɔ Yálá ɲɛ̨i ɓa, kɛlaa, nuąi da tɔ́n nwoo pɔ yíi ɓo, diɛ ɓə a tələnmo nuą.

Lukə 6:46

«Lə mɛ̨nį ɓa, ka káá kɛi mą́ą́: ‹Ną́mu, Ną́mu?› Ə lɛɛ, yii gáá moi, ka hvo gɛi?

Zĩi 1:22

Kɛlaa, 'ká kɛ a Yálá laa woo pɔ yíiɓo nuą, ɛlɛɛ, 'ká hvo kɛ a nuąi da di wəli tɔɔ, diɛ di kpɔwɔ ɓowo.

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Hebreu 4:6

Yili ɓa, yii kpɔ yaan nwoo ə lɛ lɔ a nwoo, ɛlɛɛ, nu tɔlɔɔɠaai nwɛlɛɛ lɛlɛɛ tii mɛ̨n, di hvo lɔ, a di wɔɔ kili walawalalaa laa pɔɔ, dakpɛliɠaa da pɛli di lɔ,

Ɉaan 6:40

Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

M̀ɛni-lɛɛi 3:5

«Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.

Piɛrə dɔlɔɔ 4:2

ɲíi kuui aa lɛɛ ɲəi yɛ gɛ kɔlɔ hu, hva gɛ yɛ bələi nuą di wɔ ɲɛ̨i kulɔ bɔ kaa la, a gɛ Yálá liiɓa hu.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Maafîu 12:50

Mąąhɔlɔɓo, nuąi di kaa Ną́n Yálái yələkɔlɔn ɉu niiɓa kɛi, diɛ ɓə di kaa a néé da gááyɔwɔɠaa.»

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Maafîu 18:3

Yɛ diɛ: «Gaa tɛ̨ą ɓoi kaa, akɛ ka wala ka kɛ pələ mąąhvalin ka hvo kɛ yɛ lɛapɛlɛɛ, ka hva pɛli lɔi Yálá-taa tɔɔlaa hu.

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Markə 3:35

Nui lɔpee a Yálá liiɓa kɛi, ya ɓə gaa a néé lon ɉulɔnu da néé lon nɛ̨ɛ̨nu, a wala kɛ tii néé.»

Tɛsalonikə dɔlɔɔ 5:18

'ká Yálá mąmąɓo mɛ̨nį lɔpee gəlee hu, hvó gaai, yili ɓə a Yálá liiɓa ká mąą mɛ̨nį ɓa Jesus Kristə hu.

Ifisiɛŋ 6:6

'ká hvo gɛ lɔ mąąhɔlɔɓo, di ɲɛ̨i kaa káá, yɛ ká kɛli ká nɛ̨ɛ̨i kwɛli nuą hu, kɛlaa, ká gɛ yɛ Kristə ŋą luwɔɠaa, diɛi da di mąą hulɔ diɛ Yálá liiɓa kɛ.

Piɛrə dɔlɔɔ 2:15

Mąąhɔlɔɓo, Yálá liiɓa ɓaa, ká kɛli mɛ̨nį lɛlɛɛ kɛ, ɓowo nuąi di tɛɠii, káá di kilaa pono.

Maafîu 25:21

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu, gáá pai gáá pai ə́ heei mɛ̨nį kɛnɛ̨ɛ̨ nwun na. Pa ə́ hee gwɛ́lɛ kwəinɛ̨ɛ̨ hu.›

Tɛsalonikə dɔlɔɔ 4:3

Yálá liiɓa ɓaa, ká mąąhəɠə mɛ̨nį, ɛlɛɛ, ká ká yee kulɔ mąąliɓi túwɔ́ hu.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Lukə 13:25

«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Lukə 18:25

Hɛn gɔw nąmu lɔ laa walaai Yálá-taa tɔɔlaa hu, ə tɛɛ ɲɔ̨nwɔ̨mɛ̨ɛ̨ lɔi haliɛn nwolo hu ɓa.»

Markə 9:47

Akɛ ə́ ɲɛ̨ikɔw tɔ̨nɔ̨ aa kɛi kɛ ə́ ə́ həɠə pələ ɓa, ə́ ə́ too nɛ̨ŋɛ̨ ɉu, gulɔ yɛ́ bili, viɛlaɓoɔi ə́ ɲɛ̨ikɔw ə lɛɛ yɛ́ tanɔ̨n ə́ li Yálá-taa, ə tɛɛ ə nąą kəlee ŋąąpɛliɛ ɓa diɛ ə́ pili ɉahanama nwɔ̨n ɉu,

Maafîu 19:24

Gáá pənəi ŋą́ mo kaa, hɛn gɔw nąmu lɔ laa walaai Yálá-taa tɔɔlaa hu ə tɛɛ hoo lɔi haliɛn nwolo hu ɓa.»

Maafîu 18:35

Jesus ə mo kɛa nwɔ kalan nɛ̨ąi diɛ yɛ diɛ: «Pələ kpɔlɔɔ ɓə Ną́n Yálá yii gaa yələkɔlɔn ɉu a gɛ la a kaa, akɛ ka wala ka kee ni mąąhvaalɛɛ a ka lii kəlee.»

Ɉaan 15:23

Nui nwɛ́li a kpɛɛ mą, a kɛ tii Ną́n nwɛli aa kpɛɛ mą.

Maafîu 26:42

Jesus ə pənə ə li a veelɛnąą, yɛ Yálá hvɛli yɛ kɛ mą: «Ną́n, akɛ mɔ̨nɔ̨ ŋɛ̨i hva pɛli hvólói mą́ą́, hvo kɛli lɔ a həli mą́ą́, bələi ə́ kaa la bɔ, ə kɛ tii a ɲą́ą́.»

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

M̀ɛni-lɛɛi 2:27

ɛlɛɛ, yɛ di tənən dɔɔ a kwɛli hvaɠa, yɛ di hu wolo yɛ ləɠi-kpɛli,

Ɉaan 14:7

Akɛ ka gɔ́lɔn ka Ną́n gɔlɔn. Yiihu kɛa kaa Ną́n gɔlɔn, ə lɛɛ, kaa gaa.»

Ɉaan 5:17

Jesus yɛ diɛ: «Bələi lɔ Ną́n vaŋąlɔɔ la kólo ɓa, bələ lɔ ɓə váŋąlɔɔi la.»

Maafîu 26:39

Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Maafîu 18:19

«Gáá nwɔ̨nɔ̨ moi kaa, akɛ nu hveelɛ da pɛli ɉu, hɛn nɔpee da vɛli Ną́n Yálá ɓa yii gaa yələkɔlɔn ɉu, a dɛɛ di pɔ.

Maafîu 25:10

Nɛ̨ɛ̨lea tii dəli lɔ nwulɔ yai pələ, di lɛɛ laa, di ɓɛlan ɉilɛ ə pa. Gilimąą nɛ̨ąą lɔɔli ŋɛ̨i kɛ di kɛ pələ pɛliɛ, da diɛni di lɔ vúlú lɔ pɛlɛ mu a kwəinɛ̨ɛ̨, di bɛlɛ́ laa kpulu.