Maafîu 7:15 - Yálá laawoo hɛɓɛ (dc)

¹⁵ «'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Yálá laawoo hɛɓɛ

¹⁵ «'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Bible

¹⁵ “Ka kámɛi káa a Ɣâla-maa-wôya lono-kɛ-ƃela. Da pâ kápɔ ƃála-kɔlɔ su, kɛ́lɛ, díkponôi kɛ́ ƃo a kɔ́li lii-ŋwanaa-ŋa.

Maafîu 7:15 Referans Kwoze

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Maafîu 24:11

Lɛɛ kɛla tamąą kaa pai di muhəɠəi diɛ nu tamąą ɓowo.

Kolosə 2:8

'Ká tɔɔ a ká nwąną, nu ta hvo ká hon a ŋą gbąnąlaa woo, a dɔwɔ-tɔwɔ nuą yíí pələ kulaai gaa a ɓowo woo, yɛ hvilɛn na yɛnɛ̨ɛ̨ mɛ̨nįɠaa diɛ lɔ, hvo a Kristə mąą mɛ̨nį.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Piɛrə veelɛ 3:17

Yili ɓə gaa mą:, nwɛ́li kɛ mąą nuą, ka wɛi, ka kili aa pu kɛa mɛ̨nį kəlee hu, ka ka kpɔɔ mɛ̨i kaa, ka hvo nɛɛ laa nu ɲɔ̨nwɔ̨ɔ̨ɠaa di hvo ka həɠə bələ mɛ̨i, di hvo ka wɔ kilitɔɔ mąą kulɔ ka yəi.

Lukə 6:26

«Kpalo ɓɛlaai kaa, kaa yiiɠaai nuą kəlee da kɛ ka mąątɛ̨nɛ̨i, pələ kpɔlɔɔ ɓə di kalaɓɔlɔni di kɛi lɛɛ loloɓo nuą mąątɛ̨nɛ̨ la.»

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Timote veelɛ 4:3

Mąąhɔlɔɓo, yələ ta kaa pai ɉəli, nuą wəli kaa pai walawalai, di hva kɛa di wəli tɔɔ tɛ̨ą woo hu həɠəənŋąą ɓa. Kɛlaa, di kaa pai hvilɛn ɉii di kpɔwɔ liiɓa mɛ̨nįɠaa pulu, di wəlii yɛ di təɠən, diɛ di liiɓa mąąkwɛli kɛ nuą tamąą həɠə di bu di kwɛlɛ.

Filipə 3:2

'Ká gɛ a nɛlɛɛ yilɛɠaa ti mąą mɛ̨nį ɓa, ka gɛ a nɛlɛɛ nɛɛ góló ɲɔ̨nwɔ̨ɔ̨ kɛ nuą tii mąą mɛ̨nį ɓa, 'ká gɛ a nɛlɛɛ, nɛɛ kɛ́nɛ̨lɛai ti mąą mɛ̨nį ɓa.

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

M̀ɛni-lɛɛi 16:13

Ə kɛ lɔ tii, ŋį́ ɲįnɛ̨n ɉaaɓa kaa, di ɓo yɛ, gbəŋə, diɛ kulɔ mąąɲɔw-hɛn tii la, ɉuwɔi tii la, ɛlɛɛ, da nuąi di kpɔwɔ kɛ a Yálá kwəi mɛ̨nį hukulɔ nuą di la.

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Gɛlaɠaa 13:40

Ka gɛ kani a nɛlɛɛ, ə gɛ, mɛ̨nįi ŋɛ̨i Yálá kwəi mɛ̨nį hukulɔ nuą di mo, hvo pa nei həli kaa, yai di kɛ mą:

Ɉaan 10:12

Kɛlaa, wali kwɛli mun nwɛ́i, yɛ pələi hvo la a ɓɛlaa mɛ̨i kaa mun, ɓɛlɔwai a kwɛ́lí kaa la yɛ pa, a tɛɛ a gilɛ, ə mɛlaaɠaa lɛɛ laa. Gwɛ́líi tii ə too mɛlaaɠaa hu ə di hu taɠa.

Maafîu 16:11

Akɛti, lə mɛ̨nį ɓa ka hvo gbaɠala kaa li kaa kɛ diɛ: Lɛɠɛ yii gaa a kɔ̨nɔ̨n, mąą mɛ̨nį hvəə gáá yili ɓoi la kaa. Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Maafîu 16:6

Jesus ə mo diɛ yɛ diɛ: «'Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Maafîu 10:17

'Ka ka mɛ̨i kaa, nuą mąą mɛ̨nį ɓa. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; diɛ ka kɛ́lɛ́ a hvaɠa di wɔ Yálá hvɛli pɛlɛ́ɠaa mu.

Zakari 13:4

Mąą yələi tii, Yálá kwəi mɛ̨nį hu kulɔ nuą, mɛ̨nįi da gaa diɛ mo, diɛ kɛ di kaa ɉəɠəi Yálá kwəi, da nwumɛ̨ ɉu; di hva kɛa biliɉu pili di kalan ɉu diɛ nuą ɓowo.

Izikiɛ 22:25

Nwɔ Yálá kwəi mɛ̨nį hukulɔ nuąi daa daa laahvɛɛ a ɲaba mɛ̨nį, di kaa nuą mįi, yɛ bələi yala a kɛ nuą mįi la; yɛ huluun. Diɛ hɛn gɔwɠaa da waliɠaa həɠə; diɛ kalanənŋaa tamą daa kwəi.

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Izikiɛ 13:16

Israɛlə nwɔ Yálá kwəi mɛ̨nį hukulɔ nuąi kɛi mɛ̨nį ɓo, yɛ hvilɛn na Ɉerusalɛmə ɓa, di hva kɛa da ɓo. Diɛi kɛi liilaa kɛɛ kaa, ya pa liilaa hvo kɛ laa. Mɛ̨nį kəlee ŋą Hééɓomun Yálá wóó li.

Ɉeremi 29:32

Yili mąą mɛ̨nį ɓa, ɲą́ą́ Yai-Laa, gáá ɲéé pɛlɛi Nehelamə mun Semaya ɓa, da ɉuwu kəlee. Di ta lɔpee hvo pai ɉeei hɔlɔɓoi nuą ŋɛ̨i lɔwai, di ɲɛ̨i hva tɔɔ mɛ̨nį lɛlɛɛɠaa gáá pai gɛi nwɔ́ nuą diɛ, da ɓa. Mąąhɔlɔɓo, ə nuą ɲąątɔɔ, diɛ kulɔ Yai-Laa woo mu. Yai-Laa woo li!›»

Ɉeremi 29:21

«Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ hvilɛn na Kolaya lon Akabə ɓa, da Maaseya lon Sedesiasə diɛ, yɛ nu hveelɛi tii, di kaa di kpɔɔ kɛi a Yálá kwəi mɛ̨nį hukulɔ nuą, diɛ mɛ̨nį ɓo a náá, a lɛɛ. Gáá pai di tɛɛi Babilonə tɔɔmun Nabukodonosorə pɔ, yɛ di paa ka ɲɛ̨i ɓa.

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.

Gɛlaɠaa 13:6

Di ɲá hąąi lɔi hu ɓɔ, di həli Pafɔsə. Di pənəngɛmun da kaa laa, diɛ kɛ mą Barə-Ɉesu, Ɉuifə li kɛ, ə kɛli gbɔwɔ kɛ yɛ Yálá kwəi mɛ̨nį hukulɔ mun.

Tɔɔɓɛlaa dɔlɔɔ 13:18

Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Danîa 11:34

Mələkpɛɛ mąą lɔwai tii hu, di hvo pai kpɔmąą kɛnɛ̨ hɔlɔɓoi nuą yəi. Mąąhɔlɔɓo, nuąi pai tooi di pɔ, di kaa pai gɛi lɔ a yələ kulɔ ɉu.

Maafîu 7:14

Bɛlɛ́ laaləi logolo nwɛi, gaa a pələ lon, ɉu hiɛɓo laa walaa, əlɛɛ, yɛ li a nu yɛnɛ̨ɛ̨ yii kpɛɛ hvo mą, ɉu. Nu tɛitɛi ɓə da ɉon a bələ yili.»

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.