Maafîu 7:13 - Yálá laawoo hɛɓɛ (dc)

¹³ «'Ka lɔ bɛlɛ́ laaləi logolo ɓa. Mąąhɔlɔɓo, bɛlɛ́ laaləi kɛnɛ̨ kaa a pələ yii ɉu hiɛɓo laa nɛ̨ɛ̨. Kɛlaa, a nu nwun napili; bələ yili ɓə nu tamąą da ɉon na.

Yálá laawoo hɛɓɛ

¹³ «'Ka lɔ bɛlɛ́ laaləi logolo ɓa. Mąąhɔlɔɓo, bɛlɛ́ laaləi kɛnɛ̨ kaa a pələ yii ɉu hiɛɓo laa nɛ̨ɛ̨. Kɛlaa, a nu nwun napili; bələ yili ɓə nu tamąą da ɉon na.

Bible

¹³ “Ka lɔ́ góraŋ lá kuro-têi naa-pere, kpɛ́ni fêi, góraŋ lá kɛ́tɛi da bere su kɛ́tɛi da lî a núu su-kara-taa, núu támaa da tɛ́ɛ la.

Maafîu 7:13 Referans Kwoze

Hanwon 16:25

Túwɔ́ pələi nu a giliŋąhiɛ mą yɛ kɛ ɉaŋąąi, ŋąą a pɛli ə kpɛɛ a haa.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 10:9

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Hanwon 9:6

Ka kilikpɛɛgwəi mɛ̨nį lɛɛ laa, 'ka pa ka yɛnɛ̨ɛ̨ kɛ, ka hvilɛn nwun gɛ ɉu pələ mɛ̨i.»

Galatə 5:24

Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Maafîu 3:2

Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Maafîu 3:8

Yili ɓa, 'ka túwɔ́, yɛ nui aa ɲii pələ mąąhvalin.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

M̀ɛni-lɛɛi 20:15

Ɛlɛɛ, nuąi kpɔ di laa hvo kɛ pɛ̨ɛ̨ li ɲɛnɛ̨ɛ̨ hɛɓɛ́ hu, di gəlee pili nwɔ̨n balayá hu.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

M̀ɛni-lɛɛi 20:3

Ə bili nowa kpon gwɛaa hu, ə naa kpulu a gwɛli, ɛlɛɛ, ə gɔlɔn ɉɛn naa bulu, ə gɛ, hvo pa hįi lɔiɠaa ɲąąhɛn, ə lɛɛ ɉu gwɛlan nwaa tɔ̨nɔ̨i tii laa ə kulɔ. Yili pulu, hvo kɛli di pənə di gulɔ, woloɓo.

Zɔ̂ŋ Maa-ŋuŋ 5:19

Gu gbaɠala kɔlɔn guɔ Yálá nwɔɔ ɓaa a guɔ, kɛlaa, yɛnɛ̨ɛ̨ nąą kəlee kaa Mɛ̨nį-ɲɔn ɲee kɔnma.

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Zɛnɛse 6:12

Yálá ə ɲɛ̨i hee lɔi mɛ̨i, ə nąą kaa, nu tɔ̨nɔ̨ kpɛli hvo kɛi Yálá kwɛli, nu kəlee lii lɔɔ mɛ̨nį ɲɔ̨n ɉu diɛ gɛ.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

Lomaŋ 9:22

Bələi mąn, Yálá ə kɛ la bɔ ə nwɔ lííholi lɛ, di nwɔ huwalawalaa kɔ́lɔn; ə yili lɛɛ laa, nuąi mąąnɛ̨ɛ̨ kɛ ə niiɲąnwąną di pɔ, diɛi kɛ di nwun na pili pələ mɛ̨i, ə nii kpələ, ə ɲee hee di mu,

Lukə 14:33

Jesus yɛ nwɔ̨nɔ̨ diɛ: «Yili ɓə gaa mą, ka ta hva pɛli kɛi a nwɔ́ kalan non, akɛ hvo lənə li gbɔwɔ ɓa da ɉɔlɔɓo hɛnŋąą kəlee.»

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Lukə 9:33

Ɓɛlɔwai nu hveelɛi tii di kɛi həɠə la Jesus kwɛlɛ, Piɛrə ə mo Jesus ɓa, yɛ mą: «Kalamɔ̨ɔ̨, a kɛ gwa lɛɛ ɓɛ, yili ŋąą nɛɛi kpɔ kɛnɛ̨. A kɛ tii, kwa həɠə pɛlɛ haaɓa tɔɔ; dɔ̨nɔ̨ ə kɛ a ə́ wɔ, dɔ̨nɔ̨ ə kɛ a Moisə nwɔ, dɔ̨nɔ̨ ə kɛ a Eli nwɔ.» (Nwoo tii Piɛrə ə kɛi mo, hvo kɛi ŋąą kaa gbɔwɔ yəi.)

Hanwon 7:27

Ɲəi bɛlɛ́ laaləi kaa a kámą la pələ, nąą bələ ɓə haa nuą da tɛɛ la, diɛ li ŋąmuątaa.

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Maafîu 7:14

Bɛlɛ́ laaləi logolo nwɛi, gaa a pələ lon, ɉu hiɛɓo laa walaa, əlɛɛ, yɛ li a nu yɛnɛ̨ɛ̨ yii kpɛɛ hvo mą, ɉu. Nu tɛitɛi ɓə da ɉon a bələ yili.»