Maafîu 6:28 - Yálá laawoo hɛɓɛ (dc)

²⁸ «Akɛti, lə mɛ̨nį ɓa, ka ka mąąyili həɠə mɛ̨nį niihɛlɛn ɉee? Ka ka ɲɛ̨i hee, lɔwɛi wuluɠaa diɛ, bələi da powa la, ka bələ kaa. Di hva koló kɛ, di hva həɠə pálá.

Yálá laawoo hɛɓɛ

²⁸ «Akɛti, lə mɛ̨nį ɓa, ka ka mąąyili həɠə mɛ̨nį niihɛlɛn ɉee? Ka ka ɲɛ̨i hee, lɔwɛi wuluɠaa diɛ, bələi da powa la, ka bələ kaa. Di hva koló kɛ, di hva həɠə pálá.

Bible

²⁸ Le ƃe kɛ̀ seɣe ḿaa lii-sɛlɛŋ káa kâai? Ka kákili ŋá sía é pîlaŋ ŋ̀úru-ŋai dîa berei da ƃɔ̂lɔ lai. Dífa tíi kɛ̀, dífa yee pɔ̃lɔ.

Maafîu 6:28 Referans Kwoze

Maafîu 6:25

Yili ɓə gɛi, gɛ́ kaa: «'Ka hvo ka liihɛlɛn a kɔ̨nɔ̨n mɛ̨nį, da yii mąąnɛ̨ɛ̨ ka gbələ, ə mą kɛ, yii mąąnɛ̨ɛ̨ ə kɛ ka yəi, kaa yɛnɛ̨ɛ̨ kɛ la. Ka hvo kpɛli ka liihɛlɛn a ka mąąhəɠə mɛ̨nį. Nu nɔw hviala hvo ɓo li hvo tɛɛ kɔ̨nɔ̨n ma? Nu kɔ́lɔ hviala hvo ɓo li hvo tɛɛ nu mąąhəɠə ɓa?

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Lukə 12:27

Ka ka ɲɛ̨i hee tai yagbudɛnŋąą diɛ, di hva koló kɛ, di hva həɠə pala, kɛlaa, gáá moi kaa, bələi mąn Salomɔn yee laahvɛɛi kɛ la a hɛn gɔw, mąą hvo ta yili li a nɛlɛɛ hvo həli di pɔ.

Maafîu 6:31

Yili ɓə gaa mą, ka hvo ka liihɛlɛn, a yii mąąnɛ̨ɛ̨ ka mį́į́, da yii mąąnɛ̨ɛ̨ ka gbələ, a wala kɛti yii mąąnɛ̨ɛ̨ ka gɛ kaa.

Lukə 3:11

Ə di woo pulu pənə yɛ diɛ: «Nui həɠə hveelɛ kaa ɲei, ə dɔ̨nɔ̨ tɛɛ nui da hvo ɲei bɔ; nui kɔ̨nɔ̨n gaa ɲei, ə mɛlaa kɔ́.»

Maafîu 10:10

'Ka hvo hiɛ kulɔ ɓíi həɠə, ka hvo həɠə hveelɛ həɠə, ə mą kɛ, kɔ́lɔ, da hiɛ tunwɔ̨n. Mąąhɔlɔɓo, koló kɛmun mąąnɛ̨ɛ̨ ə gɔ̨nɔ̨n ɉɔlɔɓo.

Osia 14:5

Gáá pai di ɓaloi di wɔ pulu kulɔ mɛ̨nįi tii yəi, gɛ́ di wɛlilakɛ gwə́i tɔ̨nɔ̨ mɛ̨i, ŋą́ą́ nwɔ́ lííholii həɠə di mɛ̨i.

Maafîu 6:27

Ka nɛlɛ ɓə, a pɛli ɲii hvóló ta pɛlɛi mą, a nwɔ liihɛlɛn?

Lukə 10:41

Ną́mu Jesus ə nwoo pulu pənə yɛ mą: «Martə, Martə, yaa ə́ liihɛlɛn a mɛ̨nį tamąą; ə lɛɛ, ə́ kpaaŋąa yili hu.

Lukə 12:11

«Ɓɛlɔwai da ka hon na diɛ li a kaa ka kiti tee mɛ̨nį ɓa, di wɔ Yálá hvɛli pɛlɛ́ɠaa mu, a wala kɛ tii, ɲɛ̨itɔwɔ nuą lííla, da nwun nąmįną, ka hvo ka lii hɛlɛn a ka mąąkɔ̨nwɔ̨ woo, awala kɛ tii, yii mąąnɛ̨ɛ̨ ka mo.

Lukə 12:22

Jesus ə mo nwɔ kalan nɛai diɛ, yɛ diɛ: «Yili ɓə gɛ, gɛ́ kɛ kaai: Ka hvo ka liihɛlɛn ka wɔ yɛnɛ̨ɛ̨ mąą mɛ̨nį ɓa, yɛ hvilɛ na yii ka pai mį́i mą, awala kɛ tii, ka kɔ́lɔ mąą mɛ̨nį ɓa; yii ka káá pai mąą yilii la.

Piɛrə dɔlɔɔ 5:7

'Ká ká kpąąn mɛ̨nįɠaa kəlee laa níila, gbala ə tɔɔ, a ká mąąkpąąn gbɛɛ.