Maafîu 6:26 - Yálá laawoo hɛɓɛ (dc)

²⁶ Ka nwɛ̨niɠaa kaa, di hva hihɛn ɉi, di hva hɛn da laaikɛ kələi. Kɛlaa, ka Ną́n gaa yələi a di kɔ̨nɔ̨n gɛ! Gu hvo mun kɛ, kaa, ka hviala hvo ɓo li hvo tɛɛ nwɛ̨niɠaa diɛ?

Yálá laawoo hɛɓɛ

²⁶ Ka nwɛ̨niɠaa kaa, di hva hihɛn ɉi, di hva hɛn da laaikɛ kələi. Kɛlaa, ka Ną́n gaa yələi a di kɔ̨nɔ̨n gɛ! Gu hvo mun kɛ, kaa, ka hviala hvo ɓo li hvo tɛɛ nwɛ̨niɠaa diɛ?

Bible

²⁶ Ka ŋɔni-ŋai kâa ŋelei sui. Dífa sí-sɛŋ sì, kpaa máŋ dí dée dí dɛ́ kêrei, ǹyaŋ Káɣâla-taa-naŋ a díŋa kɔ̀ŋ. Ǹyaŋ kámaa-mɛni fé kpanaŋ ní é tɛ́ɛ dîa?

Maafîu 6:26 Referans Kwoze

Mąątɛ̨nɛ̨ 147:9

Yɛ kɔ̨nɔ̨n dɛɛ taatɛlɛɛɠaa pɔ, gwąą-gwąą lonnii da vɛli, a di kɔ́.

Zôo 38:41

Gbɛɛ ɓə a kɛ goą goąɠaa kɔ̨nɔ̨n dɛɛi di pɔ, ɓɛlɔwai nonnii wɔlɔ woo a tɛ la Yálá pɔ pələ, ɓɛlɔwai da kɛ di laa taɠaa laa a pulu?

Maafîu 6:32

Nuąi di hvo Yálá kɔ́lɔn, diɛ ɓə mąąnɛ̨ɛ̨ di yiliɠaai niihɛlɛn ɉee. Ka Ną́n gaa yələi, ə ka kpaan mɛ̨nį kəlee kɔ́lɔn.

Maafîu 7:9

Nu ta kaa ka lɔwai, yii non a kɛ mą: gɔ́ a kɔ̨nɔ̨n, yɛ kwɛni tɛɛ bɔ?

Zôo 35:11

Yaai a gu kili tɛɛ huwɔɠaa di wɛi ɓa, yɛ nu kili tɛɛ yələi nwɛ̨nįɠaa diɛ?»

Mąątɛ̨nɛ̨ 50:11

Ŋą́ ɲee hu nwɛ̨niɠaa kəlee kɔ́lɔn, wɛla hu huwɔɠaa kəlee di ɓo a nwɔ́ɔ́.

Lukə 12:18

Yili pulu, ə mo gbɔwɔ ɓa, yɛ mą: ‹Yii gáá pai gɛi ya ka: gáá nwɔ́ mɔ̨nun gələ pɔlɔɠaa pui, ŋą nįnɛ̨ɠaa tɔɔ a gbɛa-kpɛa. Ŋą́ nwɔ́ mɔnunŋąa kəlee lɔ ɉu, da ɲə́i hɛn gəlee.

Zɛnɛse 6:21

Kɔ̨nɔ̨n ɉuwu lɔpee da mį́i, gəlee ta həɠə, yili ə kɛ a ka diɛni ka kɔ̨nɔ̨n.»