Maafîu 6:24 - Yálá laawoo hɛɓɛ (dc)

²⁴ «Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Yálá laawoo hɛɓɛ

²⁴ «Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Bible

²⁴ “Núu tɔnɔ fa pɔ̂ri tíi kɛ̂i nuu-mɛi-ƃela feerɛ dîɛ, kpɛ́ni fêi, a pâi dɔnɔ kpɔarâi é gbélii wɛ́li, kpaa máŋ a pâi kánanîi dɔnɔ ma é ŋ̀ɛi pôlu fé gbélii mì. Káfa pɔ̂ri kɛ̂i Ɣâla yée mu da sɛŋ-kao.

Maafîu 6:24 Referans Kwoze

Lukə 16:13

«Nu tɔ̨nɔ̨ hva pɛli tí nwun nąmu hveelɛ ɓa. A dɔ̨nɔ̨ wɛli la kɛ, ə dɔ̨nɔ̨ wɛli kpɛɛ mą. A gwəi kwələ dɔ̨nɔ̨ ɓa, ə dɔ̨nɔ̨ hulu. Ka hva pɛli tí Yálá ɓa, kaa nwɔ̨nɔ̨ tí hɛn gɔw ɓa.»

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Maafîu 4:10

Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Lukə 16:11

Akɛ ka hvo tələnmolaa kɛ li ɲɛnɛ̨ɛ̨ ŋɛ̨i hu hɛn gɔw hui, gbɛɛ ɓə a pɛli hɛn gɔw leelee kalihvaɓoi kaa?

Tɔɔɓɛlaa dɔlɔɔ 18:21

Eli ə mąą lɛɠɛ diɛ, yɛ diɛ: «Ka káá pai lɛɛi tɔɔi yai yai, ə lɛɛ la ɉu mįnɛ̨ lɔwai? Akɛ ka káá lɛɛi Yai-Laa gu wɔ Yálái pulu, ka lɛɛ bulu; akɛ ka káá hvilɛn ɉii Baalə pulu, ka hvilɛn bulu.» Kɛlaa, nuą di hvo pɛli woo ta ɓoi.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Tɔɔɓɛlaa veelɛ 17:41

Yɛ bələi ɉį́i takpɛliɠaa tii di kɛi Yai-Laa mąąwiɛ la, di yee ə ɓo di lɔ di yíi pələ pɔlɔ hu, diɛ di wɔ haliɠaai mąąwiɛ, bələ lɔ ɓə di lonnii di wɔ lonnii di kɛi túwɔ́ la háá ɓa háá.

Lukə 16:9

Jesus ə mo, yɛ diɛ: «Gáá moi kaa, ka ɓɛlan naa kwɛli kaa, a ɲɛnɛ̨ɛ̨ ŋɛ̨i hu hɛn gɔw, ya ɓə a gɛ, ɓɛlɔwai hɛn və la ka yəi, ka ɓɛlaa tii, di di ɲee hee la ka mu, bɛlɛi hva kala mu.

Izikiɛ 20:39

«Yili ɓa, káái a Israɛlə nwɔ pɛlɛ́i mu nuą, yii Mɛ̨nį kəlee ŋą Hééɓomun Yálá kaa moi, ya ka: Nu kəlee ə li kani ə nwɔ halii kɔ́, yili pulu, gu kaa pai gaai, akɛ ká hvo pai lɛɛi nwóó mu. Yili a kɛ tii, ká hvo kɛa pai náá mąąhəɠɛɛ pui, a ka wɔ haláá hɛnŋaai da ka wɔ haliɠaa.

Timote veelɛ 4:10

Mąąhɔlɔɓo, Demasə aa nɛ́ɛ́ laa yɛnɛ̨ɛ̨ hɛnŋaa ŋą wɛlikɛmąąlaa mąą mɛ̨nį ɓa, aa li Tɛsalonikə. Krɛsansə aa li Galatə lɔi hu, Titə aa li Dalmati.

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Zɛnɛse 47:17

Di pa a di wɔ taatɛlɛɛɠaai Ɉosɛfə pɔ, yili ə kɔ̨nɔ̨n dɛɛ di pɔ, a ɉooɠaa, daatɛlɛɛ pɛlɛɛ da gbɛa-kpɛa, da hoohvaalənŋąą mąąhvalin, ə gwɛlan tii yee mu kɔ̨nɔ̨n dɛɛ di pɔ, a ɉɔ̨nwɔ̨.