Maafîu 5:9 - Yálá laawoo hɛɓɛ (dc)

⁹ Nwun na nɛ̨ɛ̨ nuą ɓaa nuąi da hvaa kpɛɛ. Mąąhɔlɔɓo, Yálá a di təli a nonni!

Yálá laawoo hɛɓɛ

⁹ Nwun na nɛ̨ɛ̨ nuą ɓaa nuąi da hvaa kpɛɛ. Mąąhɔlɔɓo, Yálá a di təli a nonni!

Bible

⁹ Lûwa káa diai dîa da nûa loai kpɛ̀tɛi, kpɛ́ni fêi, da pâi dítolîi a Ɣâla lônii.

Maafîu 5:9 Referans Kwoze

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Lomaŋ 12:18

Akɛ pɛli mąą a kɛ ɉu, ká hvaa mą ɓə-o, liilaa ə kɛ ka nu kəlee ka lɔwai.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Mąątɛ̨nɛ̨ 120:6

Ŋą́ą́ lamu heeni a mɔlɔɔ, nuąi liilaa yɛnɛ̨ɛ̨ wɛli hvo diɛ, di pɔ lɔi.

Lomaŋ 8:14

A tɛ̨ą, nuąi Yálá nwɔ Kilii a di tənən dɔɔ, diɛ ɓə a Yálá lonni.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Kolosə 3:13

Ká kpɔnmąą tɛɛ ka kee pɔ, nu ta a mɛ̨nį nwąnąą laa mɛlan ma, 'ká ká kee mąąhvaalɛɛ, yɛ bələi Kristə ə ká mąąhvaalɛɛ la.

Mąątɛ̨nɛ̨ 34:12

Nónnii, 'ka pa ka ka wəli tɔɔ nwóó ɓa, bələi mąąnɛ̨ɛ̨ nu ə ɲɔw la Yai-Laa ɓa, ŋį́ bələ lɛ kaa.

Maafîu 5:48

Ka wɔ túwɔ́ pələ lɛlɛ ə pɛli ɉu, yɛ pələi ka Ną́n Yálá yai gaa yələkɔlɔn ɉu, nwɛi kaa la.»

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Gɛlaɠaa 7:26

Mąą yələ laa ɓoɔ, Moisə ə pənə ə pa, ə gaayɔwɔɠaa hveelɛ kaa diɛ gɔ́ a di kee, Moisə ə kɛ bɔ ə di ɲąąkwɛlɛ, ə di yee lɔ gee hu, yɛ diɛ: ‹Mɛ́laani, kɛlɛi, ka káá a nąn non danɔ̨n, lə mɛ̨nį ɓa ka káá gɔi a ka kee?›

Maafîu 5:45

Ya ɓə a gɛ, ka kɛ a ka Ną́n Yálá yii gaa yələkɔlɔn ɉu nonni. Mąąhɔlɔɓo, nwɛi, a yələ ɓɔ nu kəlee mɛ̨i. Nu túwɔ́ pələ lɛlɛɛ ə mą kɛ nu túwɔ́ pələ ɲɔ̨nwɔ̨ɔ̨, a gəlee kɔ́ a tulɔ.

Kɔlɔnikɔ Maa-ŋuŋ 12:17

Bɛnɉamɛn da Ɉuda lonnii taɠaa, di pa Davidə pɔ, ɓɛi ə kɛ laa now pələi.

Korɛntə dɔlɔɔ 6:6

Kɛlaa, mɛ̨nį ta a kɛ nąn nonnii hveelɛ lɔwai, yili ɓo mɛ̨nį ɓa lə yɛnɛ̨ɛ̨ nuą ɲɛ̨i ɓa?

Filipə 4:2

Nɛ̨ą hveelɛi ŋɛ̨i, Evodi da Sɛntikə, gáá nɛ̨ɛ̨mąą hvəə diɛ, gɛ́, di nɛ̨ɛ̨ a di kee, gu Ną́mu hu.

Lukə 20:36

Haa mɛ̨nį hvo kɛa diɛ, di kɛ pələ a kɛ yɛ malakaɠaa. Di kaa Yálá lonnii, mąąhɔlɔɓo, daa nwun.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Lomaŋ 8:16

Gilii tii yaa kpinįi ɓə a nɛ gu nįį pɔ, yɛ gu kaa a Yálá lonnii.

Lomaŋ 8:19

Mąąhɔlɔɓo, pɛli hɛnŋaa kəlee liihɛlɛŋąai diɛ; Yálá lonnii mąą mɛ̨nį too yələ ponoŋą mąąkpɔn.