Maafîu 5:6 - Yálá laawoo hɛɓɛ (dc)

⁶ Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Yálá laawoo hɛɓɛ

⁶ Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Bible

⁶ Lûwa káa diai dîa puru a díkɛ da kpele-wɛli tɔ̃yâ-laa mɛni mai, kpɛ́ni fêi, da pâi pelâi.

Maafîu 5:6 Referans Kwoze

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Mąątɛ̨nɛ̨ 107:9

Mąąhɔlɔɓo, ə yá tɔɔ kpələ wɛli həɠə mun na, ə pulumun gɔ́ a kɔ̨nɔ̨n kpɔ kɛnɛ̨.

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Mąątɛ̨nɛ̨ 145:19

Nuąi da ɲɔw mą, a di liiɓa kɛ, a nwəli tɔɔ di tomą woo ɓa, yɛ di ɓalo.

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

M̀ɛni-lɛɛi 7:16

Pulu hva kɛa di kɛ, kpələ wɛli hva kɛa di hon, hvóló da nwəleen di hva kɛa di kələn.

Lukə 6:21

«Nwun na nɛ̨ɛ̨ nuą ɓaa a kaa ŋɛ̨i pulu kaa kaa yiihu, mąąhɔlɔɓo, ka káá pai kɔ̨nɔ̨n gɛnɛ̨ hɔlɔɓoi. «Nwun na nɛ̨ɛ̨ nuą ɓaa a kaa yiiɠaai ka káá wɔlɔi yiihu, mąąhɔlɔɓo, ka káá pai yɛ́lɛ́i.

Azaya 44:3

Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Lukə 1:53

Nuąi kɛ pulu toɔ diɛ, aa di yee laahvɛɛ a mɛ̨inɛ̨ɛ̨ kɛnɛ̨. Aa hɛn gɔw nąmįną kɛ a yeehvowolo nuą.

Azaya 65:13

Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Mąątɛ̨nɛ̨ 65:4

Ku hɔnŋaa kpɛa-kpɛai ku kpįnįle ɓa, Kɛlaa, ə́ wɛi, yá ku wɔ nɛ̨ŋɛ̨nŋaa mąąhvaa lɛɛ.

Azaya 25:6

Yai-Laa Mɛ̨nį Kəlee ŋą Hééɓomun, gaa pai hɛli kɔ̨nɔ̨n bɛlii nu kəlee ɓa ɲee ŋɛ̨i nwuɔ̨, a huwɔ wulaa kɔ̨nɔ̨n, da lɔɔ nɛ̨ɛ̨ɠaa, huwɔ wulɔɠaa, da lɔɔ nɛ̨ɛ̨.

Mąątɛ̨nɛ̨ 84:2

Yai-Laa Mɛ̨nį Kəlee ŋą Hééɓomun, ə́ wɔ pɛlɛ́ɠaai wɛli kaa nuą diɛ kɛnɛ̨!

Lukə 6:25

«Kpalo ɓɛlaai kaa, kaa yii ka mąąkpaan gbɛɛ hɛn gəlee kaa ka yəi yiihu; mąąhɔlɔɓo, pulu kaa pai tinąą tooi kaa! «Kpalo ɓɛlaa kaa, kaa yii ka káá yɛ́lɛ́i yiihu, mąąhɔlɔɓo, ka káá tinąą pai mąąwɛli hee ɓoi.

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Mąątɛ̨nɛ̨ 63:5

Yili ɓa, ŋą́ ə́ laa tɛ́, nwɔ́ yɛnɛ̨ɛ̨ kəlee yee mu, gɛ́ ɲéé tɛ yələi, gɛ́ ə́ laa tɛ.

Mąątɛ̨nɛ̨ 17:15

Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Azaya 66:11

Ə gɛ ka ɲįnį kpələ, ka pilɛ ɉu, a ɲįnįi tii a ka nį́į́ lɔ! Ka ɲa kəlee kpələ ɉu, ka kwəi yɛ nɛ̨ɛ̨ la, a ɲįnį mąąwiyaai tii.

Hanwon 10:24

Mɛ̨nįi nwąnąlɔmun a ɲɔw mą, ya ɓə a ɉɔlɔɓo, Kɛlaa, hɛn kilimąą nuą da vɛli, ya ɓə Yálá a di kɔ́ la.

Hanwon 21:21

Nui a hvilɛn tələnmolaa pulu da kulɔ nwoo ɓalaa, a yɛnɛ̨ɛ̨, tələnmoaa, da mąąwiɛ hɔlɔɓo.

Ɉeremi 31:25

Nuąi kpələ wɛli a kɛ diɛ, gáá pai kpələ wɛli kulɔi diɛ. Nui vii a kpɛɛ, gɛ́ vaŋa lɔ.