Maafîu 5:29 - Yálá laawoo hɛɓɛ (dc)

²⁹ Yili ɓa tii, akɛ ə́ ɓa-mįi-yee ɲɛ̨ikɔw a kɛi kɛ, ə́ ə́ too nɛ̨ŋɛ̨n ɉu; gulɔ yɛ́ ə́ bili kwɛaala. Mąąhɔlɔɓo, viɛlaɓoɔi ə́ ɲɛ̨ikɔw ə lɛɛ yɛ́ tɔ̨nɔ̨, ə́ li Yálá pɔɔli liilaa hu, ə tɛɛ ə́ nąą kəlee ɲąąpɛliɛ ɓa, diɛ ə́ pili nwɔ̨n ɉu.

Yálá laawoo hɛɓɛ

²⁹ Yili ɓa tii, akɛ ə́ ɓa-mįi-yee ɲɛ̨ikɔw a kɛi kɛ, ə́ ə́ too nɛ̨ŋɛ̨n ɉu; gulɔ yɛ́ ə́ bili kwɛaala. Mąąhɔlɔɓo, viɛlaɓoɔi ə́ ɲɛ̨ikɔw ə lɛɛ yɛ́ tɔ̨nɔ̨, ə́ li Yálá pɔɔli liilaa hu, ə tɛɛ ə́ nąą kəlee ɲąąpɛliɛ ɓa, diɛ ə́ pili nwɔ̨n ɉu.

Bible

²⁹ Ǹyaŋ ílaa-mii-yee-mɛi ŋɛi-gaoi a íkɛ̀ í too sɔnyɔ̂ŋ su, gula í bíli. Kpɛ́ni fêi, maa nɛɛ̂i, a gɛɛ íkpono gbua da é kara é tɛ́ɛ la íkponoi kélee piliɛɛ ma Dɛ̂ƃele-taa.

Maafîu 5:29 Referans Kwoze

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Gilii ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Korɛntə dɔlɔɔ 9:27

Kɛlaa yaamun, gáá gɔ́lɔ́ laa nɔ̨nwɔ̨ ɓoi, ŋą́ ɉon yɛ luwɔ, ə gɛ, və́ pa kúlaa laa kɛ nwɛlɛɛ lɛlɛɛ laa həliɛ hu, ɲąąkpɛɛi di hvo náá kulɔ ɉu.

Lomaŋ 6:6

Mąąnɛ̨ɛ̨ ka gu mɛ̨nį ŋɛ̨i kpaɠala kaa a nɛlɛɛ: Gu kɛ pələ pɔlɔi wɔlɔ gu kɛ ɉu, yili ka ti gu nɛɛ Kristə ɓa yɛ haa la wulu ɓa. Ə gɛ nɛ̨ŋɛ̨n gɔlɔi ti hu ə kala, ə lɛɛ, gu hvo kɛa kɛ a nɛ̨ŋɛ̨n nwɔ luwɔɠaa.

Galatə 5:24

Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Markə 8:36

Akɛ nu ya yɛnɛ̨ɛ̨ hɛn gɔw kəlee hɔlɔɓo, ə ɉɔ̨nwɔ̨ kɛ a ə nwɔ yɛnɛ̨ɛ̨, yili dɔlɔ ɓaa a lə?

Maafîu 19:12

Mąąhɔlɔɓo, mɛ̨nįi a gɛ nu tamąą di hva nɛ̨ą hee nwun damąąi. Da daɠaa kaa, hulɔnu laa hva kɛ di yəi, daɠaa diɛn, nuą ɓə da hulɔnu laa kulɔ di yəi, daɠaa nwɔ̨nɔ̨, di hva gɛ di hvo nɛ̨ą hee Yálá-taa tɔɔlaa mąą mɛ̨nį ɓa. Nui a pɛli niɛwoo ŋɛ̨i hon ɉi, ə ɉon.»

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Maafîu 23:15

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, ka hiɛ lɔi mɛ̨i nąą kəlee da gboloyá ŋą nąą kəlee, ə gɛ, ka nu tɔ̨nɔ̨ hɔlɔɓo ə kɛ a ka wɔ kalan non. Ka ɉɔlɔɓo, ka galan ə kɛ nui da tinąą bili ɉahanąmą nwɔ̨n ɉu, nwɔ mɔ̨nɔ̨i ə kɛnɛ̨ a ɉeei hveelɛ, ə tɛɛ ka wɛi ɓa.

Maafîu 16:26

Nu a yɛnɛ̨ɛ̨ hɛn gɔw kəlee hɔlɔɓo, ə hvɛɠɛ a nwɔ yɛ̨nɛ̨ɛ̨, yili dɔlɔ ɓaa a lə?

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Maafîu 23:33

Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo, ka pɛli kulɔ pələ kɛi ləi ɉahanąmą gaho nwɔ̨n ɉu?

Lukə 12:5

Nui mąąnɛ̨ɛ̨ ka ka ɲɔw mą, gáá nɛi kaa: Nui a nu paa, yɛ pɛli bilii ɉahanąmą nwɔ̨n ɉu, 'ka ɲɔw mą. A tɛ̨ą gáá moi kaa, yaa tii ɓə mąąnɛ̨ɛ̨ ka ɲɔw mą.

Maafîu 5:30

Akɛ ə́ ɓa-mįi-yee a kɛi kɛ, ə́ ə́ too nɛ̨ŋɛ̨n ɉu, dee yɛ́, ə́ bili kwɛaala. Mąąhɔlɔɓo, viɛlaɓoɔi ə́ yee ə lɛɛ yɛ tɔ̨nɔ̨ ə́ li Yálá pɔɔli liilaa hu, ə tɛɛ ə́ nąą kəlee ɲąąpɛliɛ ɓa, diɛ ə́ pili ɉahanąma nwɔ̨n ɉu.»

Maafîu 11:6

Nui hvo pai laa na laa pələ lɛɛi, ɲą́ą́ mą́ą́ mɛ̨nį ɓa, nwun na nɛ̨ɛ̨i.»

Maafîu 17:27

Kɛlaa, gu wɛi, gu hvo bɔ gu hvo nuą lii hu kala. Yili ɓa, ɉɔwɔlee kwɛli həɠə, ə́ li bówa hu, ə́ kwɛli pili; Ɉɔwɔlee tɔlɔɔ tii ə́ kaa pai gulɔi, na kaa, wali kaa na, yii a pɛli gu nu hveelɛ guɔ nįįhɔ̨nwɔ̨ ɓa, ɉəɠə ə́ pa, ə́ guɔ nįįhɔ̨nwɔ̨i kulɔ la.»

Zôo 20:13

A ɲee kanąn ma, hva ɓo mą, yɛ ganąn nɛ̨ŋɛ̨n-nɛ̨ŋɛ̨n mu.