Maafîu 5:24 - Yálá laawoo hɛɓɛ (dc)

²⁴ ə́ wɔ haláá hɛn lɛɛ laa ni ɉaláá kulɔ kəhi kwɛlɛ; ə́ li, ka ka lɔwai pɛli ka nui tii. Yili pulu yɛ pa ə́ wɔ haláái kulɔi Yálá ɓa.

Yálá laawoo hɛɓɛ

²⁴ ə́ wɔ haláá hɛn lɛɛ laa ni ɉaláá kulɔ kəhi kwɛlɛ; ə́ li, ka ka lɔwai pɛli ka nui tii. Yili pulu yɛ pa ə́ wɔ haláái kulɔi Yálá ɓa.

Bible

²⁴ ísama-sɛŋ é lɛ́ɛ kpɔ Ŋ̀âla-teƃelei lá mu í lí, ka íkɔlɛ-ma-nuui ká káloai kpɛtɛ fulɔi, à kɛ̀ tí, gɛ̀ ní, pá pôlu í ísama-sɛŋ tɛɛ.

Maafîu 5:24 Referans Kwoze

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Hanwon 25:9

Ka ə́ kɔ́ yɔwɔ ka ka lɔwai ponnaa kulɔ, Kɛlaa, 'hvó nu takpɛli nwɔ loo mɛ̨nį kulɔ pɔ̨nɔ̨ŋą.

Timote dɔlɔɔ 2:8

Yii kani gáá bɔ, ya ɓaa, ɓɛi lɔpee, hinąą da kɛi Yálá hvɛli laa, di di yee mąąhəɠɛɛ tɛ, lííholi hva kɛ diɛ, yəliháá hvo kɛ di lɔwai da nu ta.

Maafîu 23:23

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo ɓɛlaai kaa! Mąąhɔlɔɓo, ka ka hɔlɔɓo hɛn bow nąn tɛɛ Yálá pɔ, ə mą kɛ ka yəi ɲɛa nɔwɠaa kəlee. Kɛlaa, ka dɔ́n yiiɠaai lɛɛ laa, yɛ pələi: tələnmolaa, túwɔ́ pələ lɛlɛ da woo tɔ̨nɔ̨ nąmu laa kaa la. Mąąnɛ̨ɛ̨i kɛ kaa kɛi yiiɠaa tii kɛ, ka hvo gbəliɠaa ŋɛ̨i lɛɛ pulu.

Korɛntə dɔlɔɔ 11:28

Yili ɓa, nu kəlee ə gbɛa gbɔwɔ mąą kpɛɛ, hvo teɠa kɛ nɛɠɛ mįi, hvo teɠa kɛ naa pɛlɛi gbələ kɔ́wɔ ɓa.

Markə 9:50

«Kpolo kaa a hɛn nɛlɛɛ, kɛlaa, kpolo leen a kpɛɛ mą, lə ɓə da pɛli neen gɛi la mą? Mąąnɛ̨ɛ̨ ka kɛ pələ a kɛ yɛ kpolo. 'Ka nɛ̨ɛ̨ a ka kee, liilaa ə kɛ ka lɔwai.»

Maafîu 5:23

Yili ɓə gaa mą, ɓɛlɔwai yá kɛi pa haláá kulɔi la Yálá ɓa, akɛ hvaa kaa ka nu ta ka lɔwai, nąąkili ə́ too ə́ ɲą,