Maafîu 5:14 - Yálá laawoo hɛɓɛ (dc)

¹⁴ «Ka káá a yɛnɛ̨ɛ̨ kɛɛpono. Taa yii gaa tɔɔni yee tona, hva loo.

Yálá laawoo hɛɓɛ

¹⁴ «Ka káá a yɛnɛ̨ɛ̨ kɛɛpono. Taa yii gaa tɔɔni yee tona, hva loo.

Bible

¹⁴ “Káa ƃa ǹɔii ŋɔkwaa-ponoɔ. Taa kɛ́tɛ nyii gáa yée mai, va lôo.

Maafîu 5:14 Referans Kwoze

Filipə 2:15

Ə gɛ ka kɛ a nuąi hɔn və diɛ, ka kɛ a Yálá lonni leelee, yiiɠaai di mąą kulɔi hvo diɛ yɛnɛ̨ɛ̨, hulu nuą da nu ɲɔ̨nwɔ̨ɔ̨ɠaa lɔwai. Mąąnɛ̨ɛ̨ ka lən di lɔwai yɛ yələkɔlɔn ɉu pɛmɛ̨lɛ̨n-gɔw.

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Tɛsalonikə dɔlɔɔ 5:5

Ká kəlee kpɔ, ká káá a kɛɛ pono lonnii, a yələɓɔɔ lonnii, gu hvo a kpinį nwɔɔ, gu hvo kpɛlimąn a tɛɛhilɛ-kpinį nwɔɔ.

Hanwon 4:18

Tələnmomun dúwɔ́ pələ kaa yɛ yələ ɓɔi kɛɛ pɔ̨nɔ̨, yii da a kɛ lɔ pɛlɛi mą.

Ɉaan 12:36

Ɓɛlɔwai kɛɛ pono kaa ni la ka pɔ, ka laa kɛɛ pono la, ə gɛ, ka kɛ a kɛɛ pono lonni.» Jesus ə kpɛɛ lɔ a nwooɠaa tii ɓoɔ, ə kulɔ di lɔwai ə now diɛ.

Korɛntə veelɛ 6:14

Nuąi di hvo laa li Yálá la, ká diɛ ni ka hvo bɛlɛ gee ɓa mɛ̨nį kɛ, gbala ə tɔɔ, nɛ̨ɛ̨laa lə kɛɛ ɓə gaa tələnmomun da hvulumun di lɔwai? Awala kɛ tii, kpɔn nə kɛɛ ɓə kɛɛ pono da kpinį da pɛli naai?

Ɉaan 5:35

Ɉaan ə kɛ yɛ labon daa dɔɔ yɛ lən. Ka kɛ bɔ ka da hɔlɔɓo, ka ɲąąnɛ̨ɛ̨ gulɔ.

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

Ɉaan 9:5

Yii kpɔ gáá ni ɓɛ yɛnɛ̨ɛ̨, yɛnɛ̨ɛ̨ nwɔ kɛɛ pono.»

M̀ɛni-lɛɛi 2:5

Ɓɛi ə́ too laa, ə́ kili hvilɛn nąą, ə́ tuwɔ pələ mąąhvalin, ɛlɛɛ, mɛ̨nį lɛlɛɛi ə́ kɛi gɛ tɔlɔɔ, 'ə́ gɛ. Yili hvo mą, gáá pai həlii yɛ́, ɛlɛɛ, yá wala ə́ túwɔ́ pələ mąą hvalin, gáá pai ə́ wɔɔ wulɔ nwɔ̨n ɉəɠəi ɉeei.

Izikiɛ 5:5

Yai-Laa gu wɔ Yálái woo ka: Ɉerusalɛmə ka, ŋą́ ɉee lɔiɠaa hąmąi, mąą tinɛ̨nŋąą a lɔiɠaa.