Maafîu 4:4 - Yálá laawoo hɛɓɛ (dc)

⁴ Jesus ə nwoo ŋąąpənə yɛ mą: «Bɛ̨ɛ̨i Yálá laawoo hɛɓɛ́ hu, diɛ mą: ‹Nu hva yɛnɛ̨ɛ̨ kɛ lɔ a laa mį́į́ hɛn yaa tɔ̨nɔ̨, kɛlaa hvo kɛi woo yii a kulɔ Yálá la.›»

Yálá laawoo hɛɓɛ

⁴ Jesus ə nwoo ŋąąpənə yɛ mą: «Bɛ̨ɛ̨i Yálá laawoo hɛɓɛ́ hu, diɛ mą: ‹Nu hva yɛnɛ̨ɛ̨ kɛ lɔ a laa mį́į́ hɛn yaa tɔ̨nɔ̨, kɛlaa hvo kɛi woo yii a kulɔ Yálá la.›»

Bible

⁴ Kɛ́lɛ, Zîsɛ è Dɛ̂ƃele wóo su tòo, ǹyɛɛi, “Bɔ̃yɛɛ̂i, ‘Núu fa ŋɔfúlu-laai kɛ́ nɔ́ kpólo mii mɛni ma, kɛ́lɛ, a ŋɔfúlu-laai kɛ̂ ŋ̀óoi kélee mɛni ma a kûla Ɣâla lái.’ ”

Maafîu 4:4 Referans Kwoze

Dutɛrɔnome 8:3

Ə ka kɛ a yeehowolo nuą, ə pulu too kaa, ɛlɛɛ, ə manə tɛɛ ka pɔ a ka kɔ̨nɔ̨n. Kaa-o, ka nąnni man-wo, ka hvo kɛ gɔlɔn a bɔlɔ. Ə kɛi nɛ tii kaa, yɛ kɛ kaa: nu hva nwɔ yɛnɛ̨ɛ̨ kɛ lɔ a laa mįi hɛn, kɛlaa, nu nwɔ yɛnɛ̨ɛ̨ kɛ hɛn mąą a: Yai-Laa hvaa woo.

Lukə 4:4

Jesus ə nwoo pulu pənə yɛ mą: «Bɛɛi Yálá laawoo hɛɓɛ́ hu yɛ: ‹Nu hva yɛnɛ̨ɛ̨ kɛ lɔ a laa mį́į́ hɛn yaa tɔ̨nɔ̨.›»

Ɉaan 6:63

Kili a nu kɛ a vulú, kɛlaa, nu hvo ɓaa hɛn da. Nwooɠaai ŋɛ̨i ŋį́ mo kaa ya ɓə gaa a Kili da yɛnɛ̨ɛ̨.

Lomaŋ 15:4

Yaan mɛ̨nįɠaai kpɔ bɛ̨ɛ̨ Yálá lawoo hɛɓɛ́ hu, di gəlee pɛ̨ɛ̨ gu mąąkwɛli mɛ̨nį ɓa. Ya ɓə a gɛ, liikpələ da hvaŋąlɔi Yálá lawoo a dɛɛ gu pɔ ɉaalai, gu kilitɔɔmąąlaa hɔlɔɓo.

Ifisiɛŋ 6:17

'Ká nwun mąąɓo ɓɔlɔ lɔ, ká Kili-Mąąhəɠɛɛ ŋą ɓowa kwɛaai həɠə, yai a Yálá laa woo.

Lɛɛ gbɔwɔ ɓa 16:15

Israɛlə lonnii di gaa, diɛ kɛ di kee ɓa: «Man hu?» Mukulaa ɓaa: «Lə ɓaa yii?» Mąąhɔlɔɓo, di hvo kɛ ɉɛn ti kɔ́lɔn. Moisə yɛ diɛ: «Gɔ̨nɔ̨n Yai-Laa ə dɛɛ ka pɔ yaa li.

Lukə 4:8

Jesus ə nwoo pulu pənə yɛ mą: «Bɛɛn Yálá laawoo hɛɓɛ́ hu yɛ mą: ‹Kwɛli hvilɛn Ną́mu Yálá yaa tɔ̨nɔ̨ ma. Ə́ tiɓo kɛ mą.›»

Lɛɛ gbɔwɔ ɓa 16:35

Israɛlə lonnii di manə mįi kwɛlan bow nąąn ɲee mu, ə lɛɛ ɉu, di həli Kanaan lɔi ɲɛ̨in ma.

Lɛɛ gbɔwɔ ɓa 16:8

Moisə yɛ diɛ: «Yai-Laa kaa pai huwɔ tɛɛi ka pɔ háákələi yələwulii pɔ, ka mįi, yələwala pɔ, ka pilɛ a ka liiɓa. Mąąhɔlɔɓo, Yai-Laa aa ka woo mɛ̨n, kaa hvaa ka nwun ɉu. Lə ɓaa kuɔ? Kuɔ hvəi ka káá hvaai ka nwun ɉu kuɔ, Yai-Laa ɓə!»

Maafîu 4:10

Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Maafîu 4:7

Jesus ə mo mą, yɛ mą: «Bɛ̨ɛ̨i nwɔ̨nɔ̨ Yálá laawoo hɛɓɛ́ hu, diɛ mą: ‹Hvo ə́ Ną́mu ə́ wɔ Yálái hu kɔ́ɔn.›»

Lukə 4:12

Jesus ə nwoo pulu pənə yɛ mą: «Bɛɛi Yálá laawoo hɛɓɛ́ hu yɛ mą: ‹Ho Ną́mu Yálá hu kɔ́ɔn.›»

Lɛɛ gbɔwɔ ɓa 23:15

Lɛɠɛi dɛ hɛn və ɉu, ka mąą hɛli pu, hvóló mɛ̨ihveelɛ yee mu, lɛɠɛi dɛ hɛn və ɉu, ka mįi, yɛ bələi ŋą́ Dɔ́n naa laa ka mɛ̨i, gɛ́ guu hee a Abibə ɲąnin, mąąhɔlɔɓo, nąąlɔwai ɓə ka kulɔ la Eziptə lɔi hu. Mąą hvo nɛ̨ɛ̨li, nuą da kɛi pa nííla, nu ta hvo pa a ɲee howolo.

Maafîu 15:11

Hɛn nɔpee nu a dɛ na, hva mąą liɓi. Kɛlaa, yii a kulɔ nu la, ya ɓə a mąąliɓi.»

Markə 7:20

Jesus ə mo nwɔ̨nɔ̨ yɛ diɛ: «Yii a kulɔ nu la, a həɠə nu nwɔ kiliŋąhiɛ hu, yili ɓə a nu kɔ́hɔɓo.

Ɉaan 15:26

«Ka mąąkɔ̨nwɔ̨mun a pa kɛa pai, yai gáá pai dɔɔi yɛ həɠə Ną́n bɔ, yai a tɛ̨ą Kili, ya ɓə pai mą́ą́ kɛla hvaa ɓoi.