Maafîu 4:11 - Yálá laawoo hɛɓɛ (dc)

¹¹ Yili pulu, nąnį ə Jesus lɛɛ laa. Malakaɠaa di pa di tí mą.

Yálá laawoo hɛɓɛ

¹¹ Yili pulu, nąnį ə Jesus lɛɛ laa. Malakaɠaa di pa di tí mą.

Bible

¹¹ Nya ƃe Dɛ̂ƃele è nâa sìɣe gɔlɛ. Ɣâla-taa-kela-ŋa dí pá bɔ díkɛ tíi kɛ̂ mì.

Maafîu 4:11 Referans Kwoze

Maafîu 26:53

Hvo gɔlɔn yɛ diɛ, ŋą pɛli kɛ ŋį́ Ną́n Yálá hvɛli ə malaka kpulu kɛnɛ̨ tɛɛ di mą́ą́ kɔ́nwɔ̨?

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Lukə 22:43

Nąąlɔwai, Yálá ə nwɔ malaka ta tɔɔ, yɛ vaŋąlɔ.

Lukə 4:13

Yii kɛa nąnį ə Jesus ŋąąhɛŋin a kpaalə huwu kəlee, ɲee hvo pɛli mą, ə nɛɛ laa, yɛ lɔwai takpɛli mąąkpɔn.

Hebreu 1:6

Kɛlaa yaamun, ɓɛlɔwai ə kɛli pa Lon dɔlɔɔ lɛi la yɛnɛ̨ɛ̨ ɓa, ə mo yɛ: «Yálá ŋą malakaɠaa kəlee, 'ká kwɛli hvilɛn mą.»

Ɉaan 14:30

Və́ kɛa pai mɛ̨nį tamąą ɓoi kaa, mąąhɔlɔɓo, ɲɛnɛ̨ɛ̨ ŋɛ̨i hu tɔɔ mun gaa pai. A tɛ̨ą, ɲee hvo tɛɛ li mą́ą́.

Lukə 22:53

Ɓɛlɔwai ŋį́ kɛ la ka lɔwai a yələ kəlee, Yálá hee pɛlɛ́ mu, ka hvo kɛi tunwon mą́ą́. Kɛlaa, ka wɛi nąą lɔwai aa həli, ka kpinį nwɔ yeetɛɛmąą laa.

Markə 1:13

Ə hvóló pow nąąn gɛ nɔi pun ɉu, ɓilihi yɛ ɲąąhɛŋįn. Ə kɛ lɔ laa nɔwɔ huwɔɠaa lɔwai. Malakaɠaa diɛ mąąkpɛ.

Maafîu 4:6

yɛ mą: «A kɛ Yálá Lon mąą a yɛ́, 'teen ə hvilɛn nɔi ɓa. Hvó gaai, bɛ̨ɛ̨i Yálá laawoo hɛɓɛ́ hu, diɛ mą: «‹Yálá a mo nwɔ malakaɠaa diɛ, di di yee hee ə́ mu, ə gɛ, ə́ kɔ́wɔ hvo pa tuwɔ kwɛni ɓa.›»

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Tɔɔɓɛlaa dɔlɔɔ 19:6

Eli ə muhəɠə, ə nwun dɔwɔ kaa, ə nwɔ̨mįi kaa laani, mɔ̨n ŋąą kwɛni hulaa mɛ̨i, ya heɛ gwɛlɛ. Eli ə kɔ̨nɔ̨n mįi, ə gbələ, ə pənə ə laa.