Maafîu 3:1 - Yálá laawoo hɛɓɛ (dc)

¹ Nąąlɔwai ɓə Ɉaan-Batistə ə kɛi kalan gɛ la Ɉude lɔi pun ɉu.

Yálá laawoo hɛɓɛ

¹ Nąąlɔwai ɓə Ɉaan-Batistə ə kɛi kalan gɛ la Ɉude lɔi pun ɉu.

Bible

¹ Maa-tãi ti su Batâi-kɛ-nuui Zɔ̂ŋ è pà gɛ Ɣâla-woo ƃo vɛ̃ɛ-kpâlaŋ su Zuda-lɔii su, ǹyɛɛi,

Maafîu 3:1 Referans Kwoze

Lukə 1:76

Yɛ́i ŋɛ̨i a nón, di kaa pai kɛi yɛ́ Yálá yii gaa a Hɛn Gəlee Nwun Nąmu, gwəi mɛ̨nį hukulɔ mun. Mąąhɔlɔɓo, yɛ́, ə́ kaa pai lii Ną́mu Yálá ɲɛ̨i tɔwɔ, ə́ nwɔ pələi pɛli, ə́ ɉaŋą;

Maafîu 11:11

Gáá tɛ̨ą ɓoi kaa, nui kpɔ nɛ̨ɛ̨nu ə gaa, da hvo kɛnɛ̨ li hvo tɛɛ Ɉaan-Batistə ɓa. Kɛlaa yaan, nui gaa a lokolo Yálá-taa tɔɔlaa hu, mąą nu kɛnɛ̨i dɛɛ mą.

Markə 1:15

«Yálá nwɔ lɔwai ə vaaɓo aa həli, mąąhɔlɔɓo, Yálá-taa tɔɔlaa mąą aa kpuwɔ; ka kpəla mɛ̨nį ɲɔ̨n ma, ka tinɛ̨n, ka ka túwɔ́ pələ mąąhvalin, əlɛɛ, ka ka yee hee nwɛlɛɛ lɛlɛɛ mu.»

Maafîu 16:14

Di nwoo ŋąąpənə diɛ mą: «Nu taɠaa da kɛ kɛi diɛ: Ɉaan-Batistə ɓaa a yɛ́. Daɠaa diɛ kɛ diɛ: ə́ kaa a Eli. Daɠaa diɛ kɛ diɛ: ə́ kaa a Ɉeremi, a wala kɛ tii, Yálá kwəi mɛ̨nį hukulɔ mun ta lɔ ɓaa a yɛ́.»

Gɛlaɠaa 1:22

ə gɔwɔ tɔɔ ɓɛlɔwai Ɉaan mąąwaa la, ə həli la ɓɛlɔwai ə tɛ la yələkɔlɔn ɉu, mą, hvo kɛli nu ta ə hɔlɔɓo nuą ti lɔwai, ə too gu pɔ, ə kɛ a Jesus nwun mɛ̨nį mąą kɛla ta.»

Lukə 7:24

Ɓɛlɔwai Ɉaan-Batistə nwɔ kalan nɛai di di pulu pənə la, diɛ li, Jesus ə kɛi Ɉaan-Batistə mąą mɛ̨nį hukulɔ la nu kpului tii kɛ laa diɛ, yɛ diɛ: «Ka li ɲɛa lɔi pun ɉu, lə ɓə ka gaa laa? Akɛti, hveen gbaɠa yii hvaŋą a dumo ya ɓə? Kpaa-o!

Maafîu 11:7

Yii kɛa Ɉaan nwɔ kalan nɛai di kɛi li, Jesus ə kɛi Ɉaan mąą mɛ̨nį hukulɔ nu kpului tii ɓa, yɛ kɛ diɛ: «Líi ka mo nɔi pun ɉu, lə ɓə ka gaa? Hveen gbaɠa yii hvaŋą a dumo ya ɓə mɔ̨ɔ̨?

Maafîu 3:8

Yili ɓa, 'ka túwɔ́, yɛ nui aa ɲii pələ mąąhvalin.

Maafîu 21:32

Mąąhɔlɔɓo, Ɉaan ə pa ə tɛ̨ą hu hiɛ ɓo pələ lɛ kaa, ka hvo laa na. Kɛlaa, niihɔ̨nwɔ̨ kulɔ nuą da wɛli hon nuą di laa na. Ka wɛi, pələi mąn ka mɛ̨nįɠaa tii kaa la, ka hvo ka túwɔ́ pələ ɲɔ̨nwɔ̨ɠaa mąąhvelən ni ka hvo laa na.»

Nwun mąąɓo 1:16

Moisə mɔlɔ́, yai ɉuwu hu nuą ɓa kɛ a Keni nuą, di həɠə dow kpulu mu taa hu, da Ɉuda nu huwu, di li di hee Ɉuda nwɔ lɔi pun ɉu pələ, Aradə kwɛlɛ, ɉɛɠɛɛ pələ, di hee laa nɔi lonnii kwɛlɛ, diɛi kɛ a Amalɛkə nuą.

Zasua 14:10

Ya ka tii yiihu, Yai-Laa a yɛnɛ̨ɛ̨ kpɛɛ hvo mą tɛɛ bɔ́, yɛ bələi ə mo la ə həɠə ɲələi Yai-Laa ə nwooi tii ɓo la Moisə ɓa, ɓɛlɔwai Israɛlə ə kɛ la hiɛ hu, nɔi pun ɉu. Gwɛlan bow nąąn gɔw lɔɔli ka, gáá kwɛlan aa həli pow mɛ̨ihaaɓa gɔw lɔɔli hu, yiihui ŋɛ̨i kɛa.

Tɔɔɓɛlaa dɔlɔɔ 2:34

Yehoyada lon Benayahu ə li ə wolo Ɉoabə ɓa, ə baa. Di Ɉoabə powa loo ɲəi bɛlɛ́n nɔi pun ɉu.

Markə 1:2

Yɛ bələi bɛ̨ɛ̨i la Yálá kwəi mɛ̨nį hukulɔ mun Esai nwɔ hɛɓɛ́ yili hu yɛ kɛ mą: «Yálá yɛ gaa pai nwɔ wɛlɛɛ ɓomun dɛɛi ə ɲɛ̨i tɔwɔ yai pai ə́ wɔ pələi laa ɓo.