Bib sou entènèt

Maafîu 28:20 - Yálá laawoo hɛɓɛ (dc)

²⁰ Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Gade chapit la Kopi

Yálá laawoo hɛɓɛ

²⁰ Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Gade chapit la Kopi

Bible

²⁰ M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Gade chapit la Kopi

tounen moute ⬆

Maafîu 28:20
48 Referans Kwoze

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Mąątɛ̨nɛ̨ 46:7

Lɔiɠaa hu tin ə kɛi kulɔ, tɔɔlaaɠaa diɛ kɛ yɛɠɛ yɛɠɛ, Yálá ə woo tɛɛ, lɔi ə həɠeen.

Zɛnɛse 39:21

Bələi mąn Ɉosɛfə ə kɛ la laa gaho pɛlɛ́ mu, Yai-Laa ə kɛ lɔ bɔ, ə ɲɛ̨i lɛlɛɛ hee mą, Ɉosɛfə wɛli ə too gaho pɛlɛ́ mɛ̨i kaamun ma.

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Maafîu 18:20

Mąąhɔlɔɓo, ɓɛi nu hveelɛ Ɉaaɓa ɉaakpɔn ɉaai laa ɲá náá hu, gáá laa di pɔ.»

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Markə 16:20

Galan nɛa di pənə di pulu, diɛ Yálá laawoo laa həli kɛɛnąą kəlee. Ną́mu ə kɛi kpɔnmąą tɛɛ di pɔ́ gólói tii kɛ mɛ̨nį hu, yɛ di wɔ kalan gɛ woo kɛ a tɛ̨ą, kpalo mɛ̨nįɠaa kɛɛ hu.

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Korɛntə dɔlɔɔ 14:37

Akɛ nu ta a giliŋąhiɛ yɛ gaa a Yálá kwəi hukulɔ mun, a wala kɛti, aa gili hɔlɔɓo Yálá yəi, ə gɔlɔn yɛ, mɛ̨nįɠaai gáá ká tíi la, ɉɛɓɛ́i ŋɛ̨i hu, ŋą́ ɉɔlɔɓo Yálá yəi.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Gɛlaɠaa 2:42

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Korɛntə dɔlɔɔ 11:2

Ŋą́ ká mąątɛ̨nɛ̨i, gɛ mɛ̨nį ną́ą́kili a too ká ɲą mɛ̨nį kəlee hu, ɛlɛɛ, ká yee kanąn mɛ̨nį gu yíi pələ ɓa, yɛ bələi ŋį́ nɛ la káá.

Maafîu 13:49

Pələ kpɔlɔɔ ɓə gaa pai kɛi la yɛnɛ̨ɛ̨ ɲąąkpɛɛi lɔwai. Yálá nwɔ malakaɠaa kaa pai pai di mɛ̨nį ɲɔ̨n gɛ nuą da mɛ̨nį lɛlɛɛ kɛ nuą ɓɛlaɓo.

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Tɔɔɓɛlaa dɔlɔɔ 1:36

Yehoyada lon Benayahu yɛ tɔɔmun ma: «Yai-Laa yai gaa a nwɔ́ mɛ̨nį nąmu nwɔ Yálá, yɛ diɛ: Ə kɛti!

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

Kɔlɔnikɔ Maa-ŋuŋ 16:36

Mąąwiɛ ə kɛ Yai-Laa Israɛlə nwɔ Yálái ɓa, a yələ kəlee da yələ kəlee mɛ̨nį!» Nąąlɔwai nɔi lonnii kəlee di mu hon, diɛ mą: «Ə kɛ tii! Mąąwiɛ ə kɛ Yálá ɓa!»

Dutɛrɔnome 5:32

Ka tɔɔ a ka nwąnąi, kaa túwɔ́ yɛ́ bələi Yai-Laa ka wɔ Yálái ə ka tí la. Ka hvo həɠə bələ mɛ̨i, ka hvo tɔɔ takpa-takpa.

Piɛrə veelɛ 3:2

Gáá bɔ ka ka kiliŋąhiɛ Yálá kwəi mɛ̨nį hukulɔ nuą woo ɓa, da gu Ną́mu Jesus Kristə nwɔ liɛwooɠaa diɛ, yiiɠaai Jesus nwɔ tiɓo kə nuąi di ka kalan na.

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

Korɛntə dɔlɔɔ 11:23

Hvo gaai nwɛ́i, yii ŋį́ ɉɔlɔɓo gu Ną́mu yəi, ya ka, ɛlɛɛ, ya ɓə gáá dɛɛi ká pɔ: Gbįnįi ŋɛ̨i di gu Ną́mu lɔ́wɔ́tɔɔ la, mąą kpįnįi tii, ə lɛɠɛ həɠə,

Maafîu 24:3

Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Ɉeremi 26:2

Yai-Laa woo ka, yɛ mą: «'Li ə́ tɔɔ Yai-Laa nwɔ pɛlɛ́i gwəli hąąi, nwooɠaai kpɔ ŋą́ ə́ tí la, ə́ gəlee ɓo, yɛ hvilɛn na Ɉuda taɠaa hu, nuą kəlee diɛ, diɛi tii da pa Yai-Laa yəi bɛlɛ́n diɛ kwɛli hvilɛn mą, gəlee ɓo diɛ, hvə da lɔpee kulɔ ɉu.

Lɛɛ gbɔwɔ ɓa 8:27

Bələi ti Moisə ə ɉu hvɛli la, Yai-Laa ə gɛ ti. Vɔnŋąą tii mąą ə kwɛa tɔɔmun ma, da nwɔ nu kpɛa-kpɛaa-o, ə mą kɛ, nɔi nuą. Dɔ̨nɔ̨ kpɛli hvo lɛɛ laa.

Izikiɛ 46:10

Dɔɔmun nwɛi, da diɛni da lɔ, ɓɛlɔwai da kɛi lɔ la, ə kulɔ ɓɛlɔwai da kɛi kulɔ laa.

Swiv nou:

Lyen patwone

Piblisite

Piblisite