Maafîu 28:18 - Yálá laawoo hɛɓɛ (dc)

¹⁸ Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Yálá laawoo hɛɓɛ

¹⁸ Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Bible

¹⁸ Nya ƃe Zîsɛ è pà dípɔ é lóno dípɔ, ǹyɛɛi, “Wála-wala-laa kélee tɛɛ̂i ḿbɔ Ɣâla-taa da ǹɔii ma.

Maafîu 28:18 Referans Kwoze

Ɉaan 3:35

Lon wɛli kaa Nąn ma, a mɛ̨nįɠaa kəlee mąą huwalawala lɛɛ ɲei.

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Hebreu 2:8

Ə́ hɛn gəlee mąąyɛɛ gɔwɔ mu.» Ɛlɛɛ, hɛn gəlee mąąyɛɛi ə́ mo gɔwɔ mui, hɛn da hvo laa, yii hvo nu yee mu. Ya pa, yiihui ŋɛ̨i, gu hva pɛli gbaɠala kɔlɔn ɉi a kɛ, hɛn gəlee kaa nu yee mu,

Korɛntə dɔlɔɔ 15:27

Mąąhɔlɔɓo aa gəlee too gɔwɔ mu. Kɛlaa, ɓɛlɔwai gaa pai kɛi la mą: «Hɛn gəlee aa pɛlɛ gɔwɔ mu», ə kulɔ nui hɛn gəlee pɛlɛ gɔwɔ mu, bulu.

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Ɉaan 13:3

Jesus ə gɔlɔn gɛ yɛ ə həɠə Yálá pɔ, Yálá aa hɛn gəlee tɛɛ bɔ, ɛlɛɛ, Yálá pɔɔli ɓə gaa lii laa.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Kolosə 2:10

Ɛlɛɛ, nui ŋɛ̨i a, hééɓolaa kəlee da huwalawalalaa kəlee, nąmu, ɉu ɓə kɛa, ká mąą mɛ̨nį kəlee ɲąą a pɛli laa.

Lukə 10:22

«Nán Yálá aa huwalawala kəlee tɛɛ bɔ́; nu ta hvo Non gɔ́lɔn, hvo kɛ li lɔ Nąn; nu ta hvo Nąn gɔlɔn, hvo kɛ li lɔ Non, da nui Non a kɛ bɔ ə Nąn nɛ mą.»

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

Lomaŋ 14:9

Mąąhɔlɔɓo, Kristə kɛ mɛ̨nį a haa nuą, da yɛnɛ̨ɛ̨ nuą di Nąmu ɓə gɛ, yɛ haa la, yɛ pənə yɛ nwun.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

Maafîu 26:64

Jesus yɛ mą: «Yaa kpɔlɔ ka tii yaa hvilɛn mɛ̨i, ya ɓaa a ɲą́ą́! Gáá moi kaa, ə həɠə háákələi ɓa, ka káá pai Nu Lon kaai heeni Yálá yee-lɛlɛɛ-mɛ̨i Huwalawala kɛnɛ̨ hu, yili pulu, ka gaa yɛ həɠə yələi yɛ yɛɛ tulɔ kpinįn ɉu.»

Mąątɛ̨nɛ̨ 89:27

Yaa tii, gaa pai kɛi mą́ą́: «Ną́n! Nwɔ́ Yálá! Málo kwɛni!»

Gɛlaɠaa 2:36

«Mąąnɛ̨ɛ̨ Israɛlə nu huwu kəlee di gɔlɔn diɛ kɛ: Jesus ŋɛ̨i ka gbanwo kolɔwa ɓa, ya ɓə Yálá ə gɛ a hɛn gəlee Ną́mu da nuą ɓalomun.»

Gɛlaɠaa 10:36

Ə mɛ̨nįɓo Israɛlə lonnii diɛ, yɛ liilaa wəlɛɛ lɛlɛɛ laa həli diɛ, a Jesus Kristə yai a nu kəlee di Ną́mu.

Mąątɛ̨nɛ̨ 89:19

Ku mąąkpɛ gbala kaa ə́ yee, Yai-Laa! Ku wɔ tɔɔmun ə ɓo, Israɛlə nwɔ Mąąhəɠə mun yee kɔ́nma.

Maafîu 16:28

Gáá moi kaa a tɛ̨ą, nu taɠaa kaa ɓɛ ka lɔwai, di hvo pai haai, ə lɛɛ la ɉu di Nu Lon gaa yɛ pa la yɛ tɔɔmun.»

Hanwon 8:15

Ɲą́ą́ ɉáálai ɓə tɔɔɓɛlaa da tɔɔlaa kɛ la, ɉáálai ɓə kiti tee nuą da dee la a ɉaŋąą.

Ɉaan 3:31

Nui həɠə yələkɔlɔn ɉu ə pa, ya ɓə gaa hɛn gəlee nwun mɛ̨i. Nui gaa lɔi mɛ̨i, lɔi mɛ̨i mun ni lɔi mɛ̨i mɛ̨nį ɓə, a mo. Nui həɠə yələkɔlɔn ɉu, ya ɓə gaa hɛn gəlee nwun mɛ̨i.