Maafîu 27:63 - Yálá laawoo hɛɓɛ (dc)

⁶³ «Tɔɔmun, mɛ̨nį ta nąą kili aa too ku ŋą yɛ hvilɛn na nɛɛ mun tii ɓa. Gɛɛ a vulú, ə mo yɛ: ‹Da baa, hvóló haaɓa tɛɛ pulu a muhəɠə ə kulɔ haaɓɛlaa lɔwai.›

Yálá laawoo hɛɓɛ

⁶³ «Tɔɔmun, mɛ̨nį ta nąą kili aa too ku ŋą yɛ hvilɛn na nɛɛ mun tii ɓa. Gɛɛ a vulú, ə mo yɛ: ‹Da baa, hvóló haaɓa tɛɛ pulu a muhəɠə ə kulɔ haaɓɛlaa lɔwai.›

Bible

⁶³ Dí m̀o m̀a dîyɛɛi, “Kúnuu-namui, é lɛ̀ɛ kúkili ŋá a gɛɛ núu-pɛlɛ-nuui tí kɛ́ɛ niî ɣele mai, è mò ǹyɛɛ, ‘Ŋ̀ele-kûui zaaƃa-ɣelei ŋa pâi mu siɣêi saa-yeei.’

Maafîu 27:63 Referans Kwoze

Lukə 9:22

Ə mo nwɔ̨nɔ̨ diɛ yɛ diɛ: «Hvo kɛli, Nu Lon ə pa mɔ̨nɔ̨ mį́į́ kpɔ kɛnɛ̨, nu pɔlɔɠaa, ɉala laa həli nuą kpɛa-kpɛaɠaa da tɔ́n galamɔ̨ɔ̨ɠaa di kaa pai lənəi ma, nuą di baa. Voló haaɓa yələ, a muhəɠə ə kulɔ haa ɓɛlaa lɔwai.»

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Ɉaan 2:19

Jesus ə di woo pulu pənə yɛ diɛ: «Ka Yálá hee pɛlɛ́i ŋɛ̨i pu, hvóló hveelɛ Ɉaaɓa yələ, ŋą pɛli ŋį́ ɉaŋą ŋį́ dɔɔ.»

Lukə 18:33

Di kaa pai gɛlɛi a hvaɠa, ɛlɛɛ, di baa. Voló haaɓa yələ, a pənə ə nwun.»

Markə 10:34

Yiliɠaai di yɛlɛ kulɔ ɉu, diɛ di laayá pili mą, diɛ gɛlɛ a hvaɠa. Da baa kɛa, hvóló haaɓa tɛɛ pulu a pənə ə kulɔ haaɓɛlaa lɔwai, ə kɛ a vúlu.»

Markə 8:31

Yili pulu, Jesus ə gɔwɔ tɔɔ, yɛ nwɔ kalan nɛai kalan, yɛ kɛ diɛ: «Hvo kɛli kɛ Nu Lon ə mɔnɔ̨ mį́i kpɔ kɛnɛ̨, galanɉonŋąą, ɉaláá laa həli nuą, ə mą kɛ dɔ́n galamɔ̨ɔ̨ɠaa, di kaa pai lənəi mą, ga pai haai, kɛlaa, hvóló haaɓa tɛɛ pulu, gaa pai muhəɠəi ə kulɔ haa yəi.»

Maafîu 20:19

Nuąi di hvo Yálá kɔ́lɔn di kaa pai dɛɛi di pɔ, di yɛlɛ kulɔ ɉu, di gɛlɛ a hvaɠa di gbanwo kolɔwa ɓa ə haa. Voló haaɓa yələ, a nwun ə kulɔ haaɓɛlaa lɔwai.»

Maafîu 17:23

Di kaa pai baai, kɛlaa, voló haaɓa yələ, gaa pai nwun ɉii ə kulɔ haaɓɛlaa lɔwai. Nwoo tii ə nwɔ kalan nɛai kwəi pili ə di liihɛlɛn.

Maafîu 26:61

diɛ diɛ: «Ɉulɔnui ŋɛ̨i aa ta mo yɛ diɛ: ‹Ŋą́ pɛli Yálá hee pɛlɛ́ kɛnɛ̨i ŋɛ̨i pui, ŋą pənə ŋį́ dɔɔ hvóló haaɓa yeemu.›»

Korɛntə veelɛ 6:8

mąąwiɛlaa hu da ɓɛlɛkpɛɛ gwəi laa hu, laa kala hu da nu laa lɛlɛɛ ɓoɔ hu, diɛ ku kaa a lɛɛ nuą, yá pa kuɔ tɛ̨ą ɓo,

Ɉaan 7:12

Nu tamąą di kɛi Jesus mąą mɛ̨nį ɓo di kee lɔwai; daɠaa di kɛi kɛ diɛ: «Nu lɛlɛɛ li.» Dakpɛliɠaa diɛ kɛ: «Lɛɛ li, Gaa nuą nwun ɉu lan ɉi.»

Lukə 23:2

Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Ɉaan 7:47

Farisiɛ̨ɠaa diɛ gɔ́kulááɠaa diɛ: «Akɛti, kaa hvaa mąą ə ka ɓowo kaa kpɛli?

Maafîu 27:64

Kuɔ ə́ hvaa mą ə́ holahiɠaa tɛɛ də li di gámą mąąkpɛ ə lɛɛ ɉu, hvóló haaɓa ə tɛɛ, ə gɛ, nwɔ kalan nɛai di hvo pa li laa di hvo bowa nwuɔ̨, diɛ kɛ diɛ: ‹Aa muhəɠə.› A kɛ tii, nɛɛ mɛ̨nį yili hu a kɛnɛ̨ ə tɛɛ dɔlɔɔ tii ə gɛ mą.»

Maafîu 28:6

Hvo kɛa ɓɛ, aa nwun, aa kulɔ haa yəi, yɛ pələi ə mo la kaa. Ka pa ɓɛi, ə kɛ laa laani, ka nąą kaa.

Markə 9:31

Mąąhɔlɔɓo, ə kɛi nwɔ kalan nɛai kalan, a ɉaa mɛ̨nį, da muhəɠə mɛ̨nį, yɛ kɛ diɛ: «Di kaa pai lɔi Nu Lon gilii, di baa, kɛlaa, hvóló haaɓa tɛɛ pulu, a pənə ə kɛ a vulu.»

Lukə 18:31

Jesus ə nwɔ nu pow kɔ́w hveelɛ təli, ə di lɛɠɛ mą di tɔ̨nɔ̨ kɛɛnąą, yɛ diɛ: «Ka ka wəli tɔɔ, gu tɛ hiɛ ka ŋɛ̨i Ɉerusalɛmə, ɛlɛɛ, mɛ̨nįi Yálá kwəi mɛ̨nį hukulɔ nuą di mo yɛ hvilɛn na Nu Lon ma, gəlee kaa pai kɛi.