Maafîu 27:41 - Yálá laawoo hɛɓɛ (dc)

⁴¹ Ɉaláá laa həli nuą kpɛa-kpɛa nwun nąmįnąɠaa da tɔ́n galamɔ̨ɔ̨ɠaa ə mą kɛ Ɉuifə kalaɉonɉaa di kɛi yɛlɛ Jesus ɓa, diɛ kɛ mą:

Yálá laawoo hɛɓɛ

⁴¹ Ɉaláá laa həli nuą kpɛa-kpɛa nwun nąmįnąɠaa da tɔ́n galamɔ̨ɔ̨ɠaa ə mą kɛ Ɉuifə kalaɉonɉaa di kɛi yɛlɛ Jesus ɓa, diɛ kɛ mą:

Bible

⁴¹ Zâla láa soŋ-ƃela kpaya-kpayai, gɔlɔ-pɔ̃yɛ-ƃelai da ǹúu-pɔlɔ-ŋai dia máŋ dí ɣɛ́lɛ-maa kûla gbonôi berei-sii tɔnɔi tí su, dîyɛɛ m̀a,

Maafîu 27:41 Referans Kwoze

Mąątɛ̨nɛ̨ 35:26

Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Lukə 23:35

Nu kpului tii kəlee di kɛ tɔɔ ni di ɲɛ̨i həɛ laa. Ɉuifə kalanɉonŋąa diɛ yɛlɛ kulɔ Jesus hu, diɛ kɛ mą: «Aa kɛ nu tamąą nwun mąąɓo, ə gbɔwɔ nwun mąąɓo kani kɛa, akɛ Nwun mąąɓomun Yálá ə naakwɛlanmo, yii ɲɛɠɛɛ ɉu yaa li.»

Lukə 22:52

Yili pulu, Jesus ə mo nuą tii pa ɉon ɉii diɛ, ɉala laa həli nuą kpɛa-kpɛaa, ə mą kɛ Yálá hee pɛlɛ́ mɛ̨i kaa nuą nwun nąmu, da nɔi kalanɉonŋąą diɛ, yɛ diɛ: kaa pa a ɓɔwa kwɛaɠaa da gbɔnŋąą yɛ da kɛi pa nwuɔ̨mun ɉon ɉi.

Lukə 18:32

Nuąi di hvo laa li Yálá la di kaa pai dɛɛi di pɔ, di yɛlɛ kulɔ ɉu, di mɛlɛkpɛɛmą, diɛ di laayá pu mą.

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Azaya 28:22

Ka hvo kɛa tɔɔ yiihu, kaa kɛ ka káá yɛlɛmąą kɛi, di hvo pa ka yili yɛli hu yala kaa; mąąhɔlɔɓo, ŋąą mɛ̨n Nąmu Yai-Laa Mɛ̨nį Kəlee ŋą Hééɓomun la, yɛ a nɔi nąą kəlee kala mɛ̨nį gili tee gwəi.

Zôo 13:9

A ka hukɔɔn gɛ, ə li tɛ̨ą kaa? Ka gɔlɔn kaa, di hva Yálá ɓowo, yɛ bələi da nu kan mowo la?

Maafîu 27:40

«Yɛ́i kɛi kɛ diɛ ya Yálá hee pɛlɛ́ pu ə́ pənə ə́ dɔɔ hvóló haaɓa yee mu, ə́ kpɔɔ ɓalo wɛ! Yɛ́ kpinįi. Akɛ Yálá Lon mąą a yɛ́, ə́ kpɔɔ kulɔ wɛ golɔwa ɓa ə́ hvilɛn.»

Maafîu 27:42

«Aa nu tamąą nwun mąąɓo, ə kpɔɔ nwun mąąɓo kan kɛa; gaa a Israɛlə tɔɔmun, ə kpɔɔ kulɔ kan kolɔwa ɓa ə hvilɛn, a gɛ tii, kwa laa ə la.