Maafîu 27:30 - Yálá laawoo hɛɓɛ (dc)

³⁰ Diɛ di laayá taɠa mą, di veen gbaɠai tii kulɔ ɲəi, diɛ gɛlɛ nwuɔ̨.

Yálá laawoo hɛɓɛ

³⁰ Diɛ di laayá taɠa mą, di veen gbaɠai tii kulɔ ɲəi, diɛ gɛlɛ nwuɔ̨.

Bible

³⁰ Nya ƃe dí díla-ya pù m̀a, dí gbaloi kúla ǹyêei, dí ǹokwa la ŋ̀uŋ ḿâ.

Maafîu 27:30 Referans Kwoze

Azaya 50:6

Nuąi kɛi gɛ́lɛ ŋą́ ɉeą lɛ diɛ, Nuąi kɛi gbɛ́lɛ kulɔ a ɉamu, ŋį́ nɛ̨́ŋɛ̨n nɛɛ di yəi, nuąi kɛi nálan, diɛ di laayá pili ɲɛ̨́i, və́ ɲɛ̨́i kulɔ di laa mu.

Maafîu 26:67

Yili pulu, daɠaa diɛ di laayá taɠa ɲɛ̨ilaai, daɠaa diɛ duwɔ a di yee kpun, daɠaa diɛ nwun nowa.

Markə 15:19

Yili pulu, diɛ gɛlɛ nwun ma a hveen gbaɠa, diɛ di laayá taɠa mą, diɛ pu di kpəlin na, diɛ kwəli hvilɛn mą.

Azaya 53:7

Di naanɔ̨nwɔ̨ ɓo, kɛlaa ə gbɔwɔ mąąyɛɛ, pələ ta hvo kulɔ na, ə kɛ yɛ ɓɛlaa lon di kaa lii baai, yɛ ɓɛlaa haai gaa nəɠa tee nuą yəi, naa pilaa lɔ kɛ, hvaa hvo kulɔ na.

Mise 5:1

Ɛlɛɛ yɛ́, Bɛtleɛmə Ɛfrata, yɛ́i hvó a taa lon Ɉuda taaɠaa lɔwai, ə́ kwəi ɓə Israɛlə ɲąąwooɓomun, gaa pai kulɔi laa, a nwɔ́ nui; yai kpala tɔɔi hvo mą.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Azaya 52:14

Gɛ pələ ə nuą mąąɲɔw, mąąhɔlɔɓo, ɲɛ̨ilai hvo kɛa kɛ kulɔ li nu ɓa, ɲɛ̨ilai ɉee pələ ɲɔ̨nwɔ̨ pələ ɓa.

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Markə 10:34

Yiliɠaai di yɛlɛ kulɔ ɉu, diɛ di laayá pili mą, diɛ gɛlɛ a hvaɠa. Da baa kɛa, hvóló haaɓa tɛɛ pulu a pənə ə kulɔ haaɓɛlaa lɔwai, ə kɛ a vúlu.»

Markə 14:65

Nu taɠaa di nɛ̨ɛ̨mą diɛ di laayá taɠa ɲɛ̨i. Di ɲɛ̨i yili a həɠə ɓɛla ta, diɛ di yee kpun gɛ, diɛ gɛlɛ la; diɛ kɛ mą: «Nui ə́ kɛlɛ, naa ɓo kuɔ?» Yili pulu, holahiɠaa di Jesus hon, diɛ gbɔnwɔ̨nɔ̨n nwuɔ̨.