Maafîu 27:27 - Yálá laawoo hɛɓɛ (dc)

²⁷ Nąąlɔwai, Pilatə nwɔ holahiɠaai də li a Jesus gwəli hɛ̨ąąi. Ɉolahiɠaa kəlee di Jesus mąą tinɛ̨n.

Yálá laawoo hɛɓɛ

²⁷ Nąąlɔwai, Pilatə nwɔ holahiɠaai də li a Jesus gwəli hɛ̨ąąi. Ɉolahiɠaa kəlee di Jesus mąą tinɛ̨n.

Bible

²⁷ Gɔmɛnɛ-nuu kɛ́tɛi ŋɔkɔ-kuluƃa-ŋai dí lì a Zîsɛ bɛ́rɛ kɛ́tɛi mu, da kɛ̂ ma pelatôliai, gɔkuluƃa-kpului su-ƃelai kélee dí díŋa tɛ̀ m̀a ŋ̀ɛi tuɛ.

Maafîu 27:27 Referans Kwoze

Ɉaan 18:33

Pilatə ə li ə hee ɲəi dɔɔ kpəlin ɉu, ə Jesus təli ə mąąni kɛ, yɛ mą: «Ɉuifəɠaa di wɔ tɔɔmun ɓaa yɛ́?»

Ɉaan 18:28

Yili pulu di həɠə a Jesus Kaifə pɔɔli, di li la gbahalanamą yəi gwəli, yələ ɓoɔ li kɛa kɛ. Di hvo gɛ di hvo lɔ, ə gɛ, di mąą hvo pa liɓi pakə kɔ̨nɔ̨n mį́i mɛ̨nį ɓa.

Gɛlaɠaa 10:1

Hulɔnu ta ə kɛ Sesare daai, diɛ kɛ mą: Kɔrnɛyɛ. Ə kɛ a Romə kɔlaɠai da kɛ mą: «Italikə» nwun nąmu kɛnɛ̨ ta.

Gɛlaɠaa 23:35

yɛ mą: «Ɓɛlɔwai ə́ mąą ɲąɓa lɔ nuą da paa la, gáá pai ə́ mąąni kɛi nąąlɔwai.» Ə mo di Polə laa Herodə yəi dɔɔ pɛlɛ́ mu.

Gɛlaɠaa 27:1

Ɓɛlɔwai di mo la diɛ ku tɛ gələn ɉu kwəli Itali lɔi hu, di Polə da gaho nąmįną takpɛliɠaa tɛɛ holahi nwun dɔ̨nɔ̨ nwun nąmu pɔ, diɛ kɛ mą Ɉuliusə, a gɔ́laɠai di kɛli kɛ mą, Augusta, ɉu yalanąmu ta.

Ɉaan 18:3

Ɉudasə ə tɔɔ holahi kpulu ɲɛ̨i tɔwɔ da galidəɠaai, ɉaláá laa həli nuą kpɛa-kpɛa da Farisiɛ̨ɠaa ɓə di tɔɔ tii, da diɛni də li nɔw yɛa tii ɓa. Kpalan di ɓo di yəi, labon, ɛlɛɛ, da kwɛli hɛnŋąą.

Maafîu 26:3

Nąąlɔwai, ɉaláá laa həli nuą kpɛa-kpɛaɠaa, da Ɉuifə hulɔgoloɠaa di di ɲąąkpɔn Kaifə nwɔ tɔɔ kwəlii hu, ə gɛ, di Jesus hon mɛ̨nį mąą nwun dɔɔ kɛ.