Maafîu 27:24 - Yálá laawoo hɛɓɛ (dc)

²⁴ Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Yálá laawoo hɛɓɛ

²⁴ Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Bible

²⁴ Mɛni ma, tãi Pâle è gàa la a gɛ́ɛ va pɔ̂ri mɛni da kélee kɛ̂i, kɛ́lɛ, nyó-yoi su è kɛ̀ nɔ́ kɛ́tɛ̂i, è yá sìɣe é ǹyée ŋá wáa gbɔŋ-su-ƃelai ŋɛ́i-tuɛ, ǹyɛɛi, “Ńyee fé ǹúui ŋí paa mɛni su. Kámaa-mɛni ká tí.”

Maafîu 27:24 Referans Kwoze

Maafîu 27:4

«Ŋą́ą́ nɛ̨ŋɛ̨n ɉəɠə mun, mąąhɔlɔɓo, nui hɔn və mą ŋą́ą́ dɛɛ diɛ li baai.» Kɛlaa, yiliɠaai di mo mą diɛ mą: «Ku mąą kpaan və ɉu! Ə́ kpɔɔ mɛ̨nį li.»

Mąątɛ̨nɛ̨ 26:6

Gáá ɲə́i waai, gɛ́ nwɔ́ kwəi kwələlaa lɛ la, əgɛ, gɛ́ pɛli kɛa haláá kulɔi yɛ́ Yai-Laa.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Maafîu 26:5

Di kɛi kɛ diɛ: «Mąą honɛɛli, gu hvo ɉon a ɉɛli yələ, ə gɛ, nuą di hvo pa di muhəɠə gu laa ɓa.»

Gɛlaɠaa 3:14

Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

Ɉaan 19:4

Pilatə ə pənə ə kulɔ ɲɛ̨nɛ̨ɛ̨ yɛ Ɉuifəɠaa diɛ: «'Ka tɔɔ, ŋį́ paa la, ə gɛ, ka gɔlɔn kaa və́ hɔn nɔpee ta kaa li mą.»

Maafîu 27:54

Nɔi kpɛlinɉąą, da mɛ̨nįɠaa tii kɛɛpulu, ɉolahi nwun nąmu da nwɔ holahiɠaai ŋɛ̨i kɛi di ɲɛ̨i kɛ Jesus ɓa, di yiliɠaai kaa di ɲɔ̨w kpɔ kɛnɛ̨, diɛ kɛ diɛ: «Nui ŋɛ̨i ə kɛ kpɔ a Yálá Lon a tɛ̨ą.»

Maafîu 27:9

Yili ə kɛ tii, ə gɛ, mɛ̨nįi Yálá kwəi mɛ̨nį hukulɔ mun Ɉeremi ə mo, bɔ mɛ̨nį ə kɛ; yaai ə kɛ la mą: «Nwali kwələ pow haaɓai ŋɛ̨i Israɛlə nuą kəlee di hvaamą di ɲa la, di ɉəɠə,

Ɉeremi 2:35

Ə́ kaa kɛi diɛ: «Ɉɔ́n və ɉu, nwɔ liiholi kaa pai hvólói mą́ą́.» Kɛlaa vílɛn ŋaai ə́ pulu a kiti. Gbalai tɔɔ, yáá kɛ diɛ: «Ɉɔn ve ɉu!»

Ɉeremi 2:27

Da kɛ wulu ɓa: «Ku nąn maa yɛ́!» Diɛ kɛ kwɛni ɓa: «Yɛ ɓə ku kulɔ yɛnɛ̨ɛ̨!» Ɲą́ą́ ŋɛ̨i nwɛi, di kpowolo la ɓə da ɉee mą́ą́, di hvo di ɲɛ̨i heei mą́ą́. Kɛlaa, yaa lɔ ɓaa mąąwɛli mɛ̨nį a həli diɛ, di woo laa mą́ą́: «Əkə! Nan! Ə muhəɠə, ə́ ku ɓalo!»

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Maafîu 27:23

Pilatə yɛ diɛ: «Mɛ̨nį ɲɔ̨n nə kɛ ɓə ə gɛ?» Nuą tii kəlee di tómą kpɔ a di woo kɛnɛ̨, diɛ mą: «Gbanwo! Gbanwo kolɔwa ɓa! Ə haa.»

Ɉaan 13:9

Simɔn Piɛrə yɛ mą: «Akɛ yili kaa tii, Ną́mu, gɔ́wɔ́ lɔ hvəə, kɛlaa, nwún da ɲééɠaa mąąwaa!»