Bib sou entènèt

Maafîu 27:19 - Yálá laawoo hɛɓɛ (dc)

¹⁹ Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Gade chapit la Kopi

Yálá laawoo hɛɓɛ

¹⁹ Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Gade chapit la Kopi

Bible

¹⁹ Gɛ́ɛ see ni ŋɔmɛni-saa-ƃo see-sɛŋ ŋái, ŋɔnɛnîi è worɛ̂ɛ tɛ̀ɛ bɔ-naa, ǹyɛɛi, “Ífe mɛni da kɛ̀ a dɔ̃yâ-nuui tí, kpɛ́ni fêi, ŋá sâa mɛni-soli támaa kàa nyiî pere m̀ɛni ma.”

Gade chapit la Kopi

tounen moute ⬆

Maafîu 27:19
28 Referans Kwoze

Maafîu 27:24

Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Piɛrə dɔlɔɔ 2:22

Yaa tii hvo nɛ̨ŋɛ̨n ɉəɠə li, nu ɓowo woo hvo kulɔ li na,

Ɉaan 19:13

Nwooi tii mɛ̨n Pilatə ə mo, ə Jesus kulɔ ɲɛnɛ̨ɛ̨, Pilatə kpinįi ə li ə hee kiti tee kpəlin ɉu, ɓɛi da kɛ mą: kɛɛnąą muhəɠɛɛ, Ɉuifə woo hu, da kɛ mą: Gabata.

Lukə 23:47

Mɛ̨nįi tii gɔ́kulaa nwun nąmui tii ə gaa, ə nɛɛ ŋąąɓa ə mąąwiɛ tɛɛ Yálá pɔ, yɛ diɛ: «A tɛ̨ą, hɔn və kɛ ɉulɔnui ŋɛ̨i ɓa.»

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Zɔ̂ŋ Maa-ŋuŋ 2:1

Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Maafîu 27:4

«Ŋą́ą́ nɛ̨ŋɛ̨n ɉəɠə mun, mąąhɔlɔɓo, nui hɔn və mą ŋą́ą́ dɛɛ diɛ li baai.» Kɛlaa, yiliɠaai di mo mą diɛ mą: «Ku mąą kpaan və ɉu! Ə́ kpɔɔ mɛ̨nį li.»

Maafîu 2:22

Kɛlaa, ɓɛlɔwai Ɉosɛfə ə mɛ̨n na, diɛ kɛ mą, Arselausə ɓə hee Ɉude lɔi nwun na a tɔɔmun, a nąn bɔɔi, ə ɲɔw, hvo li laa. Yálá ə niɛwoo ɓo hįį pələ yɛ mą: 'Li Galile lɔi hu.

Maafîu 2:19

Herodə haa pulu, Ɉosɛfə ə Yálá nwɔ malaka ta kaa hįį pələ, Eziptə lɔi hu,

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Zɛnɛse 31:29

Ɉə kaa mą́ą́ ŋį́ mɛ̨nį ɲąąnwąnąą laa kaa, kɛlaa, ə́ nąn nwɔ Yálá ə háá mɛ̨nį ɓo mą́ą́ kpinįi, yɛ mą́ą́: ‹Hvó kɛ ə́ kaa mɛ̨nį ta kɛi a Ɉakɔbə.›

Zɛnɛse 31:24

Kɛlaa, kpinįi, Yálá ə gbɔwɔ lɛ Aramə mun Laban ɓa hįį pələ, yɛ mą: «Hvo kɛ ə́ kaa mɛ̨nį ɲɔ̨n gɛi a Ɉakɔbə.»

Lukə 23:41

mɔ̨nɔ̨i ŋɛ̨i gu kaa mįi gu nu hveelɛ, gu kaa mįi, guɔ túwɔ́ pələ ɲɔ̨n vɛla li, kɛlaa, nwɛi, hvo kɛ mɛ̨nį ɲɔ̨n nɔpee ta kɛ li.»

Zɛnɛse 31:11

Ɉįį tii hu, Yálá nwɔ malaka yɛ mą́ą́: ‹Ɉakɔbə! Ŋą́ hvaa.›

Maafîu 27:18

Mąąhɔlɔɓo, Pilatə ə gɔlɔn yɛ nuą tii di Jesus hon a tolo, diɛ paa la bɔ.

Gɛlaɠaa 12:21

Mąą yələ həliɛ, Herodə ə nwɔ tɔɔ həɠəi too gwąną, ə hee dɔɔ kpəlin ɉu. Ɛlɛɛ, gɛɛ bələ ɓoi nuą diɛ,

Gɛlaɠaa 18:12

Galiɔn nwɔ ɲąąwooɓo yələ, Akaiə lɔi hu, Ɉuifəɠaa di wɔɔ yowolaa ə hvilɛn Polə ɓa, di ɉon di li la gití haɠa ɓa.

Gɛlaɠaa 18:16

Ə di kpɛ gití pɛlɛ́ mu.

Gɛlaɠaa 18:17

Nąąlɔwai, di kəlee di wolo Sostɛnə ɓa, yai a Yálá hvɛli pɛlɛ́ nwun nąmu, di ɉu gɛlɛ laa gití pɛlɛ́ laaləi. Galiɔn ɲɛ̨i hvo mąn kɛ nąą bələ.

Gɛlaɠaa 25:6

Lɔwɔ tɔ̨nɔ̨ a wala kɛ ti, hvóló pow lɔ ɓə Fɛstusə da nuą ti di gɛ kee ɓa. Yili pulu, yɛ li Sesare daai. Ɉəliɛ, mąą yələ laa ɓoɔ, ə li gití tee pɛlɛ́ la, ə mo di pa a Polə.

Gɛlaɠaa 25:10

Kɛlaa Polə ə nwoo ɲąąpənə, yɛ mą: «Gití tee pɛlɛi ŋɛ̨i gáá mui, nɔi nwun nąmu nwɔɔ li, ɓɛ lɔ ɓə gáá lɛɛi laa, di gíti tee. Və́ kɛ mɛ̨nį ɲɔ̨n nɔpee ta kɛ li a Ɉuifəɠaa yɛ pələi yɛ́ kpinįi ə́ gbaɠala kaai la kpɔ hele-tətə.

Gɛlaɠaa 25:17

Ya ɓə, di lɛɛ bɔ́, kwa diɛni ku pa ɓɛ, və́ ɉu kwɛa, mąą yələ laa ɓoɔ, ŋį́ mo gɛ́ diɛ, di pa a ɉulɔnu kpɔ.

Swiv nou:

Lyen patwone

Piblisite

Piblisite