Maafîu 27:1 - Yálá laawoo hɛɓɛ (dc)

¹ Yələ wala pɔ, ɉaláá laa həli nuą kpɛa-kpɛa nwun nąmįną da Ɉuifə kalaɉonŋąą di di ŋąąkpɔn, ə gɛ, di Jesus paa.

Yálá laawoo hɛɓɛ

¹ Yələ wala pɔ, ɉaláá laa həli nuą kpɛa-kpɛa nwun nąmįną da Ɉuifə kalaɉonŋąą di di ŋąąkpɔn, ə gɛ, di Jesus paa.

Bible

¹ Ɣele-wala kɛ́ɛi, zâla láa soŋ-ƃela kpaya-kpayai kélee da ǹûai dínuu-pɔlɔ-ŋai dí díŋuŋ pîlaŋ a gɛɛ dí Zîsɛ paa.

Maafîu 27:1 Referans Kwoze

Markə 15:1

Yələ wala piinɛ̨ɛ̨, ɉaláá laa həli nuą nwun nąmįną da Ɉuifə kalanɉonŋąą, ə mą kɛ, dɔ́n galamɔ̨ɔ̨ɠaa da tɔ́nvili nąmįną kəlee di di nwun dɔɔ. Yili pulu, di Jesus hon di ɲili, də li di dɛɛ Pilatə pɔ.

Ɉaan 18:28

Yili pulu di həɠə a Jesus Kaifə pɔɔli, di li la gbahalanamą yəi gwəli, yələ ɓoɔ li kɛa kɛ. Di hvo gɛ di hvo lɔ, ə gɛ, di mąą hvo pa liɓi pakə kɔ̨nɔ̨n mį́i mɛ̨nį ɓa.

Lukə 22:66

Yələ ɓɔɔ kɛa, Ɉuifə kalanɉonŋąą da ɉalaa laa həli nuą kpɛa-kpɛaa, ə mą kɛ dɔ́n galamɔ̨ɔ̨ɠaa di di ŋąąkpɔn, di li a Jesus tɔ́n vili nąmįną lííla.

Mise 2:1

Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Mąątɛ̨nɛ̨ 2:2

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Gɛlaɠaa 5:21

Di lɛɛ nwoo pulu. Yələ ɓɔi lɔwai, dəli Yálá hee pɛlɛ́ mu, diɛ nuą kalan. Ɉaláá laa həli mun gɛnɛ̨ ə pa, yaa da ɲee pɔ nuą, di tɔ́n vili nąmįną təli nwun dɔɔ hu, di gɛlaɠaa kulɔ gaho pɛlɛ́ mu di paa a diɛ Israɛlə nuą di wɔ ɲąąkpɔn gɛnɛ̨ɛ̨ hu.

Samuɛlə dɔlɔɔ 19:11

Saulə ə nuą tɔɔ Davidə yəi bɛlɛ́n, ə gɛ, di naa maahɛŋi di baa yələwala pɔ. Davidə nɛ̨ą Mikalə ə ɉilɛ wəli lon doo ɉu, yɛ mą: «Ya wala ə́ nwun mąąkilɛ gbinįi ŋɛ̨i hu, da tínąą ə́ paa.»

Nwun mąąɓo 16:2

Gaza nuą di bələ mɛ̨n diɛ Samsɔn aa pa di pɔɔ li, di hiɛ daa kwəi diɛ gwɛli, di nuą tɔɔ ɉįi la, diɛ nąą mąą hɛn. Di mo di kee ɓa, diɛ mą: «Ka gu yələ ɓoɔ mąą kpɔn, gu pa baa nąąlɔwai.»

Mąątɛ̨nɛ̨ 31:13

Da lɛ̨ą mą́ą́, yɛ haamun, yɛ haamuŋ gili aa kpɛɛ nuą ɲą gɛ́ pələ kaa lɔ kɛa yɛ pili hɛn.

Mąątɛ̨nɛ̨ 71:10

Mąąhɔlɔɓo, ɲówoɠaa kaa dɔąɓoi, nuąi kɛi mą́ą́hɛn, daa kili mą́ą́.

Lukə 13:1

Nąąlɔwai tii hu, nu taɠaa di pa, diɛ Galile nuą mąą mɛ̨nį hukulɔ Jesus ɓa, diɛi ŋɛ̨i Pilatə ə di paa, ɓɛlɔwai di kɛi ɉala kulɔ la Yálá ɓa.