Maafîu 26:67 - Yálá laawoo hɛɓɛ (dc)

⁶⁷ Yili pulu, daɠaa diɛ di laayá taɠa ɲɛ̨ilaai, daɠaa diɛ duwɔ a di yee kpun, daɠaa diɛ nwun nowa.

Yálá laawoo hɛɓɛ

⁶⁷ Yili pulu, daɠaa diɛ di laayá taɠa ɲɛ̨ilaai, daɠaa diɛ duwɔ a di yee kpun, daɠaa diɛ nwun nowa.

Bible

⁶⁷ Nya ƃe dí díla-ya pù ŋ̀ɛ́i, dí dua, ǹúui da-ni dí ǹókwa a díyee,

Maafîu 26:67 Referans Kwoze

Azaya 50:6

Nuąi kɛi gɛ́lɛ ŋą́ ɉeą lɛ diɛ, Nuąi kɛi gbɛ́lɛ kulɔ a ɉamu, ŋį́ nɛ̨́ŋɛ̨n nɛɛ di yəi, nuąi kɛi nálan, diɛ di laayá pili ɲɛ̨́i, və́ ɲɛ̨́i kulɔ di laa mu.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Ɉaan 18:22

Moi Jesus ə mo tii, galidə tɔ̨nɔ̨ ə nwun nowa, yɛ mą: «Bələ ɓə ya ɉaláá laa həli mun gɛnɛ̨ woo pulu pənə la?»

Maafîu 27:30

Diɛ di laayá taɠa mą, di veen gbaɠai tii kulɔ ɲəi, diɛ gɛlɛ nwuɔ̨.

Markə 14:65

Nu taɠaa di nɛ̨ɛ̨mą diɛ di laayá taɠa ɲɛ̨i. Di ɲɛ̨i yili a həɠə ɓɛla ta, diɛ di yee kpun gɛ, diɛ gɛlɛ la; diɛ kɛ mą: «Nui ə́ kɛlɛ, naa ɓo kuɔ?» Yili pulu, holahiɠaa di Jesus hon, diɛ gbɔnwɔ̨nɔ̨n nwuɔ̨.

Maafîu 5:39

Kɛlaa, nwɛ́i gáá moi kaa, nui a mɛ̨nį ɲɔ̨n gɛ a kaa, ka hvo ka nwąną kulɔ mą. Nu a ə́ ɓa-mįi-yee wəli lɔwa, kɔ́ɓɛyee wəli tinɛ̨n ə nowa.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Ɉaan 19:3

Di lɛɠɛ kɛa ma diɛ kɛ mą: «Ɉuifəɠaa di wɔ tɔɔmun, ə́ yii kpɛli!» Yili pulu diɛ nwun nowa.

Markə 15:19

Yili pulu, diɛ gɛlɛ nwun ma a hveen gbaɠa, diɛ di laayá taɠa mą, diɛ pu di kpəlin na, diɛ kwəli hvilɛn mą.

Woolaa 3:30

'Ə́ nwəli lɛɛ nowa mun ɲəi, ə niikpələ lalan ɲəi.

Azaya 52:14

Gɛ pələ ə nuą mąąɲɔw, mąąhɔlɔɓo, ɲɛ̨ilai hvo kɛa kɛ kulɔ li nu ɓa, ɲɛ̨ilai ɉee pələ ɲɔ̨nwɔ̨ pələ ɓa.

Korɛntə dɔlɔɔ 4:13

Da ku laa kala, kuɔ di liilaa, gwa mo kpɔ tii, ku kaa kpɔ háá ɓa háá, a hɛn da bili túlún ŋą, yɛnɛ̨ɛ̨ nu kan gəlee ɲɛ̨i ɓa.

Markə 10:34

Yiliɠaai di yɛlɛ kulɔ ɉu, diɛ di laayá pili mą, diɛ gɛlɛ a hvaɠa. Da baa kɛa, hvóló haaɓa tɛɛ pulu a pənə ə kulɔ haaɓɛlaa lɔwai, ə kɛ a vúlu.»

Mise 5:1

Ɛlɛɛ yɛ́, Bɛtleɛmə Ɛfrata, yɛ́i hvó a taa lon Ɉuda taaɠaa lɔwai, ə́ kwəi ɓə Israɛlə ɲąąwooɓomun, gaa pai kulɔi laa, a nwɔ́ nui; yai kpala tɔɔi hvo mą.

Woolaa 3:45

Yáá ku kɛ a kala, Yáá ku pili túlún ŋą hį́i takpɛliɠaa lɔwai.

Ɉeremi 20:2

Pasehurə ə pɛlɛ Yálá kwəi mɛ̨nį hukulɔ mun ɓa a hvaa. Ə mo di Ɉeremi yili Bɛnɉamɛn nwɔ kpon ɓa, di doo kpɔ̨nɔ̨ ŋą, Yai-Laa nwɔ pɛlɛ́i laaləi.

Tɔɔɓɛlaa dɔlɔɔ 22:24

Nąąlɔwai, Kenaana lon Sidkiyahu ə nɛɛ mą, ə Mise laa lɔwa, yɛ mą: «Mįnɛ̨ pələ ɓə Yai-Laa nwɔ Kilii ə kulɔ la ɉú, yɛ mɛ̨nįɠaa ŋɛ̨i ɓo yɛ́?»

Dutɛrɔnome 25:9

A mo tii, dɔwɔlee kaa pai lɛɠɛi mą galanɉonŋąą ɲɛ̨i ɓa, ə ɉulɔnui nwɔ gbakwɛakwɛai kulɔ gɔwɔ ŋą, ə naa ya taɠa ɲɛ̨i, yili pulu, yɛ diɛ: «Bələi da gɛ la a nui hva pənə hvo nąn non nwɔ pɛ́lɛ́i tɔɔ, bələ ka tii.»

Lonon mo 12:14

Nąąlɔwai, Yai-Laa ə mo Moisə ɓa, yɛ mą: «Akɛ nąn a naa ya taɠa kɛ ɲɛ̨i, nwumɛ̨ hvo li mɔ̨ɔ̨ tɛ la hvóló mɛ̨ihveelɛ yee mu? Yili ɓa tii, ka gulɔ ka lɔwai, ə hvóló mɛ̨ihveelɛ kɛ daa pulu, yili pulu, a pɛli ə pənə ə tɛ taai.»

Maafîu 26:68

Diɛ kɛ mą: «Akɛ Nwun mąąɓomun Yálá ə naakwɛlanmo a yɛ́, nui ə́ kɛlɛ naa ɓo kuɔ.»