Maafîu 26:39 - Yálá laawoo hɛɓɛ (dc)

³⁹ Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Yálá laawoo hɛɓɛ

³⁹ Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Bible

³⁹ Nya ƃe è zu kùla dîa é lí a guro, é ŋ̀uŋ mâ pîlaŋ é Ɣâla fɛli, ǹyɛɛi, “Ńâŋ, à kɛ̀ pɔ̂ri à kɛ̀ naa, nɛ̀ɛ naa gbele-kɔɛi ŋí é tɛ́ɛ ḿâ. Kɛ́lɛ, ńîa-mɛni fêi fɛ̂ɛ ínîa-mɛnii é kɛ́.”

Maafîu 26:39 Referans Kwoze

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Filipə 2:8

Ə gbɔwɔ mąą yɛɛ, ə lɛɛ woo mu laa kɛ, ə lɛɛ ɉu, ə haa la, ə haa kpɔ la ɓa.

Maafîu 26:42

Jesus ə pənə ə li a veelɛnąą, yɛ Yálá hvɛli yɛ kɛ mą: «Ną́n, akɛ mɔ̨nɔ̨ ŋɛ̨i hva pɛli hvólói mą́ą́, hvo kɛli lɔ a həli mą́ą́, bələi ə́ kaa la bɔ, ə kɛ tii a ɲą́ą́.»

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Ɉaan 5:30

Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

Ɉaan 14:31

Kɛlaa, gaa pai, ə gɛ, yɛnɛ̨ɛ̨ nuą di gɔlɔn diɛ Ną́n Yálá wɛli kaa mą́ą́, ə lɛɛ, yii lɔpee aa mo mą́ą́, ya ɓə ŋį́ gɛ. Ka həɠə gwə li.»

Ɉaan 18:11

Jesus yɛ Piɛrə ɓa: «Ə́ wɔ ɓɔwai lɔ daai. Gbələ kɔ́wɔi Ną́n ə dɛɛ bɔ́, yɛ́ və́ gbə́lə la?.»

Ɉaan 11:41

Nuą di gwɛni həɠə gámą la. Jesus ə ɲɛ̨i tɛ ɲələi yɛ mą: «Ną́n Yálá gáá ə́ hɛɠɛ ɓoi, mąąhɔlɔɓo, ya nwóó mɛ̨n.

Maafîu 20:22

Jesus ə nwoo ŋąąpənə yɛ mą: «Yii ka káá vɛɛli ka hvo gɔlɔn. Mɔ̨nɔ̨i gáá pai mįi ka pɛli ka mįi?»

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Izikiɛ 1:28

Ə kɛ yɛ gbəimiliin, yai a laa tulɔ kpinįn dɔwɔ, a tulɔ pu yələ. Gɛɛ pɔ̨nɔ̨i tii kɛ naa kwɛlɛ kəlee, gɛ pələ ka tii kɛ. Yai-Laa nwɔ mąąwiɛ gulɔ mąą, da gɛ pələ ka tii kɛ; ŋą́ nąą kaa, ŋą́ pɛlɛ níí ɓa, nɔi ɓa, ŋą́ woo ta mɛ̨n yɛ pələ ɓo mą́ą́.

Samia Veerɛi 15:26

Kɛlaa, a kɛ Yai-Laa hvó bɔ́, ə́ ɉón yɛ bələi a laa la a nii.»

Lonon mo 14:5

Israɛlə lonnii kəlee ɲąąkpɔn ŋąą kɛ, Moisə da Aarɔn di pɛlɛ di kɔ́wɔ mu.

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.

Kɔlɔnikɔ Maa-ŋuŋ 21:16

Davidə ə ɲɛ̨i tɛ ɲələi, ə Yai-Laa nwɔ malakai kaa, yɛ ɓo yələkɔlɔn da lɔi di lɔwai, kɔ-kɔ ɓɔwa ə ɓo ɲəi gulaa daa hu; Aa mowa ɲɛ̨i haŋą Ɉerusalɛmə taa ɓa pələ. Davidə da nɔi kalanɉonŋąą kəlee, di ɓíi haɠa too di kwaną, di pɛlɛ lɔi ɓa.

Zɛnɛse 17:3

Abramə ə nɛɛmą, ə pɛlɛ nɔi ɓa, Yálá yɛ mą:

Gɛlaɠaa 10:25

Piɛrə kɛɛ pai, Kɔrnɛyɛ ə pa, ə nɛ̨nɛ̨ɓo, ə pu nwungbəla, a mąąwiɛ pələ.

Lukə 17:16

Ə pa ə pɛlɛ Jesus kɔ́wɔ mu, ə ɉɛɠɛɛ ɓo. Ɉulɔnui tii ə kɛ a Samari mun.

Markə 13:22

Mąąhɔlɔɓo, lɛɛ Kristə tamąą, da lɛɛ kɛla tamąąɠaa di kaa pai kɛi kpalo mɛ̨nįɠaa, da kwəi pili mąą mɛ̨nįɠaa kɛi, akɛ di yee a lɔ, nuąi Yálá aa di həɠɛɛ ɉu, di kili ɲąąpɛlɛ.

Azaya 50:5

Nąmu Yai-Laa, ə nwə́li wolo laa ɓo, ɛlɛɛ ɲą́ą́n və́ gwɛli tee ɲəi, və́ bulu tɔɔ mą.

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Ɉaan 5:19

Kɛlaa Jesus ə pənə ə mo diɛ yɛ diɛ: «A tɛ̨ą, tɛ̨ą kpɔkpɔɔ, gaa moi kaa: Lon va pɛli mɛ̨nį lɔpee ta kɛi bɔɔ ɓa, yii hvo nąn gaa li yɛ gɛ; mąąhɔlɔɓo, yii lɔpee Nąn a gɛ, Non yaa kpɛli mąn a ɲɔ̨nwɔ̨mąn gɛ lɔ.