Maafîu 26:26 - Yálá laawoo hɛɓɛ (dc)

²⁶ Ɓɛlɔwai di kɛi di kɔ̨nɔ̨n mį́į́ la, Jesus ə nɛɠɛ həɠə gbɛɛ kɛa a Yála hɛɠɛɛɓoɔ, ə ɉu tee-tee, ə ɲą́ą́ kwɛlɛ nwɔ kalan nɛai diɛ, yɛ diɛ: «Ka nɛɠɛi ŋɛ̨i hon kaa mįi. Ɲą́ą́ gɔ́lɔ li.»

Yálá laawoo hɛɓɛ

²⁶ Ɓɛlɔwai di kɛi di kɔ̨nɔ̨n mį́į́ la, Jesus ə nɛɠɛ həɠə gbɛɛ kɛa a Yála hɛɠɛɛɓoɔ, ə ɉu tee-tee, ə ɲą́ą́ kwɛlɛ nwɔ kalan nɛai diɛ, yɛ diɛ: «Ka nɛɠɛi ŋɛ̨i hon kaa mįi. Ɲą́ą́ gɔ́lɔ li.»

Bible

²⁶ Díkɛɛ dílaa miî, Zîsɛ è kpólo síɣe é lûwa tòo, é zu ɣále é dɛ́ɛ ŋɔpôlu-ƃelai pɔ, ǹyɛɛ diai, “Ka miî, ŋ́gbonôi ká ŋí.”

Maafîu 26:26 Referans Kwoze

Gɛlaɠaa 20:7

Nɔwɔ nwɔ hvoló dɔlɔɔ yələ, ku ɲąąkpɔnŋąąi kɛ nɛɠɛ mįi mɛ̨nį ɓa, yii Polə ə kɛli pa lii a mąą yələ laaɓoɔ, ə kɛli galan nɛa kalan, ə lamun gbɔ pələ ɓoi diɛ, ə lɛɛ ɉu kwii hąą ə mɛlaɓo.

Korɛntə dɔlɔɔ 10:4

ɛlɛɛ, di kəlee di di kpələ a Yálá-taa yá, Yálá-taa kwɛnii kɛ di pulu, Kristə li kɛ, yai di kpələyá ə kɛi kulɔ ɉu.

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Lukə 24:30

Di kɛɛ yələ wilii laa mį́į́ kɛi da Jesus ni, Jesus ə Yáláhɛɠɛɛɓo nɛɠɛ tii mąą mɛ̨nį ɓa, ə ɉu tee ə nu kəlee nwɛi tɛɛ pɔ.

Markə 6:41

Yili pulu, Jesus ə nɛɠɛ lɔɔli huɠalə-ɠalə, ə dɛɛ nwɔ kalan nɛai pɔ, ə gɛ, di ɲąąkwɛlɛ nuą diɛ.

Maafîu 14:19

Yii kɛa di dɛɛ bɔ, ə mo diɛ yɛ diɛ: 'Ka mo nuą ŋɛ̨i diɛ, di kəlee di hee nɔi ɓa. Yili pulu, ə nɛɠɛ lɔɔli da Ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo. Yili pulu ə ɉu tee-tee ə dɛɛ nwɔ kalan nɛai pɔ, yɛ diɛ: Ka ŋąąkwɛlɛ nu kəlee ɓa.

Maafîu 26:27

Yili pulu ə gbələ kɔ́wɔ həɠə, ə Yálá hɛɠɛɛɓo, ə dɛɛ nwɔ kalan nɛai pɔ, yɛ diɛ: «Ka kəlee ka da kpələ.

Lukə 22:17

Yili pulu, ə gbələ hɛnɲąŋą həɠə, ə́ Yálá hɛɠɛɛɓo, yɛ diɛ: «Ka ɉon, nu kəlee ə da kpələ.