Maafîu 25:5 - Yálá laawoo hɛɓɛ (dc)

⁵ Yii kɛa di ɓɛlan ɉilɛ hvo kɛi pa ɉa, kpinį hu kwɛaa kɛa, yii ə tɛɛ a nɛ̨ɛ̨gbɛlaɠaa tii.

Yálá laawoo hɛɓɛ

⁵ Yii kɛa di ɓɛlan ɉilɛ hvo kɛi pa ɉa, kpinį hu kwɛaa kɛa, yii ə tɛɛ a nɛ̨ɛ̨gbɛlaɠaa tii.

Bible

⁵ Tãi ǹɛnî-kula-surɔŋ è tùa lai, nyii è tɛ̀ɛ a díkelee díkɛ ǹyii.

Maafîu 25:5 Referans Kwoze

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Lukə 20:9

Yili pulu, Jesus ə hanwon ɉɔɔ nu kpului tii ɓa yɛ diɛ: «Nu ta ə viɲə yɛa laa. Ə ɉəɠə ə dɛɛ nuą pɔ, diɛ goló kɛ. Yili pulu ə li hiɛ ɓa ə lamun laa.

Maafîu 24:48

Kɛlaa, akɛ a nui ɉɔn ɲɔ̨nwɔ̨ɔ̨, yɛ giliŋąhiɛ yɛ kɛ diɛ: ‹Nwɔ́ mɛ̨nį nąmu hvo pai pai ɉa.›

Lukə 12:45

Kɛlaa, akɛ, góló kɛmun tii a giliŋąhiɛ, yɛ kɛ mą: ‹Námu hvo pai pai ɉa.› Ə pɛlɛ kɛa mɛlaa koló kɛ nuą diɛ, yɛ di kɛlɛ, yɛ nąą mį́į́ yɛ pilɛ, yɛ gbələ yɛ ɓo a lɔɔ hon.

Maafîu 25:19

«Hvóló tamąą tɛɛ pulu, góló nąmu ə həɠə ɉiɛ ɓa ə pa, yɛ diɛ: ‹Nu kəlee ə pa ə gwɛlan mo.›

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Lomaŋ 13:11

'Ka ka keeni wɛli la kɛ, mąąhɔlɔɓo, nɔwai ŋɛ̨i gu kaa ɉu ka gɔlɔn. Ká ɲįnąąɓoi lɔwai ka. Hvó gaai, nwun mąąɓo mąą aa kpuɔ guɔ yiihu, ə tɛɛ la ɲələi gu laa la Kristə la, ɲələ ɓa.

Lukə 18:8

Gáá moi kaa, a di mąą mɛ̨nį ta ɓo kpɔlɔɔ tii ɉa. Kɛlaa, Nu Lon a pənə a pa lɔi mɛ̨i, gaa pai laa na laa kaai nuą yəi?»

Maafîu 26:43

Yili pulu, ə pənə ə pa, ə galan nɛa haaɓai tii kaa diɛ nwɔ̨nɔ̨ yii. Mąąhɔlɔɓo, yii yee aa kɛ kɛa tɛɛ diɛ.

Maafîu 26:40

Jesus ə pənə ə pa galan nɛa haaɓai tii pɔ, di ɓo laa ni diɛ yii. Ə́ mo Piɛrə ɓa, yɛ mą: «Ka hvo lɛɛ li a ka ɲɛ̨i a lɔwai logolo tiikpə kpɛli?

Wɛli 5:2

Ɲɛ̨́i pɛlɛɛ kɛ mą, Kɛlaa və́ kɛi yíi, ŋą́ nwɛ́likɛmąąmun tin mɛ̨n, yɛ gbon gɛlɛ, yɛ kɛ mą́ą́: Oo níiɓa nɛ̨ɛ̨non! Nwɔ́ wɛli! Nwɔ́ tonwələn gbɔlu! Ɲə́i hɛn gɔw! Nwɔ́ mɛ̨nį laahvɛɛ kəlee; Nwúɔ̨ yɔwɔɔ nii a yələɓɔi bɔ nąnąąn, nɛɲá hɛlɛn ŋąą ni nwún nəɠa ɓa.

Wɛli 3:1

Kpinii, ŋą́ kɛ laani ɲə́i gbinŋą, ŋą́ ɲéé hiɛ gwɛlɛ, və́ nwɛ̨́likɛmąąmun gaa, ŋą́ gwɛli kpɔ və́ gaa.

M̀ɛni-lɛɛi 2:25

Kɛlaa, yii gaa ká yəi, 'ká ká yee kąną mą kpąą, ə lɛɛ ɉu, ŋį́ pa.

Maafîu 25:4

Nɔɔlii tii gilaa hvo kɛ pono li, di wɛi, di hvo wulɔ həɠə li di yee pɔ.

Maafîu 25:6

«Kwííhąąi lɔwai, woo ta ə tɔɔ, yɛ kɛ mą: ‹Ka ɓɛlan ɉilɛ kaa pai, ka kulɔ ka li ka naakwiɛn!›

Lukə 1:21

Nąąlɔwai tii hu, nu kpului tii kɛ ɲɛnɛ̨ɛ̨ di kwəi piliɛ kɛ diɛ, di tɔɔ diɛ Zakari mąą kpɔn, mąąhɔlɔɓo, aa la mu kɛa kɛ ɉaláá kulɔ pɛlɛ mu.

Wɛli 5:3

Ŋą́ą́ mą́ą́ hɛnŋaa kulɔ mą́ą́, ŋą́ pənə kpɔ kɛa ləi gɛ́ gɛ mą́ą́! Ŋą́ą́ gɔ́wɔ́ ɓa kələ a nɛlɛɛ, ŋą́ pənə kpɔ kɛa ləi gɛ mąąliɓi!