Maafîu 25:46 - Yálá laawoo hɛɓɛ (dc)

⁴⁶ «Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Yálá laawoo hɛɓɛ

⁴⁶ «Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Bible

⁴⁶ Ǹyaŋ nyii-ŋai da pâi liî wɔlɔ-wɔlɔ tɔŋ-kpɛ́-maa su. Kɛ́lɛ, zɔŋ-lɛlɛ-ƃelai da pâi liî wɔlɔ-wɔlɔ-fulu-laa su.”

Maafîu 25:46 Referans Kwoze

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Ɉaan 3:36

Nui a laa Non na, a yɛnɛ̨ɛ̨ hva kpɛɛ hɔlɔɓo; nui a wala laa Non na, hva yɛnɛ̨ɛ̨ hva kpɛɛ hɔlɔɓo, kɛlaa, Yálá nwɔ liiɲąnwąną a kɛ bulu.

Ɉaan 5:29

Nuąi túwɔ́ pələ lɛlɛ kulɔ da nwun, diɛ yɛnɛ̨ɛ̨ kpɔkpɔɔ hɔlɔɓo. Nuąi túwɔ́ pələ ɲɔ̨n gulɔ, da nwun di kiti tee mɛ̨nį ɓa.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 20:15

Ɛlɛɛ, nuąi kpɔ di laa hvo kɛ pɛ̨ɛ̨ li ɲɛnɛ̨ɛ̨ hɛɓɛ́ hu, di gəlee pili nwɔ̨n balayá hu.

Tɛsalonikə veelɛ 1:9

Di hutɔɔ mɛ̨nį kaa pai kɛi a gahoi kpɛɛ hvo mą, di mąąkwɛaa gu Nąmu ɓa, da ŋą mąąwiɛlaai,

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Lomaŋ 5:21

Ya ɓə gɛ, yɛ bələi nɛ̨ŋɛ̨n ə hee la gu mɛ̨i a haa, bələ lɔ ɓə Yálá nwɔ mɛ̨inɛ̨ɛ̨ a tɔɔlaa kɛ la tələnmolaa háálai, ə gɛ, ə li a guɔ yɛnɛ̨ɛ̨ hva kpɛɛ hu, gu Ną́mu Jesus Kristə háálai.

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Gɛlaɠaa 24:15

Gílitɔɔi ɓə Yálá ɓa, diɛ kpɛlimąn gili tɔ̨nɔ̨i tii kaa lɔ di kwəi, ya ɓaa tələnmo nuą-o, wɛa nuą, di kaa pai pənəi di nwun.

Zɔ̂ŋ Maa-ŋuŋ 2:25

Ɛlɛɛ, yii yaa kpinįi ə naakwɛlanmo guɔ, ya ɓaa a, yɛnɛ̨nɛ̨i kpɛɛ hvo mą.

Galatə 6:8

Nui a gbɔwɔ kɔlɔ lii ɓa hin, kɔlɔ liiɓa hɛn mə a ɉɔlɔɓo: ya ɓaa, a haa. Kɛlaa, nui a Kili-Mąąhəɠɛɛ liiɓa hin, Yálá liiɓa mɛ̨nį ɓə a ɉɔlɔɓo: ya ɓaa, a ɓaloi hva kpɛɛ.

Lukə 16:26

Ə həɠə yili ɓa, ɓoloon gɛnɛ̨ kaa gwa kaani gu lɔwai, nui a kɛ bɔ ə həɠə ku pɔɔli, ə pa ka pɔɔli, pɛli mąą hvo ɉu. Ɛlɛɛ, nu ta hva pɛli həɠəi ka pɔɔli hvo pa ku pɔɔli ɓɛ.›

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Maafîu 19:29

Ə lɛɛ, nui lɔpee a nwɔ pɛlɛ́i lɛɛ, ə nąn nonni hinąą da nąn nonni nɛ̨ą lɛɛ, ə nąn a wala kɛ tii ə nee lɛɛ, ə nonni da nwɔ hihɛn ɉaa kəlee lɛɛlaa náá mąą mɛ̨nį ɓa, a gbulu kɛnɛ̨ hɔlɔɓo, ə yɛnɛ̨ɛ̨ kpɛɛ hvo mą hɔlɔɓo Yálá yəi.

Maafîu 13:43

Kɛlaa, yiiɠaai da Yálá woo hon, da kɛ lən ɉi yɛ, hvóló di Ną́n Yálá nwɔ tɔɔlaai hu. Yili ɓa, nui nwəli kaa mą ə mɛ̨n!»

Zûu 1:21

Ka lɛɛ Yálá nwɔ wɛlikɛmąąlaa hu, kaa gu Ną́mu Jesus Kristə nwɔ mɛ̨inɛ̨ɛ̨ mąą kpɔn yai pai yɛnɛ̨ɛ̨ kpɛɛ hvo mą dɛɛi ka pɔ.

Maafîu 19:16

Hulɔnu ta ə pa Jesus pɔ ə mąąni kɛ yɛ mą: «Mąąkwɛli kɛmun, lə mɛ̨nį ɓə mąąnɛ̨ɛ̨ ŋą gɛ, ə gɛ, ŋį́ yɛnɛ̨ɛ̨ yii kpɛɛ hvo mą ɉɔlɔɓo?»

Maafîu 25:45

«Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 5:24

«A tɛ̨ą, a tɛ̨ą kpɔkpɔɔ gáá moi kaa: nui a nwəli tɔɔ nwóó ɓa, ɛlɛɛ, nui dɔ́ɔ́, yɛ laa na, a yɛnɛ̨ɛ̨i kpɛɛ hvo mą hɔlɔɓo. Kiti mɛ̨nį hvo mą, kɛlaa, aa kulɔ haa yəi, yɛnɛ̨ɛ̨i kpɛɛ hvo mą, aa ɉɔlɔɓo.

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Ɉaan 6:40

Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Gɛlaɠaa 13:46

Polə da Barnabasə di mo kpɔ diɛ a ɲɛ̨i walawala, diɛ mą: «Káá ɓə kɛ tɔlɔɔ-tɔlɔɔ mąąnɛ̨ɛ̨ Yálá lawoo ə həli káá. Kɛlaa, yii káá lənə mąi, ɛlɛɛ, yii ká hvo ká kpɔwɔ kaai a nuąi mąąnɛ̨ɛ̨ di ɓalo hva kpɛɛ hɔlɔɓo, ku kaa kani ku ɲɛ̨i tínɛ̨n ɉii huwu takpɛliɠaa pɔ pələ.

Gɛlaɠaa 13:48

Nwoo tii ə huwu takpɛliɠaa kwəinɛ̨ɛ̨ kpɔ kɛnɛ̨, diɛ Yálá laawoo mąątɛ̨nɛ̨, ɛlɛɛ, nuąi kpɔ kɛ di təliɛ ɓalo hva kpɛɛ ɓa, di di yee hee Yálá laawoo.