Maafîu 25:45 - Yálá laawoo hɛɓɛ (dc)

⁴⁵ «Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›

Yálá laawoo hɛɓɛ

⁴⁵ «Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›

Bible

⁴⁵ Gɛ̀ ní, a pâi díwoo su toôi, ǹyɛɛ diai, ‘Ŋa tɔ̃yâ ƃoi kâa, yɛ̂ɛ berei máŋ káfe gɛ̀ ní la ŋáwɛli-kɛ-maa-ƃelai ŋí guro-têi mìi, káfe gɛ̀ ní mî.’

Maafîu 25:45 Referans Kwoze

Hanwon 21:13

Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Gɛlaɠaa 9:5

Solə yɛ mą: «Gbɛɛ ɓaa yɛ́ Ną́mu?» Yili yɛ mą: «Ɲą́ą́ ɓə a Jesus, ɲą́ą́ ka tii ə́ kaa mɔ̨nɔ̨ɓoi.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Hanwon 14:31

Nui a hee mąąwɛlimun mɛ̨i, gaa mąąwɛlimun tii pɛli Yálá lalan ɉii. Kɛlaa, nui a mąąwɛli nuą mąąwɛli kaa, a Yálá mąąwiɛ.

Mąątɛ̨nɛ̨ 105:15

Yɛ kɛ diɛ: «Nuąi ŋą́ di həɠɛɛ ɉu, 'Ka hvo tunwɔ̨n diɛ, 'ka hvo mɛ̨nį ɲɔ̨n gɛ a gwə́i mɛ̨nį hu kulɔ nuą.»

Zakari 2:8

Ə mo malakai tii ɓa, yɛ mą: «'Li a gilɛ, yɛ́ ɉulɔnon tii lii mą: ‹Ɉerusalɛmə mąąnɛ̨ɛ̨ ə lɛɛ a taa yii hįį hva tɔɔ mą, nu kpulu da daatɛlɛɛɠaai tii pai kɛi laa, di mąą mɛ̨nį ɓa.

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Maafîu 10:41

Nui a ɲee hee Yálá kwəi mɛ̨nį hukulɔ nuą ŋɛ̨i ta mui, mąąhɔlɔɓo, Yálá kwəi mɛ̨nį hukulɔ mun ni, mąą nui a vɛla hɔlɔɓo yɛ Yálá kwəi mɛ̨nį hukulɔ mun. Nui a ɲee hee nu haŋąą ta mu, mąąhɔlɔɓo, ɉaŋąąi Yálá ɲɛ̨i ɓa, mąą nu a mąą hvɛla hɔlɔɓo Yálá yəi.

Maafîu 25:44

«Nąąlɔwai diɛ kpɛli da nwoo ŋąąpənə diɛ mą: ‹Námu mįnɛ̨ lɔwai ɓə ku ə́ kaa la pulu ə ɓo yɛ́, ku hvo ə́ kɔ́ a kɔ̨nɔ̨n? Kpələ wɛli ə ɓo yɛ́ ku hvo yalaɠi tɛɛ ə́ pɔ? Ə́ kulɔ la kuɔ a nweą, ku hvo ə́ nweą laa kɛ? Ə́ mąą haɠaa, ku hvo həɠə kɛ yɛ́? A wala kɛ tii, ə́ ɓo gaho ŋą, ku hvo ku woo pili yɛ́?›

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Korɛntə dɔlɔɔ 8:12

Ka kɛi nɛ̨ŋɛ̨n ɉəɠə tii ka nąn nonnii diɛ, diɛi di wɔ kilitɔɔmąą laa hvo kɛnɛ̨ li, káá di hvįikpɛɛ tii, a kɛ tii, Kristə kpįnįi ka tii ka káá nɛ̨ŋɛ̨n ɉəɠəi mą.