Maafîu 25:40 - Yálá laawoo hɛɓɛ (dc)

⁴⁰ «Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Yálá laawoo hɛɓɛ

⁴⁰ «Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Bible

⁴⁰ Ǹyaŋ gâloŋ a pâi díwoo su toôi, ǹyɛɛ diai, ‘Ŋa tɔ̃yâ ƃoi kâa, yɛ̂ɛ berei máŋ ká gɛ̀ la ŋáwɛli-kɛ-maa-ƃelai ŋí guro-têi mìi, ká gɛ̀ mî.’

Maafîu 25:40 Referans Kwoze

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Hanwon 14:31

Nui a hee mąąwɛlimun mɛ̨i, gaa mąąwɛlimun tii pɛli Yálá lalan ɉii. Kɛlaa, nui a mąąwɛli nuą mąąwɛli kaa, a Yálá mąąwiɛ.

Maafîu 10:42

Nui lɔpee a kpələ kɔ́wɔ ɲąątɔ̨nɔ̨ tɛɛ nɛapəlɛɛ ŋɛ̨i ta pɔ, mąąhɔlɔɓo, nwɔ́ kalan non ni, mąą nui a mąą hvɛla hɔlɔɓo.»

Markə 9:41

Nui lɔpee a kpələ kɔ́wɔ ŋąą tɔ̨nɔ̨ tɛɛ ka ta pɔ yalaɠi hu, mąąhɔlɔɓo, ka káá a Kristə nwɔɔ; gáá tɛ̨ą ɓoi kaa, mąą nui a yili vɛla hɔlɔɓo.»

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Maafîu 10:40

«Nui a ɲee hee ka mu, a kɛ tii, mąą nu aa ɲee hee mú. Nui yaan a ɲee hee múi, a kɛ tii, aa ɲee hee nui dɔ́ɔ́ mu.

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Zɔ̂ŋ Maa-ŋuŋ 4:20

Nu a kɛ diɛ: «Yálá wɛli kaa mą́ą́», ɛlɛɛ, nąn non nwɛli hvo mą, lɛɛmun ni. Yaan, ə́ nąn non ŋɛ̨i ə́ ɲɛ̨i kaa mą, yá wala nwɛli la kɛi, hva pɛli, Yálái ə́ ɲɛ̨i hvo gaai, nwɛlila kɛi!

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Ifisiɛŋ 5:30

Gu hvo mɔ̨ɔ̨ a gɔ́lɔ tii tɔɔ-tɔɔnŋaa?

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Samia Veerɛi 9:7

Davidə yɛ mą: «Hvo ɲɔw, gáá bɔ ŋą́ kpɔnmąą tɛɛ ə́ pɔ a wɛlikɛmąąlaa, ə́ nąn Ɉonatan mąą mɛ̨nį ɓa. Gáá pai ə́ kalá Saulə nwɔ lɔiɠaai kəlee pənəi ŋą́ dɛɛ ə́ pɔ, ə lɛɛ, yɛ́ kpįnįi ŋɛ̨i, gu kaa kɛi gu yee lɔi kɔ́wɔ tɔ̨nɔ̨ a yələ kəlee.»

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Maafîu 28:10

Jesus yɛ diɛ: «Ka hvo ɲɔ̨w. Ka li ka mo Ną́n nonnii diɛ də li Galile lɔi hu nąą ɓə di kaa pai gáái laa.»

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Samia Veerɛi 9:1

Yələ ta, Davidə ə mo yɛ diɛ: «Akɛ tii, Saulə yəi bɛlɛ́n mun da kaa nii yɛnɛ̨ɛ̨, yii ŋą́ pɛli kpɔnmąą tɛɛi bɔ Ɉonatan mąą mɛ̨nį ɓa?»

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Tɔɔɓɛlaa veelɛ 4:10

Gu pɛlɛ́ lon da tɔɔ bɛlɛ́ mɛ̨i pələ, gu gbin vilən nąą da taɓali, ə mą kɛ kpəlin da labon; ya ɓə a gɛ, a pa gu pɔɔli, yɛ vįitɔɔ laa.»

Maafîu 25:39

Mįnɛ̨ lɔwai ɓə ə́ kɛ la gaho ŋą kuɔ ku woo pili yɛ́? Mįnɛ̨ lɔwai ɓə ə́ kɛi ɲɔ̨n gɛ la kuɔ ə́ mąąkɔ̨nwɔ̨.›

Maafîu 25:45

«Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›

Lukə 19:38

Diɛ kɛ mą: «Dɔɔmun pai gu Ną́mu Yálá laa hu, lúwɔ́ kaa mą! Liilaa ə kɛ yələkɔlɔn ɉu, mąąwiɛ ə kɛ Yálá ɓa!»

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

Ɉeremi 39:17

Nąąlɔwai, ŋą́ ə́ hvólóon na ɓo, hvo pai tooi nuąi tii ə́ kaa ɲɔwi diɛ, di yee ŋą; Yai-Laa woo li.