Maafîu 25:35 - Yálá laawoo hɛɓɛ (dc)

³⁵ Mąąhɔlɔɓo, pulu ə kɛ mą́ą́, ka gɔ́ a kɔ̨nɔ̨n. Kpələ wɛli ə kɛ mą́ą́, ka yalaɠi tɛɛ bɔ́. Ŋą kulɔ kaa a nweą, ka nweə̨ laa kɛ.

Yálá laawoo hɛɓɛ

³⁵ Mąąhɔlɔɓo, pulu ə kɛ mą́ą́, ka gɔ́ a kɔ̨nɔ̨n. Kpələ wɛli ə kɛ mą́ą́, ka yalaɠi tɛɛ bɔ́. Ŋą kulɔ kaa a nweą, ka nwɛ̨ą laa kɛ.

Bible

³⁵ Kpɛ́ni fêi, puru è kɛ̀ ŋ́gɛ̂i, ká mii-sɛŋ tɛɛ ḿbɔ. Kpele-wɛ̂li è kɛ̀ ŋ́gɛ̂i, ká yá tɛ́ɛ ḿbɔ. Ŋá kɛ̀ a ŋɔ̃́ya, ká káyee sée ḿû.

Maafîu 25:35 Referans Kwoze

Izikiɛ 18:16

hva ɲee pənə nu ta hu, hva kanąn tolaa hɛn ma; hva nwuɔ̨ kɛ, yɛ gɔ̨nɔ̨n dɛɛ nui pulu kaa mą bɔ; Yɛ həɠə tɛɛ nui gaa a gbuwulu bɔ,

Izikiɛ 18:7

Hva ɲee pənə nu ta hu, hva tolaa hɛn ɉon, hva nwuɔ̨ kɛ, yɛ gɔ̨nɔ̨n da tɛɛ pulu həɠə mun bɔ, nui həɠə hvo mą, yɛ həɠə kɛ mąą nu ɓa,

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.

Lomaŋ 12:13

Ká kaayɔwɔɠaai kanąn gaa diɛ, ka di mąą kpɔnmąą ɓo; ka ka yee hee nwɛ̨ą mu a kwəinɛ̨ɛ̨.

Zôo 31:32

Nwɛą hvo kɛi yii yɛnɛ̨ɛ̨ bɔ́ɔ́li, Ŋą́ kɛi nwɔ́ pɛlɛ laa ɓo hiɛ kulɔ mun dɔwɔ.

Lomaŋ 12:20

Yɛ nwɔ̨nɔ̨ diɛ: «Pulu a kɛ ə́ yowo ɓa, gɔ́ a kɔ̨nɔ̨n, kpələ wɛli a kɛ mą, yá tɛɛ bɔ. Mąąhɔlɔɓo, yá kɛli gɛ ti, ə́ kɛɛ nwɔ̨n dəŋą pui ə́ yowo nwuɔ̨ li.»

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Filemɔn 1:7

Gááyɔwɔ, ə́ wɔ wɛlikɛmąąlaa aa gwə́inɛ̨ɛ̨ kpɔ kɛnɛ̨, aa váŋąlɔ. Mąąhɔlɔɓo, ə́ yee hee mɛ̨nį nu mąąhəɠɛɛɠaa, a di liilaa yɛ di hvaŋąlɔ.

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Ifisiɛŋ 4:28

Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Lomaŋ 16:23

Gaiusə yai a nwɛ̨́ą́ ną́mu, yɛ ɓo a gbɔn nwɛ̨ą nąmu, yɛ ka túwɔ́ɓo. Erastə yai a daa hɛngɔw laikɛ mun, yɛ ka tuwɔ ɓo, ə mą kɛ, gu nąn non Kuartusə yaa kpɛli, yɛ ka tuwɔ ɓo.

Gɛlaɠaa 16:15

Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Gɛlaɠaa 11:29

Galan nɛa di di nwun dɔɔ, kpɔnmąą tɛɛ mɛ̨nį ɓa galan nɛa yiiɠaai kɛ Ɉude lɔi hu, di pɔ.

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Gɛlaɠaa 4:32

Laa na nuą kəlee yee lɔ kɛ gee hu, di yəi hɛnŋąa kəlee pɛlɛɛ gee ɓa, kiliŋąhiɛ tɔ̨nɔ̨ hu. Nu tɔ̨nɔ̨ kpɛli hvo kɛi kɛ diɛ: «Yii ɲə́i, ɲą́ą́ dɔ̨nɔ̨ nwɔ́ɔ́ li.»

Ɉaan 13:29

Ə kɛ nu taɠaa kwəi yii Ɉudasə ɓə kɛi nwali laaikɛ, Jesus kaa kɛi ma: li, ə ɉɛli kɔ̨nɔ̨n da ya, a wala kɛ tii, ə wali tɛɛ mąąwɛli nuą pɔ.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Markə 14:7

Mąąhɔlɔɓo, ka yeehowolo nuą ka káá lɔ ka kee ɓa a yələ kəlee, ka pɛli ka mɛ̨nį nɛ̨ɛ̨ kɛ diɛ a lɔwai lɔpee ka káá la bɔ. Kɛlaa nwɛ́i, və́ pai kɛi ka pɔ a yələ kəlee.

Maafîu 26:11

Mąąhɔlɔɓo, ka mąąwɛli nuą ka káá pai kɛi ka kee ɓa a hvóló kəlee. Kɛlaa, nwɛ́i, və́ pai kɛi ka pɔ a yələ kəlee.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Hanwon 25:21

Pulu a kɛ ə́ yowo ɓa, gɔ́ a kɔ̨nɔ̨n, kpələ wɛli a kɛ mą, yá laɠi tɛɛ bɔ.

Hanwon 22:9

Nui nwɔ kɛɛ kaa lɛlɛɛ, a lúwɔ́ hɔlɔɓo, mąąhɔlɔɓo, aa nwɔ kɔ̨nɔ̨n ta tɛɛ yeehvowolomun bɔ.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Hanwon 14:31

Nui a hee mąąwɛlimun mɛ̨i, gaa mąąwɛlimun tii pɛli Yálá lalan ɉii. Kɛlaa, nui a mąąwɛli nuą mąąwɛli kaa, a Yálá mąąwiɛ.

Hanwon 14:21

Nui a tɛɠɛ ɓo mɛlan gaalon ɉu, nɛ̨ŋɛ̨n ni. Kɛlaa, nui a yeehvowolo nuą mąąwɛlikaa, lúwɔ́ lon ni.

Tɔɔɓɛlaa dɔlɔɔ 17:11

Nɛ̨ɛ̨nui tii kɛɛ lii ɲa haɠai, Eli ə pənə ə dəli bulu pələ, yɛ mą: «Néé! Yá li ə́ lɛɠɛ kpuwɔ lon bɛlɛ mą ə́ paa la.»