Maafîu 25:32 - Yálá laawoo hɛɓɛ (dc)

³² yɛnɛ̨ɛ̨ nuą kəlee di kaa pai di ɲąąkpɔn ɉii nií la, a di ɓɛlaɓo ɉu a kpulu heei hveelɛ yɛ pələi taa-təlɛɛ nąmu a ɓooliɠaa da ɓɛlaaɠaa di ɓɛlaɓo la.

Yálá laawoo hɛɓɛ

³² yɛnɛ̨ɛ̨ nuą kəlee di kaa pai di ɲąąkpɔn ɉii nií la, a di ɓɛlaɓo ɉu a kpulu heei hveelɛ yɛ pələi taa-təlɛɛ nąmu a ɓooliɠaa da ɓɛlaaɠaa di ɓɛlaɓo la.

Bible

³² Da pâi ŋ̀éniɛi-su-ƃelai kélee ŋá tɛ̂i díkîe-ma ŋ̀ɛi tuɛ. Ǹyaŋ a pâi díkulâi díkîe-ni sama, yɛ̂ɛ berei m̀ála mɛi-kaa-nuui a m̀ála-ŋai kûla la m̀oli-ŋai samai.

Maafîu 25:32 Referans Kwoze

Maafîu 13:49

Pələ kpɔlɔɔ ɓə gaa pai kɛi la yɛnɛ̨ɛ̨ ɲąąkpɛɛi lɔwai. Yálá nwɔ malakaɠaa kaa pai pai di mɛ̨nį ɲɔ̨n gɛ nuą da mɛ̨nį lɛlɛɛ kɛ nuą ɓɛlaɓo.

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Ɉaan 10:14

Ŋą́ nwɔ́ ɓɛlaaɠaai kɔ́lɔn, nwɔ́ ɓɛlaaɠaai di gɔ́lɔn;

Mąątɛ̨nɛ̨ 1:5

Yili ɓa, nu ɲɔ̨nwɔ̨ɔ̨ɠaa di hva di tɔɔi hɔlɔɓo, a giti tee yələ, nuąi lan bələ mɛ̨i, di hva di heei hɔlɔɓo tələnmo nuą di wɔ kpɔn hu.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Lomaŋ 2:16

Yɛ bələi nwɛlɛɛ lɛlɛɛ ŋɛ̨i gáá naa həli gaa moi la, yɛ diɛ: Ɲələi Yálá kaa pai nuą túwɔ́ pələ loɔɠaa kiti teei la Jesus Kristə laa hu, ɲələi ti ɓə mɛ̨nį kəlee a too la ponoɲą.

Lomaŋ 2:12

Nuąi di hvo Moisə nwɔ tɔ́n gɔlɔn, da nɛ̨ŋɛ̨n ɉəɠə, di nwun na a pili tɔ́n naa hva kɛ ɉu. Kɛlaa, nuąi Moisə nwɔ tɔ́n gɔlɔn da nɛ̨ŋɛ̨n ɉəɠə, dɔ́n ti ɓə a di kiti tee.

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Ɉaan 10:27

Ŋɔ́ ɓɛlaaɠaai da nwóó mɛ̨n, ɲą́ą́n ŋį́ di kɔ́lɔn, ə lɛɛ, da hvilɛn búlú.

Mąątɛ̨nɛ̨ 78:52

Ə nwɔ nuąi kulɔ laa, yɛ li a diɛ yɛ taatɛlɛɛ kpulu, ə li a diɛ nɔi pun ɉu, yɛ ɓɛlaa haaɠaa.

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.