Maafîu 25:10 - Yálá laawoo hɛɓɛ (dc)

¹⁰ Nɛ̨ɛ̨lea tii dəli lɔ nwulɔ yai pələ, di lɛɛ laa, di ɓɛlan ɉilɛ ə pa. Gilimąą nɛ̨ąą lɔɔli ŋɛ̨i kɛ di kɛ pələ pɛliɛ, da diɛni di lɔ vúlú lɔ pɛlɛ mu a kwəinɛ̨ɛ̨, di bɛlɛ́ laa kpulu.

Yálá laawoo hɛɓɛ

¹⁰ Nɛ̨ɛ̨lea tii dəli lɔ nwulɔ yai pələ, di lɛɛ laa, di ɓɛlan ɉilɛ ə pa. Gilimąą nɛ̨ąą lɔɔli ŋɛ̨i kɛ di kɛ pələ pɛliɛ, da diɛni di lɔ vúlú lɔ pɛlɛ mu a kwəinɛ̨ɛ̨, di bɛlɛ́ laa kpulu.

Bible

¹⁰ Díkɛɛ liî ǹyâi, ǹɛnî-kula-surɔŋ è pà. Nya ƃe diai kɛ̀ a díkpɛtɛɛ̂i da ǹɛnî-kula-surɔŋ-ni dí lì ǹɛnî-kula-kuui su, dí bɛ́rɛi lá tɛ.

Maafîu 25:10 Referans Kwoze

Lukə 13:25

«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Maafîu 24:44

Yili ɓə gaa mą, ka gɛ a nəlɛɛ, ka kɛ gili-gili. Mąąhɔlɔɓo, Nu Lon gaa pai pai a ɲələ yii ka kili hvo mą.»

M̀ɛni-lɛɛi 22:20

Nui mɛ̨nįi tii ɓoi, yɛ diɛ: «A tɛ̨ą, gáá pai ɉu hvo kwɛa li.» Amįįną! 'Pá, ku Nąmu Jesus!

Maafîu 25:6

«Kwííhąąi lɔwai, woo ta ə tɔɔ, yɛ kɛ mą: ‹Ka ɓɛlan ɉilɛ kaa pai, ka kulɔ ka li ka naakwiɛn!›

Mąątɛ̨nɛ̨ 95:11

Ya ɓə, níiholi pələ, ŋį́ gwɛ́la, gɛ́ diɛ: «A tɛ̨ą, di hvo pai lɔi nwɔ́ hviitɔɔi hu!»

Zɛnɛse 7:16

Ɉɛnŋaa tii, ɉuwu kəlee tɛitɛi ɉilɛ da ɉaa ɓə kɛi lɔ gələn ɉu, yɛ bələi Yálá ə Noe tí la. Yili pulu, Yai-Laa ə gələn naa kpulu Noe ɓa.

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

Kolosə 1:12

'ká gu Ną́n mąmąɓo, yai gɛ, guɔ gu wɔɔ hɔlɔɓo nu mąąhəɠɛɛɠaa kwɛlin ɉu, yələkwəi.

Maafîu 7:21

«Nuąi da kɛ mą́ą́: ‹Ną́mu, Ną́mu›, gəlee hvo pai lɔi Yálá-taa tɔɔlaa hu. Hvɛɛ yiiɠaai da Ną́n gaa yələi, niiɓa kɛ, diɛ ɓə pai lɔi laa.

Maafîu 24:42

Ka ka kpɔɔ mɛ̨i kaa, ka kɛ gili-gili. Mąąhɔlɔɓo, ka hvo ka Nąmu pai lɔwai kɔ́lɔn.

Maafîu 24:43

Ka gɔlɔn kaa diɛ, akɛ pɛlɛ́ nąmu ə nwuɔ̨mun bai lɔwai kɔ́lɔn, mąą kpinįi tii, hva yii kɛ; ə gɛ, di hvo pa nwɔ pɛlɛ́i laa yali di hvo mu hɛnŋąą həɠə.

Lukə 12:35

«Ka ka hąą yili, ka ka wɔ labonŋąąi tɔɔ,

M̀ɛni-lɛɛi 19:7

'Ká gu kwəinɛ̨ɛ̨ kulɔ, gu pili yələi a ɓələn, gu mąąwiɛ laa tɛɛ bɔ, gbala ə tɔɔ, mɛlaa Lon nwɔ hvúlúlɔ yələ aa ɉəli; ŋą nɛ̨ɛ̨nui aa ɉuyili,