Maafîu 25:1 - Yálá laawoo hɛɓɛ (dc)

¹ «Yálá-taa tɔɔlaa kɛ pələ kaa yɛ nɛ̨ɛ̨gbɛla pow yiiɠaai kɛi li di ɓɛlan ɉilɛ laakwiɛn ɉii; di di wɔ labonŋąai həɠə, diɛ li.

Yálá laawoo hɛɓɛ

¹ «Yálá-taa tɔɔlaa kɛ pələ kaa yɛ nɛ̨ɛ̨gbɛla pow yiiɠaai kɛi li di ɓɛlan ɉilɛ laakwiɛn ɉii; di di wɔ labonŋąai həɠə, diɛ li.

Bible

¹ “Ŋ̀âla-taa kâloŋ-laai a pâi kɛ̂i yɛ̂ɛ nɛnî-kpela puu nyii-ŋai dílaŋpo-ŋai sìɣe dí li ǹɛnî-kula-surɔŋ tuɛ tɔɔi (da nɛnîi).

Maafîu 25:1 Referans Kwoze

M̀ɛni-lɛɛi 19:7

'Ká gu kwəinɛ̨ɛ̨ kulɔ, gu pili yələi a ɓələn, gu mąąwiɛ laa tɛɛ bɔ, gbala ə tɔɔ, mɛlaa Lon nwɔ hvúlúlɔ yələ aa ɉəli; ŋą nɛ̨ɛ̨nui aa ɉuyili,

M̀ɛni-lɛɛi 21:9

Ya ɓə malaka mɛ̨ihveelɛi tii mɛ̨nį ɲąąnwąnąą kpələ-kɔ́wɔ mɛ̨ihveelɛ kpɛli ə kɛ di yəi, dɔ̨nɔ̨ ə pa, yɛ mą́ą́: «'Pá, ŋą́ mɛlaa Lon ŋą wɛlii, yai a nɛ̨ą, ŋą́ nɛ yɛ́!»

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Maafîu 13:24

Jesus ə hanwon da kpɛli hɔɔ nwɔ̨nɔ̨ diɛ yɛ hvilɛn na Yálá-taa tɔɔlaa mąą mɛ̨nį ɓa. Ə mo diɛ, yɛ diɛ: «Yálá-taa tɔɔlaa kaa yɛ pələi hulɔnu ta ə hihɛn ɉuwu lɛlɛɛ pili la ɲəi ɲɛa.

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Maafîu 22:2

«Yálá-taa tɔɔlaa kɛ pələ kaa yɛ, tɔɔmun da yii ə non ɉulɔnu nwɔ húlu lɔ kɔ̨nɔ̨n gɛ pələ pɛli.

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

Maafîu 3:2

Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Korɛntə dɔlɔɔ 11:2

Ŋą́ ká mąątɛ̨nɛ̨i, gɛ mɛ̨nį ną́ą́kili a too ká ɲą mɛ̨nį kəlee hu, ɛlɛɛ, ká yee kanąn mɛ̨nį gu yíi pələ ɓa, yɛ bələi ŋį́ nɛ la káá.

Maafîu 20:1

«Yálá-taa tɔɔlaa kaa yɛ; hulɔnu ta yii kólo ə kɛ ɲei. Ə kulɔ yələ wala pɔ yɛ kólo kɛ nuąa kwɛli, ə gɛ, ə di tɛɛ ɲei ɉihɛn ɲɛa.

Maafîu 13:47

«Yálá-taa tɔɔlaa kɛ pələ kaa yɛ, diŋɛ̨n yii nąmu a bili gboloyá hu. Ə hɔ̨nwɔ̨lee huwu tamąą hon.

Mąątɛ̨nɛ̨ 45:14

Tɔɔ nɛ̨ɛ̨non mąąwiaa kaa bɛlɛ́n bələ, həɠə mąąpuɔ a hɛni ə ɓo gwąną.

Maafîu 13:38

Díi ɓaa yɛnɛ̨ɛ̨. Ɉihɛn mąą nuąi a Yálá-taa tɔɔlaa hu nuą. Gala kɔ́w ɲɔ̨nwɔ̨ɔ̨ ɓaa a yiiɠaai di kaa a gbąną-gbąną mun nwɔ nuą.

Wɛli 5:8

Ə həli kaa Ɉerusalɛmə nɛ̨ɛ̨lɛa! Nwą́nąi ka ŋɛ̨i gaa moi kaa-o; Ka li ka nwɔ́ wɛlii kaa, ka kɛ mą lə? Ka kɛ mą: Wɛlikɛmąą ka ŋɛ̨i aa ɲɔ̨n bɛlɛ mą́ą́. Ka gaa ka mo tii mą.

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

Korɛntə veelɛ 11:2

Ká wɛlii gaa mą́ą́, yili aa ká mąą tolo lɔ ɉú, nwɛlikɛmąąlaa kɛnɛ̨i tii ə həɠə Yálá pɔ. Hulɔnu tanɔ̨n gbən mə, ŋą́ ká toonwəlii kɛ mą, ya ɓaa a Kristə. Ŋą́ ká lɛ mą yɛ, nɛ̨ɛ̨gbəla mąą haŋąnŋąąi hvo hulɔnu mɛ̨nį hu kɔlɔn;

Maafîu 9:15

Jesus ə di woo ŋąąpənə yɛ diɛ: «Gaa ka kwəi, nɛ̨ą həɠəmun mɛlaa da mąąwɛli hee ɓo a nɛ̨ą ya yələ? Yili hva kɛ tii. Kɛlaa, gaa pai kɛi a yələ ta, nɛ̨ą həɠəmun tii kaa pai həɠəi di pɔ; nąąlɔwai ɓə da hin nɔ la.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Gɛlaɠaa 20:8

Ɲələ pɛlɛ́i ti ku ɲąąkpɔnŋąąi kɛ mu, labon damąą di kɛ laa.

Maafîu 13:31

Jesus ə hanwon da kpɛli hɔɔ diɛ yɛ diɛ: «Yálá-taa tɔɔlaa kɛ pələ ka yɛ: nɔw kɔ́w ta, hulɔnu ta ə ɉin ɲəi ɲɛa.

Wɛli 5:16

Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Wɛli 1:3

Ə́ mąątí wulɔ a ə́ mąą kun nɛ̨ɛ̨! Guɔi! Yá nu lii hon. Ɉɛn kpɔ a gɛ, ə́ wɛli yɛ too la nɛ̨ɛ̨lɛa diɛ, yaa li.

Maafîu 25:7

Nąąlɔwai, nɛ̨ɛ̨gbɛla powi tii, di di muhəɠə, diɛ di wɔ labonŋąai pɛli.

Ɉaan 18:3

Ɉudasə ə tɔɔ holahi kpulu ɲɛ̨i tɔwɔ da galidəɠaai, ɉaláá laa həli nuą kpɛa-kpɛa da Farisiɛ̨ɠaa ɓə di tɔɔ tii, da diɛni də li nɔw yɛa tii ɓa. Kpalan di ɓo di yəi, labon, ɛlɛɛ, da kwɛli hɛnŋąą.

M̀ɛni-lɛɛi 8:10

Malaka ɉaaɓanąn ə nwɔ tului hvɛɛ, ɛlɛɛ, pɛmɛ̨lɛ̨n-gɔw kɛnɛ̨ ta ə kɛ yələi pələ, ə too, yɛ kələn yɛ kpalan. Ə too, ɲá kpɛa-kpɛaɠaa mɛlaɓoɔ ɉu haaɓa, bələ tɔ̨nɔ̨ mɛ̨i, ɛlɛɛ da ɲá nwun gulɔiɠaa.