Maafîu 24:48 - Yálá laawoo hɛɓɛ (dc)

⁴⁸ Kɛlaa, akɛ a nui ɉɔn ɲɔ̨nwɔ̨ɔ̨, yɛ giliŋąhiɛ yɛ kɛ diɛ: ‹Nwɔ́ mɛ̨nį nąmu hvo pai pai ɉa.›

Yálá laawoo hɛɓɛ

⁴⁸ Kɛlaa, akɛ a nui ɉɔn ɲɔ̨nwɔ̨ɔ̨, yɛ giliŋąhiɛ yɛ kɛ diɛ: ‹Nwɔ́ mɛ̨nį nąmu hvo pai pai ɉa.›

Bible

⁴⁸ Kɛ́lɛ, à kɛ̀ ǹyée-mu-nuu sɔŋ nyɔ́mɔɔi tí à mò ǹíi su, ǹyɛɛi, ‘Ŋánuu-namui a tãi támaa siɣêi,’

Maafîu 24:48 Referans Kwoze

Maafîu 18:32

Di nwun nąmu yɛ diɛ: ‹Ka li ka ɉon ka paa la. Də li di Ɉon di paa. Di nwun nąmu yɛ mą: Nu ɲɔ̨nwɔ̨ɔ̨ ɓaa a yɛ. Kəlɛɛi ŋą́ nwɔ́ hɛn mɛ̨nį kɛnɛ̨i lɛɛ yɛ a mɛ̨nį nɛ̨ɛ̨, mąąhɔlɔɓo, ə nɛ̨ɛ̨mąą hvə mą́ą́-e!

Lukə 12:45

Kɛlaa, akɛ, góló kɛmun tii a giliŋąhiɛ, yɛ kɛ mą: ‹Námu hvo pai pai ɉa.› Ə pɛlɛ kɛa mɛlaa koló kɛ nuą diɛ, yɛ di kɛlɛ, yɛ nąą mį́į́ yɛ pilɛ, yɛ gbələ yɛ ɓo a lɔɔ hon.

Azaya 32:6

Yaan, kilikpɛɛɲəimun nwɛi, ɓowo wooɠaa ɓə a mo, yɛ mɛ̨nį ɲɔ̨n gili tee gwəi, a túwɔ́ a nɛ̨ŋɛ̨n ɉəɠə mun dúwɔ́ pələ. Yɛ Yai-Laa laa mąątea woo ɓo, nui pulú aa gbɔlɔɔn, yɛ nɛɛ a gwəi howolo, nui kpələ wɛli kaa mą, yɛ nɛɛ a yá wɛli.

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Ɉaan 13:2

Ɓɛlɔwai di kɛi yələ wilii kɔ̨nɔ̨n mį́i la, nąnį aa gbɛa kɛ Jesus lɔwɔ́tɔɔ mɛ̨nį giliŋąhiɛ lɔ Simɔn lon Ɉudasə hu, yai a Iskariɔtə mun.

Markə 7:21

Mąąhɔlɔɓo, nu lii hu ɓə kiliŋąhiɛ ɲɔ̨nwɔ̨ɔ̨ɠaa da kulɔ laa, yɛ nu tɔɔ a mɛ̨nį ɲɔ̨n gɛɛ, yɛ bələi: nwuɔ̨ kɛɛ kaa la, nu paa mɛ̨nįɠaa,

Dutɛrɔnome 9:4

Yai-Laa a pa nuą tii kpɛi ka tɔwɔi, ka tɔɔ kaa kɛ diɛ: «Ku túwɔ́ pələ lɛlɛɛ moɔ ya ɓə gɛ, Yai-Laa yɛ ku lɔ la nɔi ŋɛ̨i hu, kuɔ hee laa.» Nu huwui tii hɔn mə gɛ, yɛ nɔi kulɔ la di yəi, yɛ dɛɛ ka pɔ.

Gɛlaɠaa 8:22

Gili ɲɔ̨nwɔ̨ɔ̨ ti gaa yɛ́, 'həɠə bulu, ə́ nɛ̨ɛ̨mąą hvə gu Ną́mu ɓa, gaa pai kiɛ hvaa mą; ə ə́ mąąhvaalɛɛ.

Lukə 19:22

«Tɔɔmun yɛ mą: ‹Kóló kɛmun ɲɔ̨nwɔ̨ɔ̨ ɓaa yɛ; ə́ woo tii ə́ mo ya lɔ ɓə gáá ə́ kiti teei mɛ̨i. Ə́ gɔlɔn gbɔ kɛ yɛ́, gáá a nui nwɔ mɛ̨nį walawala, ɓɛi və́ hɛn nąą li laa, nąą ɓə ŋą ɉəɠə laa; ɓɛi və́ tíi kɛ li laa nąą ɓə ŋą mɔ̨nun dee laa.

Maafîu 25:26

«Nąmu ə nwoo ŋąąpənə yɛ mą: ‹Kólo kɛmun hɔn ɲɔ̨nwɔ̨ɔ̨ ɓaa a yɛ́, ə́ gɔlɔn gbɔ kɛ yɛ́ diɛ ɓɛi və́ tii kɛli laa, nąą ɓə ŋą mɔ̨nun dee la, ɓɛi və́ mɔ̨nun dan ni laa, nąą ɓə ŋą mɔ̨nun giɲɛ̨ kələ laa.

Izikiɛ 12:27

«Hulɔnu lon, Israɛlə nwɔ pɛlɛ́i a kɛ kɛi diɛ; mɛ̨nįi ə́ ɉulɔnui ŋɛ̨i kaa gaai, tínąą mɛ̨nį hvəli, mɛ̨nį hu kwɛa mɛ̨nį ka tii gaa moi.

Izikiɛ 12:22

«Hulɔnu lon, lə mɛ̨nį ɓa yai ka kɛ ɉanwon ŋɛ̨i hɔɔi kaa vilɛn Israɛlə ɓa; kaa kɛ diɛ: ‹Voloɠaa kaa lɔ tɛɛi, hįį kaa nuą di hvo gaai.›

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Tɔɔɓɛlaa veelɛ 5:26

Kɛlaa, Elise yɛ mą: «Ɓɛlɔwai hulɔnu ta ə kulɔ la nwɔ wotoloi hu, yɛ pa ə́ laakwiɛn ɉii, gaa ə́ kwəi nį́i hvo kɛ laa? Gaa ə́ kwəi wali hon ɉii lɔwai ɓəi, da həɠəɠaa, ɛlɛɛ, olivə da viɲə, ɓɛlaa da nįŋɛ̨ŋąą, luwɔ hinąą da luwɔ nɛ̨ąą, da hon ɉii lɔwai hvəi.

Dutɛrɔnome 15:9

Ka gɛ a nɛlɛɛ, kiliŋąhiɛ ɲɔ̨nwɔ̨ɔ̨ hvo too ka kwəi, kaa kɛ diɛ: «Gwəlan mɛ̨ihveelɛ nąą həli hiɛ ka, gwələɠaa lɛɛ mɛ̨nį a kpɛli kwɛlan», kaa kɛa ɲɛ̨i wala wala laa kulɔ a ka kaayɔwɔi gaa yeehowolo laa hu; ka hva hɛn da tɛɛ bɔ, ka gɛ tii, gaa pai nwoo laai Yai-Laa ɓa a ka laa, ɛlɛɛ kaa nɛ̨ŋɛ̨n ɉee ka kpɔɔ nwuɔ̨.

Maafîu 24:47

Gáá moi kaa a tɛ̨ą, nwɔ mɛ̨nį nąmu a pa, a dɔɔ kólo kɛnɛ̨ takpɛli nwun na ə tɛɛ dɔlɔɔ tii ɓa. Yili pulu, a góló kɛmun tii ɲɛ̨i lɛɛ ɲei hɛnŋąą kəlee diɛ.

Maafîu 24:49

Ɛlɛɛ, ɓɛlɛɛ mɛlaa diɛ yɛ di kɛlɛ, ə li ə tɔɔ lɔɔ honŋąą pɔ diɛ di kpələ diɛ di laa mįi.