Maafîu 24:47 - Yálá laawoo hɛɓɛ (dc)

⁴⁷ Gáá moi kaa a tɛ̨ą, nwɔ mɛ̨nį nąmu a pa, a dɔɔ kólo kɛnɛ̨ takpɛli nwun na ə tɛɛ dɔlɔɔ tii ɓa. Yili pulu, a góló kɛmun tii ɲɛ̨i lɛɛ ɲei hɛnŋąą kəlee diɛ.

Yálá laawoo hɛɓɛ

⁴⁷ Gáá moi kaa a tɛ̨ą, nwɔ mɛ̨nį nąmu a pa, a dɔɔ kólo kɛnɛ̨ takpɛli nwun na ə tɛɛ dɔlɔɔ tii ɓa. Yili pulu, a góló kɛmun tii ɲɛ̨i lɛɛ ɲei hɛnŋąą kəlee diɛ.

Bible

⁴⁷ Ŋa tɔ̃yâ ƃoi kâa, a gɛɛ a pâi zeêi gɔ̃liŋ kélee mɛi.

Maafîu 24:47 Referans Kwoze

Maafîu 25:23

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu gáá pai gáá pai ə́ heei mɛ̨nį kɛnɛ̨ɛ̨ nwun na; pa ə́ hee gwɛ́lɛ kwəinɛ̨ɛ̨ hu.›

Maafîu 25:21

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu, gáá pai gáá pai ə́ heei mɛ̨nį kɛnɛ̨ɛ̨ nwun na. Pa ə́ hee gwɛ́lɛ kwəinɛ̨ɛ̨ hu.›

Lukə 12:37

Góló kɛ nuąi tii di nąmu a pa, ə di kaa a di ɲɛ̨i, nwun na nɛ̨ɛ̨ nuą ɓaa diɛ. A tɛ̨ą kpɔ-kpɔ gáá moi kaa, di nąmu a koló kɛ həɠə too gwaną, ə nwɔ koló kɛ nuąi hee, ə kɔ̨nɔ̨n dɛɛ di pɔ.

Lukə 12:44

A tɛ̨ą kpɔ-kpɔ gáá moi kaa, nąmu a ɲəi hɛnŋąą kəlee kalihvaɓo mą.

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

Timote veelɛ 2:12

Gwa diɛni gwa mɔ̨nɔ̨ mįi gee ɓa, gwa diɛni gu kaa pai tɔɔlaa kɛi gee ɓa. Akɛ gwa lənə mą, yaa kpɛlimąn a lənə guɔ.

Lukə 19:17

«Tɔɔmun yɛ mą: ‹Yaa gɛ a nɛlɛɛ, koló kɛmun nɛlɛɛ ɓaa yɛ yii yaa tələnmolaa kɛ mɛ̨nį logolo hu, gáá pa ə́ heei taa pow nwun na.›

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Danîa 12:3

Nwun gɛ ɉu nuąi ŋɛ̨i kɛi kpɔmaa tɛɛ nuą pɔ diɛ lɛɛ tələnmolaa hu, di ɲɛ̨ilaa a kɛ lən ɉii yɛ pɛmɛ̨nɛ̨n gɔw.

Hanwon 14:35

Tɔɔmun a ɲɛ̨i lɛlɛɛ hee, tímun gili kaa ɲəi, mą. Kɛlaa, a ɲɛ̨i ɲɔ̨nwɔ̨ɔ̨ hee nui a nwumɛ̨ tɛ nu, bɔ.

Maafîu 24:46

Lúwɔ́ lon maa yili mąą kólo kɛmun tii, yii nwɔ mɛ̨nį nąmu a pənə a pa ə ɲee kaa gɛ kólo ɓa, yɛ gɛ yɛ pələi di mo la ma.

Maafîu 24:48

Kɛlaa, akɛ a nui ɉɔn ɲɔ̨nwɔ̨ɔ̨, yɛ giliŋąhiɛ yɛ kɛ diɛ: ‹Nwɔ́ mɛ̨nį nąmu hvo pai pai ɉa.›