Maafîu 24:39 - Yálá laawoo hɛɓɛ (dc)

³⁹ Di ta lɔpee hvo Noe woo kaa a mɛ̨nį walawala, ə lɛɛ la ɉu ɲanwana ə pa ə gəlee nwun napili. Pələ kpɔlɔ ɓə gaa pai kɛi la a Nu Lon bai lɔwai.

Yálá laawoo hɛɓɛ

³⁹ Di ta lɔpee hvo Noe woo kaa a mɛ̨nį walawala, ə lɛɛ la ɉu ɲanwana ə pa ə gəlee nwun napili. Pələ kpɔlɔ ɓə gaa pai kɛi la a Nu Lon bai lɔwai.

Bible

³⁹ Dífe kɛ́ ní a gɔ́lɔŋɔɔ é lɛ́ɛ la zu ǹyá-fɛɛi é pá é lí a díkelee. Bere nɔ́ ƃe núu-kpune Ǹóŋ pa-pere a pâi kɛ̂i la.

Maafîu 24:39 Referans Kwoze

Ɉaan 3:20

Yaan, nuąi da kɛ mɛ̨nį ɲɔ̨n gɛi, di liiɓa ɓaa a kpinį, di hva kulɔ pono ŋą, ə gɛ, di túwɔ́ pələɠaa mąą hvə pa pono.

Maafîu 24:37

Pələi lɔ ə kɛ la a Noe nwɔ yələi, pələ lɔ ɓə gaa pai kɛi la a Nu Lon nwɔ yələi.

Gɛlaɠaa 13:41

«‹'Ka ká ɲɛ̨i hee tai, káái a tɛɠɛɓo ɉu nuą, ká hu ə pu káá, 'ká ɲɛ̨i ə paa kpɔ tɛ̨ɛ̨tɛ̨ɛ̨?! Ká kaa ni lɛɛi yɛnɛ̨ɛ̨, gɛ́ pa mɛ̨nį ta kɛi, nu ta a mo káá, ká hva pɛli gaai a tɛ̨ą.›»

Piɛrə veelɛ 3:5

Yii da kɛ lɛ̨ąi mą, ya ɓaa: Yálá aa wɔlɔ yələkɔlɔn da lɔi di pɛli, a naa woo, ɉu aa kwɛa, lɔi ə kulɔ yai, di bɛli a ya.

Hanwon 29:7

Tələnmomun ə mąąwɛli nuą di mąą mɛ̨nį nwun gɔlɔn. Nwąnąlmun nwɛi kili hvo mą yɛ ŋąhiɛ yili ɓa.

Hanwon 24:12

Ə́ kaa kiɛ pai kɛi diɛ: «Ku kili hvo pu ɉu!» Kɛlaa, nui a nu nįį hu kaa, ə gbaɠala kɔ́lɔn. Gaa pai nu kəlee hvɛla kulɔi, yɛ pələi di túwɔ́ pələ kaa la.

Lukə 19:44

Di kaa pai ə laɠan ɉii nɔi ɓa, yɛ́ ka ə́ kwəi lonnii, di hvo kpɛli pai kwɛni lɛɛi ɓɛ kwɛni mɛ̨i. Mąąhɔlɔɓo, hvó ə́ ɓalo yələ kɔ́lɔn ni.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Hanwon 23:35

Ə́ woo laa diɛ: Daa gɛ́lɛ, Kɛlaa, və́ ɲąą kaa li; daa ɉú lɔwa, gɔlɔ hvo gili kɔ́lɔn ni, mįnɛ̨ lɔwai ɓə gáá pai muhəɠəi la, ŋį́ li ŋį́ da kwɛli nwɔ̨nɔ̨?

Nwun mąąɓo 20:34

Israɛlə kɔ́kuláá waa pow di pa Givea taa lííla, kɔ́ kɛnɛ̨ kpɔ ə muhəɠə laa. Bɛnɉamɛn nu huwu kili hvo kɛ yili ɓa di mɛ̨i.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Zɛnɛse 7:23

Bələ ɓə lɔi mɛ̨i hɛnŋaa kəlee nwun na ə pili la, ə gɔwɔ tɔɔ nu ɓa, ə li la huwɔɠaa pɔ, nwɛ̨niɠaa da tala huwɔɠaa kəlee; gəlee di haa, ə lɛɛ lɔ a Noe da yiiɠaai kɛ bɔ gələn ɉu.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 24:3

Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Maafîu 24:30

A kɛ tii, Nu Lon pa mɛ̨nį kɔ́lɔn ɉɛnŋąa da laa yələ kwəi. Lɔi mɛ̨i nuą kəlee da di woo laa. Ɛlɛɛ, diɛ Nu Lon kaa heeni tulɔ kpinįn ɉu, yɛ pa huwalawala kɛnɛ̨ da mąąwiɛ hu.

Maafîu 24:40

Nąąlɔwai, hinąą hveelɛ da kɛ yɛa, dɔ̨nɔ̨ a həɠə, dɔ̨nɔ̨ ə lɛɛ laa.