Maafîu 24:37 - Yálá laawoo hɛɓɛ (dc)

³⁷ Pələi lɔ ə kɛ la a Noe nwɔ yələi, pələ lɔ ɓə gaa pai kɛi la a Nu Lon nwɔ yələi.

Yálá laawoo hɛɓɛ

³⁷ Pələi lɔ ə kɛ la a Noe nwɔ yələi, pələ lɔ ɓə gaa pai kɛi la a Nu Lon nwɔ yələi.

Bible

³⁷ Ǹyaŋ bere nɔ́ è kɛ̀ la a Nôa ŋɔɣele-ŋai, bere nɔ́ ƃe núu-kpune Ǹóŋ pa-pere a pâi kɛ̂i la.

Maafîu 24:37 Referans Kwoze

Piɛrə veelɛ 3:6

Yanwana lɔ ɓə wɔlɔ ɲɛnɛ̨ɛ̨ tɔlɔɔ ti nwun napili.

Piɛrə veelɛ 2:5

Ɲɛnɛɛ tɔlɔɔ yii kɛ laa Noe nwɔ lɔwai hu, ɉu nuą ɲɛ̨i wala-walaa, Yálá hvo di ɲɛ̨i mąą wɛli kaa, ə di nwun napili a yanwana, hvo kɛli lɔ Noe ŋɛ̨i kɛi tələnmo woo laa həli, yaa da nu mɛ̨ihveelɛ lɔ ɓə di nwun mąą ə ɓo.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Maafîu 24:39

Di ta lɔpee hvo Noe woo kaa a mɛ̨nį walawala, ə lɛɛ la ɉu ɲanwana ə pa ə gəlee nwun napili. Pələ kpɔlɔ ɓə gaa pai kɛi la a Nu Lon bai lɔwai.

Zɛnɛse 6:8

Kɛlaa, Yai-Laa ə ɲɛ̨i lɛlɛɛ hee Noe ɓa.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 24:3

Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Maafîu 24:27

Nu lon kaa pai pai, yɛ pələi mąlą-mąlą a gɛ la yələi, nən ə taɠa kɛɛnąą kəlee, di gaa.

Maafîu 24:30

A kɛ tii, Nu Lon pa mɛ̨nį kɔ́lɔn ɉɛnŋąa da laa yələ kwəi. Lɔi mɛ̨i nuą kəlee da di woo laa. Ɛlɛɛ, diɛ Nu Lon kaa heeni tulɔ kpinįn ɉu, yɛ pa huwalawala kɛnɛ̨ da mąąwiɛ hu.