Maafîu 23:35 - Yálá laawoo hɛɓɛ (dc)

³⁵ Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Yálá laawoo hɛɓɛ

³⁵ Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Bible

³⁵ a gɛɛ dɔ̃yâ-ƃelai kélee paa-mɛni é lɛ́ɛ kâa ǹɔii ma ƃɛ é síɣe Ebɛɛ paa-mɛni ma, nyii kɛ̀ a tɔ̃yâ-nuu, é tóo Zɛkɛraya, nyii kɛ̀ a Barakai ǹóŋ, paa-mɛni ma, nyii ká bàa Ŋ̀âla-pɛrɛ Kɛ́tɛi da Ŋ̀âla-teƃelei loai.

Maafîu 23:35 Referans Kwoze

Zakari 1:1

Dariusə nwɔ tɔɔlaai gwɛlan veelɛnąą nwɔ ɲąnin mɛ̨ihaaɓa, Yai-Laa ə pə́lə́ ɓo gwəi mɛ̨nį hu kulɔmun Zakari ɓa, yai kɛ a Ido lon Bɛrɛkia nwɔ lon.

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Zɛnɛse 4:8

Ə kɛ lɔ a yələ ta, Kain yɛ nəɠə Abɛlə ɓa: «Pa gwəli ə́ náálɛ.» Lii kɛa di moi, Kain ə wolo nəɠə Abɛlə ɓa, ə baa.

M̀ɛni-lɛɛi 18:24

Ɛlɛɛ, ə́ pɔɔli ɓə di Yálá kwəi mɛ̨nį hukulɔ nuą ɲąmą kaa laa, da nu mąąhəɠɛɛɠaa, ɛlɛɛ, da nuąi di di kulɔ a haláá lɔi mɛ̨i, di ɲąmą.

Ɉeremi 26:15

Kɛlaa, ka gɔlɔn kaa diɛ ka báá, akɛtii, kaa mąn, daai ŋɛ̨i da ɉu nuą kəlee, kwəi kwələ mun baa wulu a lɛɛ ka nwuɔ̨. Mąąhɔlɔɓo, Yai-Laa kpɔ ɓə dɔ́ɔ́ nwooɠaai tii kəlee ɓo mɛ̨nį ɓa, ə́ too ka wəlii.»

Tɔɔɓɛlaa veelɛ 24:4

Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.

Tɔɔɓɛlaa veelɛ 21:16

Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Lukə 11:51

Ə həɠə Abɛlə ɓa, ə həli la Zakari ɓa, yai di baa Yálá hee pɛlɛ́ mu, ɉaláá kulɔi da gɛɛnąą mąąhəɠɛɛ di lɔwai. A tɛ̨ą kpɔ-kpɔ gáá moi kaa, gəlee wulu kaa lɛɛi háákələi nuą nwuɔ̨.

Ɉeremi 26:23

Di Uriahu kulɔ Eziptə lɔi hu, di paa la tɔɔmun Yoyakimə pɔ, yili ə baa, ə bowa pili kpɔnmąą kámą hu.

Azaya 26:21

Mąąhɔlɔɓo, Yai-Laa ka ɲɛ̨́i kulɔi ɲəi bɛlɛ́n yɛ lɔi mɛ̨i nuą kəlee mąąni kɛ di hɔn mą. Ɛlɛɛ lɔi kaa pai ɓaɠii a ɲąmą, nuą di di paa, hva kɛa di loo.

Ɉeremi 2:34

Mąąwɛli nuą da kwəi kwələ nuą, di ɲąmą aa kɔ́ ə́ mąą həɠəɠaa diɛ; ə́ mąą həɠə ɓa ɓə gaa ɲąmą kaai laa, və́ gaai daa mąąkpɛ hį́i wolo ɓa.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Lonon mo 35:33

«Mąą hvo nɛ̨ɛ̨li nɔi ŋɛ̨i ka káá ɉu, ka hvo mąą liɓi, mąąhɔlɔɓo, ɲąmą kaa a hɛn a lɔi mąą liɓi, ɛlɛɛ ɲąmą a pu lɔi ɓa, hva pɛli waai a hɛn da kpɛli, hvo kɛli lɔ nui ɲąmąi tii pu nwɔ ɲąmą.

Azaya 14:21

Ka nɛapɛlɛɛ paa mɛ̨nį ɲɛ̨i kulɔ, di nąnni di wɔ nɛ̨ŋɛ̨nŋąą mąą mɛ̨nį ɓa, di hvo pa nəi kɛnɛ̨, diɛ nɔi hon a kɔ́, diɛ hiɛ yɛnɛ̨ɛ̨ nąą kəlee.

Ɉeremi 26:8

Mɛ̨nįɠaa kpɔ tii Yai-Laa ə Ɉeremi tí la, yɛ hvilɛn na nɔi lonnii diɛ, gbɛɛ a gəlee ɓoɔ, ɉaláá laahəli nuą, da Yálá kwəi mɛ̨nį hukulɔ nuą, da nɔi lonnii kəlee di ɉon, diɛ kɛ mą: «Yáá haa kwɛli a ə́ kpɔwɔ!

Gɛlaɠaa 5:28

yɛ diɛ: «Kɛlɛi ku hiɛ tɔn dɔɔ káá, kuɔ ka hvo kalan gɛ naai ti hu-ee? Akɛti, lə ɓə yai káámun káá Ɉerusalɛmə laahvɛɛ a ka wɔ kalan nwooi, ɛlɛɛ, káá ka wɔ nui ti haa wulu lɛɛ ku nwuɔ̨.»