Maafîu 23:34 - Yálá laawoo hɛɓɛ (dc)

³⁴ Yili ɓə gaa mą ka ka wəli tɔɔ a nəlɛɛ. Gáá Yálá kwəi mɛ̨nį hukulɔ nuą tɛɛi kaa, ə mą kɛ, mɛ̨nį kɔ́lɔn nuą da tɔ́n galamɔ̨ɔ̨ɠaa. Ka káá pai daɠaa kpanwoi kolɔwa ɓa, kaa daɠaa kɛlɛ ka wɔ Yálá hvɛli pɛlɛ́ɠaa mu a hvaɠa, kaa hvilɛn daɠaa pulu, kaa di kpɛ daa kpɛa-kpɛaɠaa hu.

Yálá laawoo hɛɓɛ

³⁴ Yili ɓə gaa mą ka ka wəli tɔɔ a nəlɛɛ. Gáá Yálá kwəi mɛ̨nį hukulɔ nuą tɛɛi kaa, ə mą kɛ, mɛ̨nį kɔ́lɔn nuą da tɔ́n galamɔ̨ɔ̨ɠaa. Ka káá pai daɠaa kpanwoi kolɔwa ɓa, kaa daɠaa kɛlɛ ka wɔ Yálá hvɛli pɛlɛ́ɠaa mu a hvaɠa, kaa hvilɛn daɠaa pulu, kaa di kpɛ daa kpɛa-kpɛaɠaa hu.

Bible

³⁴ Mɛni ma ka gáa, ŋa pâi Ɣâla ŋɔlóno-kɛ-ƃela tɛɛ̂i da táre-ƃela é pɛ́lɛ kɔlɔ-pɔ̃yɛ-ƃela dîa. Ka pâi da-ni paâi, ka da-ni kpamo saa-wuru ma. Ka pâi da-ni lókwâi Ŋ̀âla-fɛli-kêre-ŋai mu, ka da-ni kpɔara, kakɛ díkɔ̂ri daa-ŋai su,

Maafîu 23:34 Referans Kwoze

Maafîu 13:52

Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Gɛlaɠaa 13:1

Gbɔn kɛ Antiɔsə daai, Yálá kwəi mɛ̨nį hukulɔ nuą di kɛ ɉu da mąąkwɛlikɛ-nuą. Diɛ ɓaa: Barnabasə, Simeɔn (yai da kɛ naa mɛ̨i hee ɓaa: Hulɔn-dɛɠi), Lusiusə Sirɛnə mun, Manaɛn, yai da Herodə nɔi-nwun nąmu di di lɛapɛlɛɛ pə́lə́ kɛ gee ɓa, da Solə.

Maafîu 10:23

Akɛ da ka ɓɛlɛkpɛɛ kaa daa yiihu, 'ka pu, ka li da kpɛli hu. Gáá tɛ̨ą ɓoi kaa, ka hvo pai kpɛɛi a Israɛlə lɔi taaɠaa kəlee hu hiaa Nu Lon yɛ pa.

M̀ɛni-lɛɛi 11:10

Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.

Hebreu 11:37

diɛ daɠaa hɔɔ a kwɛni diɛ haa, diɛ daɠaa hutee a gbɛa haɠa, diɛ daɠaa paa a ɓɔwa kwɛaa. Di kɛ lɔ tii kɛa lɔi mɛ̨i diɛ tɛɛ, ɓɛlaa kɔ́lɔ da ɓooli kɔ́lɔ ɓə kɛ a di mąąhəɠəɠaa, di ɓo a yeehvowolo nuą, diɛ di mɔ̨nɔ̨ɓo, diɛ di hon a ɲɔ̨nwɔ̨ɔ̨,

Korɛntə dɔlɔɔ 3:10

Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Korɛntə dɔlɔɔ 2:6

Kɛlaa gaa kpɔ pa a tɛ̨ą, kilikɛɲəi laa ɓə ku kaa nɛi Kristalɛa diɛ, a diɛi daa di kpɛlaan ɉee. Gilikɛɲəi laa yili, hvo a ɲɛ̨nɛ̨ɛ̨ ŋɛ̨i nwɔɔ, ə mą kɛ a ɲɛnɛ̨ɛ̨ ŋɛ̨i hu tɔɔɓɛlaa di wɔɔ, yai naa kulɔi ɓaa a nwun na pili.

Gɛlaɠaa 15:32

Ɉudasə da Silasə diɛ kpɛlimąn, kɛi di mo a Yálá kwəi mɛ̨nį hukulɔ nuą, di galan nɛai ti liɛwooɓo kpɔ a ɉukwɛaa, di di hvaŋąlɔ.

Gɛlaɠaa 14:19

Nąąlɔwai Ɉuifəɠaa di həɠə Antiɔsə da Ikoniumə, di nuą ɲąąhee diɛ, di pɛlɛ Polə ɓa, diɛ ɉɔɔ a kwɛni; di lɛɛ ɉɔɔi di nɛɠɛ həɠə di kulɔ la daa kpala, ə kɛ di kwəi, aa haa.

Gɛlaɠaa 12:2

Ə Ɉaan niɛ Ɉakə paa a ɓɔwa kwɛa.

Gɛlaɠaa 11:27

Nąąlɔwai ti ɓə Yálá kwəi mɛ̨nį hukulɔ nuą di həɠə la Ɉerusalɛmə, diɛ li Antiɔsə.

Gɛlaɠaa 5:40

Di gɛlaɠaa təli, di di kɛlɛ a galakpa, di tɔn dɔɔ diɛ, diɛ di hvo Jesus laa ɓo. Di ɓo diɛ.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Hanwon 11:30

Tələnmomun dúwɔ́ pələ a ɓá a yɛnɛ̨ɛ̨, kilimąą mun nwoo yɛ nuą líi hon.

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.

Kɔlɔnikɔ Veerɛi 24:21

Nɔi lonnii ɲąba lɔ Zakaria ɓa, tɔɔmun ə mo, di ɉɔɔ a kwɛni, di baa Yai-Laa ŋą pɛlɛ́i laaləi, gwəli hąąi.

Ɉeremi 26:8

Mɛ̨nįɠaa kpɔ tii Yai-Laa ə Ɉeremi tí la, yɛ hvilɛn na nɔi lonnii diɛ, gbɛɛ a gəlee ɓoɔ, ɉaláá laahəli nuą, da Yálá kwəi mɛ̨nį hukulɔ nuą, da nɔi lonnii kəlee di ɉon, diɛ kɛ mą: «Yáá haa kwɛli a ə́ kpɔwɔ!

Ɉeremi 36:26

Yili pulu, ə mo Yerahmeɛlə ɓa, yai kɛ a tɔɔmun non, da Serayahu yai kɛ a Azriɛlə lon, da Selemyahu yai kɛ a Avdeɛlə lon yɛ diɛ: di ɉɛɓɛ́ kɛ mun Barukə da Ɉeremi di hon. Kɛlaa, Yai-Laa ə kɛi di loo.

Maafîu 23:31

Ka káá ka kpɔ mąą tɛ̨ą ɓoi, ka gɔlɔn gbɔ kaa, ka káá a Yálá kwəi mɛ̨nį hukulɔ nuąi paa nuą lonnii.

Tɔɔɓɛlaa veelɛ 21:10

Yili ɓə gɛ, Yai-Laa ə bələi ŋɛ̨i ɓo nwɔ loloɓo nuą diɛ, yɛ diɛ: