Maafîu 23:16 - Yálá laawoo hɛɓɛ (dc)

¹⁶ «Kpalo ɓɛlai kaa, kaa yiiɠaai ka ɲɛ̨i puɔ, kaa ɲɛ̨i pu nuą di wɔ tunwɔ̨n ɉon! Mąąhɔlɔɓo, ka kɛ nuą diɛ: ‹Nu a gwɛla a Yálá hee pɛlɛ́, yili hvo ɓaa a mɛ̨nį ta, gwɛla a həɠə mą. Kɛlaa, nu a gwɛla a Yálá hee pɛlɛ́ mu hɛni ta, yili walawalaai kpɔ kɛnɛ̨, ə lɛɛ gwɛla yili, hvo kɛli ə bɔ mɛ̨nį kɛ.›

Yálá laawoo hɛɓɛ

¹⁶ «Kpalo ɓɛlai kaa, kaa yiiɠaai ka ɲɛ̨i puɔ, kaa ɲɛ̨i pu nuą di wɔ tunwɔ̨n ɉon! Mąąhɔlɔɓo, ka kɛ nuą diɛ: ‹Nu a gwɛla a Yálá hee pɛlɛ́, yili hvo ɓaa a mɛ̨nį ta, gwɛla a həɠə mą. Kɛlaa, nu a gwɛla a Yálá hee pɛlɛ́ mu hɛni ta, yili walawalaai kpɔ kɛnɛ̨, ə lɛɛ gwɛla yili, hvo kɛli ə bɔ mɛ̨nį kɛ.›

Bible

¹⁶ “Kpalo ƃélaâi kâa káai a ǹúu-tuɛ-ƃela ŋɛi-puɔɔ̂i. Ka mò kâa, ‘Núu à vòo Ŋ̀âla-pɛrɛ kɛ̂tɛi ma, gáa nɔ kpɛni-kpɛni. Kɛ́lɛ, núu a vòo a Ŋ̀âla-pɛrɛ kɛ̂tɛi ŋɔgôoi fɛ̂ɛ é maa-mɛnii kɛ́.’

Maafîu 23:16 Referans Kwoze

Maafîu 15:14

Ka di lɛɛ laa, ɲɛ̨ipunuą ka tii di ɓɛlaa di wɔ tunwɔ̨n ɉon ɉii. Ɲɛipumun lɔpee a mɛlan nwɔ tunwɔ̨n ɉon, di nu hveelɛ da too lɔwai.»

Maafîu 23:24

Ka kɛ ka nuą tənən dɔɔ ka ɲɛ̨ipuɔ! Ka ka kpələ-yá hukpɛ kaa hįįlon bowa kulɔ ɉu, kaa ɲinɛ̨ powa lɛɛ ɉu kaa gbələ.

Maafîu 23:17

Éé! Ka hva mɛ̨nį ɲąą kaa, ka ɲɛ̨i puɔ. Akɛti, ɉɛn veelɛi tii nɛlɛ ɓə gɛnɛ̨, Yálá hee pɛlɛ́, ɓaa mu hɛni? Yaan, Yálá hee pɛlɛ́ ɓə a gɛ mu hɛni mąą yɛ wiɛ.

Zĩi 5:12

Mɛ̨nį kəlee ə mą kɛ, nąn nonnii, 'ká hvo ká kwɛla a yələkɔlɔn da lɔi, a wala kɛ ti, a hɛn ɉuwui lɔpee gəlee ta. Ká wɔɔ «ee!» ə kɛ a «ee!» Ká wɔɔ «kpaa!» ə kɛ a «kpaa!» Ya ɓə a gɛ, ká hva too la kitii hu.

Maafîu 23:26

Farisiɛ̨ɠaa ka ɲɛ̨ipuɔi! Ka gbɛa nii gbələ kɔ́wɔ da gəgən ɉu pələ waa, a kɛ tii, gɔlɔ ɓa a pɛli lɛlɛ.

Maafîu 23:19

Ka ɲɛ̨i puɔi! Akɛti, ɉɛn veelɛ tii nɛlɛ ɓə mąąwiaa, gəhi mə, a wala kɛ tii ɉaláá hɛn? Kɛlɛi, gəhi ɓə a ɉaláá hɛn mąąwiɛ ee!

Galatə 5:3

Gáá pənəi ŋį́ mo nwɔ̨nɔ̨ káá, gɛ́ káá, nui a gbɔwɔ lɔ kɛ́nɛ̨ mɛ̨nį hu; mąąnɛ̨ɛ̨ mąą nu ə dɔ́n gəlee pɔ yíiɓo.

Azaya 9:16

Yili ɓɛ gɛi, Yálá hvo pai di wɔ hilɛlɛai mąą hvaalɛɛi, hva di wɔ təlilɛai da di wɔ kalanninŋaai ɲɛ̨imąąwɛli kaa, mąąhɔlɔɓo, di kəlee di hva mɛ̨nį haŋąą kɛ, di hva kulɔ di woo ɓa; nuąi tii kəlee da kɛ woo ɲɔ̨n moi Yálá ɓa, ə mą kɛ tii, Yálá nwɔ liiɲąnwąnąi ni li pɔ, ɲee haŋąą ni di pɔ, yɛ haŋą diɛ.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.